ترحيب حار برامى عثمان

ترحيب حار برامى عثمان

الف مرحبتين حبابك اتفضل خش لجوة الدار دارك والبيت بيتك اتفضل على الراكوبة مرشوشة
ومقشوشة والجبنة مدورة دحين اتفضل على الهباب الوهيط داك واشرب ليك بكرى من جبنة
اهلك العراجة ديل وسمعنا نمك فرج علينا ربنا افرج همك... وبنقول ليك يارامى نورت المنتدى
ونحن سعيدين جدا بيك .. والان امامك الاشارة خضراء لتساهمنا بساهماتك وابداعاتك.

ملحوظة

للعلم ان رامى كان مسجل معانا فى المنتدى ولكن نسى الرقم السرى بتاعو والمرة الاولى
كان زعلان قال ما رحبنا بيهو وبنقول ليهو لك العتبى حتى ترضى ونتمنى ان يكون رامى عثمان
اكثر قوة ونشاط فى هذة المرة وبنقول ليك حبابك الف

مرحب حباب ولدنا رامي ود أخونا عثمان، زعيم أبناء العريجاء في مهد الذهب، وحفيد عمنا حاج محمد إبراهيم الرجل المعروف بالكرم والشهامة والمروءة.... حبابك يا النصيح تيرابك، يا المدخور لعقابك، يا أب خيراً مو دابك... أبقى داخل لي جوة وشوف ليك عنقريباً وهيط صنقر فوقو في راكوبة أهلك العراجة أم همبريباً ضارب دي، وورينا روائع قلمك وبنات أفكارك، وسامحنا فيما مضى، وافتح معانا صفحة جديدة، وعفا الله عما سلف.... والمرة الجاية جيب لينا معاك أبوك وعمك الفاضل وعمك السر، وأولاد عمتك ناس علم الدين..... وما تنسى تجيب معاك كوكبة أولاد العريجاء القاعدين في الفيس بوك...

تسلم ياملك ع الكلماات الرقيقه وانا بجد بتمني اني اكون من ضمن كوكبه نادره بين اهلي وحبايبي واصحابي الذين مابخلو ع العريجا فقد ساهمو بكل مايملكو لرفع مكانتها وتحضرها ورقيها وانا سعيد بيكم وبي وجوددكم والتحيه للاخ عنتره الرجل الانسان لن اقول عنو اكتر من انو انسان بمعني الكلمه ودمت زخرا لوطنكم الصغير وقريتي الحبيبه

نقول
لك

**(( رامـــــــــــــــــــــــي
عثمان ))**

.•°اهلاً
بك قلماً مميزاً وقلبا ً حاضراً °•.

.•° هنا
حيث القلوب تشابهت طيبة ٍ °•.

.•° وتلونت
فرحاً وأملا ً °•.

.•° تزينت
سماءنا بلالئي الأنجم اللامعه

وتوشحت
بوشاح الفرح والسرور

وهلت
بشائر طيور المحبه ترفرف نشوة بقدومك

وتعانقت
حروف القوافي ترحيب بعطرك °•.

.•° بكل
المحبه والموده نحييك لتشريفك لنا

ونرحب
بك اجمل ترحيب ممزوج بعبارات الود والاخوه

موشح
بالفل والكادي والرياحين°•.

.•° نتمنى
لك إقامة رائعه وممتعه مع اخوانك و اخواتك

وفي
شوق لعذوبة غدير حروفك لنرتوي منه

ورسم
أناملك لنتمتع بابداعك وجماله °•.

.•°ارق
تحية معطره بروح الورد لك°

&&&&&&&&&&&&&&&&&&&&&

مشكورين ع حفاوه الاستقبال والتحيه للعم والوالد اسماعيل البشير الرجل القامه والخال ابو ممدوح والاخ والصديق عنتره مع خالص ودي ومتناني ...ملحوظه ياسمعه العم فاضل مسجل وموجود معنا بس امكن تكون ظروف مانعاهو انو اطل علينا وجزيتم خيرا

عمك الفاضل مسجل معانا من زمان ولكن غيابه عن المنتدى امتد لأشهر، وأظنه لقى مراتع خصيبة في ملتقى الفيس بوك... يقول الشاعر الشايقي مخاطباً طائره الميمون: أظنك انخمل= بي غادي في ضل التمر !!

يا ريت لو تنبه الراجل ده عشان يجي ويدخل بقوة تماماً كدخلتك هذه التي أنعشت المنتدى وأجرت الدماء في عروقه