افراح الكدّكاب وزيتنا في بيتنا

اليوم تتمدد فرحتنا لتغمر المساحات وتملؤها سعادة وهناء عندما يصدح مزمار الحي معلنا زواج ابن اختي كمال احمد علي (ود السيده بت علي ود الكدك) علي ابنة اخي (ميسون كمال علي الكدك ) بمدينة الحصاحيصا والله دي شبكه وشبكونا مع الوالده طيبه بت احمد زعلت وقفت لمبه قالت وحاة ابوي كراعي من البيت ما امرقا ولا علي السيده ولا علي كمال خوفا من زعل كل منهما فقد كانت معترضه علي ان يتم الزواج بالحصاحيصا وكاتلت ولدا قالت ليهو ها ولد الحصاحيصا عندك فيها حواشه ولا زريبة قصب تعال اعمل العرس في بية ابوك الناس هنا تكفي وهنا تكفي وقد فشلت كل المحاولات باقناعها اما الزهاب لبيت بتها او بيت ولدا وانتو عارفين بنات المحينا اكان قفن منك مابيدنك وشهن تاني عموما جعله الله زواجا مباركا وياسماعين شوف الشربكه دي مسنداب كدكاب وبريكاب ولا شنو ماعارف السمين دا جنسو شنو ؟؟؟[b]

الف مبروك

badr kadak كتب:: اليوم تتمدد فرحتنا لتغمر المساحات وتملؤها سعادة وهناء عندما يصدح مزمار الحي معلنا زواج ابن اختي كمال احمد علي (ود السيده بت علي ود الكدك) علي ابنة اخي (ميسون كمال علي الكدك ) بمدينة الحصاحيصا والله دي شبكه وشبكونا مع الوالده طيبه بت احمد زعلت وقفت لمبه قالت وحاة ابوي كراعي من البيت ما امرقا ولا علي السيده ولا علي كمال خوفا من زعل كل منهما فقد كانت معترضه علي ان يتم الزواج بالحصاحيصا وكاتلت ولدا قالت ليهو ها ولد الحصاحيصا عندك فيها حواشه ولا زريبة قصب تعال اعمل العرس في بية ابوك الناس هنا تكفي وهنا تكفي وقد فشلت كل المحاولات باقناعها اما الزهاب لبيت بتها او بيت ولدا وانتو عارفين بنات المحينا اكان قفن منك مابيدنك وشهن تاني عموما جعله الله زواجا مباركا وياسماعين شوف الشربكه دي مسنداب كدكاب وبريكاب ولا شنو ماعارف السمين دا جنسو شنو ؟؟؟

[b]مبارك الزواج لابننا كمال الصغير وابنتنا ميسون، نسأل الله أن يجعله زواج مودة ورحمة وسكن، وعشرة مديدة، وحياة سعيدة... نسأله جل ثناؤه وتقدست أسماؤه أن يوفق بين قلبيهما ويبارك لهما ويبارك عليهما ويجمع بينهما في خير...

ويا بدر الدين بصراحة (طيبة بت أحمد) دي براها كوم وباقي المحينابيات كوم ... دي عبارة عن بركان متفجر وبرميل بارود مشتعل... وعلي ود الكدك (عليه رحمة الله) عروابي، وحاج ملك الدار عروابي برضو... وربما تكون حاجة بت المنى (نسيبة كمال) مسندابية وحاجة آمنة (والدة حاج ملك الدار) برضها مسندابية، أما السمين فهو رجل كاهلي ولكني لا أعرف العشيرة التي ينتمي إليها...يعني كلهم كوهلة، من نسل أمير المؤمنين عبد الله بن الزبير (رضي الله عنهما)!!!

مجدداً نبارك أفراح أهلنا الكدَّكاب والكدادكة والكداكدة كما كان يحلو لود تمساح (عليه رحمة الله) أن يسميهم... ودامت ليالي العريجاء كلها أفراح ومباهج....

تتعالى الأصوات .. وتمتزج العبارات
وتتحرك الأنامل لتخط كلمات ..
لتبقى في القلب ذكريات ..
ولاأملك سوى بضع كلمات لترسم لكم
التهاني والتبريكات .. فأقول ألف ألف
مليون مبروك للاخ الاصغر كمال احمد وللاخت

الصغيرة ميسون وان شاء الله بيت مال وعيال. وندعو الله ان ..
يسعدكم ويوفقكم .. ويرزقكم الذرية الصالحة
التقية النقية ..هبة من ربنا ورب البرية امييييييييييييييييين يارب العالمين

كـل التـهاني يا ( كمال أحمد وعروستة ميسون كمال )

********************
عروسا زانها الرحمن بالأخلاق تزيينا

ووجهها جل من سواه إبداعا وتحسنا

ودلالا يترك المشتاق مأسورا ومفتونا
*********************
انشروا أغلى الروائح والبخور

وانثروا ماء الزهر والعطور

وافرشوا في دربها أحلى الزهور

أقبلت من صوبكم بدر البدور
***********************
قولوا للعريس مبروك ولأهله ولخلانه

والسعد علينا يعود والأفراح تهناله
*************************
عسى الفرح في دنيتك دايم الدوم
وعسى الحزن لاطال طول غيابه
اللهم بارك لهما وبارك عليهما واجمع بينهما في خير
مبروك ألف مبروك
*************

نـوقـدالشمـوع

وننثـرالـزهـور

وتـدق الـدفـوف

احتفـالابـزفـافكِ

الف مبروك عزيزتي...

وينك يا بدر الكدكاب، وقمرهم المنير، وبلبلهم الصداح ؟؟!

الجماعة ديل كلهم تداخلوا معاك وباركوا ليكم الزواج الميمون - بمشيئة الله تعالى - فحقهم عليك أن تشكرهم يا حفيد الكدك...

تعريجة: ادخل بوست (قفشات عريجاوية ضاحكة) واقرأ فقشة مشهورة لجدك الكدك (عليه رحمة الله)، وهناك بوست متوقع أن يظهر قريباً في المنتدى بعنوان (آخر مكالمة لي مع زعيم المحيناب علي ود الكدك- رحمه الله)...

السلام عليك يا كدك ألف مبروج الزواج لأخينا كمال أحمد و لبنتنا ميسون و لكل الأسرة الكريمة و أسأل الله تعالى أن يبارك لهم و يبارك عليهم و أن يرزقهم سعادة الدنيا وا لآخرة

هلا خالد الجاك بارك الله فيك وربنا يوعدك ويوعدنا جميعا كتر خير ومختفي مالك

badr kadak كتب:: هلا خالد الجاك بارك الله فيك وربنا يوعدك ويوعدنا جميعا كتر خير ومختفي مالك

ما هكذا تورد الإبل يا بدر الكدك!!

الناس ديل كلهم مروا على موضوعك وتداخلوا معك وتركوا بصماتهم وباركوا زواج العروسين حفيدي عمنا الكدك (رحمه الله)، وإنت ما عبرت واحد منهم بكلمة، بس حدك خالد الجاك وفرملت على كده !!!!