محمد عنتر
عدد المساهمات : 1362 تاريخ التسجيل : 25/01/2011 العمر : 42 الموقع : الامارات-ابو ظبى
| موضوع: رد الرسالة الإثنين 21 مايو 2012, 3:19 pm | |
| رد الرسالة
تانى كاتب لى خبارك
تانى كاتب لى خبارك كان سؤال قاسى واليم كنت بتوقع قليبك لى يكون حانى ورحيم الا ردك لى يا غالى طعنة كانت فى الصميم وبرضو تسأل تانى كاتب لى خبارك ************ تانى بكتب ليك وتالت مانى يـائس من هواك تانى بكتب ليك وعارف استحالة اعيش بلاك واسعد اللحظات فى عمرى يوم سكن فى الجوف هواك جوه عشعش فى كيانى والقليب سعد اصطفاك تانى ما ممكن اسيبك وانشد اشعار لى سواك أو اقدس غير عيونك أو اميل لى غير غناك وبرضو تسأل تانى كاتب لى خبارك ************ دى الديار القلت كانت لسه ما زالت ديارك والقليب القلت خانك لسه ما فارق مدارك والفراق القلت منى لا خيارى ولا خيارك قسوة بس من القدر يوم حرم عينى جوارك عشت فى بعدك حزين وادمنت روحى انتظارك ما طواها اليأس لحظة عايشة تحلم بى مزارك وبرضو تسأل تانى كاتب لى خبارك ************** ده الغرام الكان بيناتنا ما اظنو عليك يهون والقليب الليك حانى وانت فى نبضو بتكون والعيون الحاضنة حبك حافظة لى عهدك تصون والدواخل العامرة بيك تبقى ايه غيرك تكون ما اظن يا غالى تقدر بكرة تنساها العيون وبرضو تسأل تانى كاتب لى خبارك ************* فى رسالتك قلت لالا ولى الرجوع الف استحالة والامانى الشادا ريدنا وكنا نحلم فى ظلاله قلت تاهت قلت راحت وليك انت بعيد مناله الغضب يا غالى لالا والقساوة الفى عيونك لالا ..... لالا نحن غيرك ما بنكون وما بنوالف غير هواك ومن اريج الدنيا كلو ما بهمنا غير شذاك طول بعادنا وشح ودادك لالا ... لالا ليل سهادنا وجور عتابك انت .. لالا نار عذابنا ومر فراقك لالا ... لالا والف ... لالا يبقى يا مريودى فكر اصلى ما بحمل جفاك دى الايام غيرك حزينة اصلو صفوها من صفاك عود لعشك بى حنانك اصلى مترقب لقاك وما تشمت فينى عازل قصدو ابعد عن مداك وتزرع الحسرة فى دواخلى والقليب يحصد اساك وتبقى طاوعت الاعادى وبعت قلباً ما سلاك وبرضو تسأل تانى كاتب لى خبارك عاشق الطمبور ود عنتر | |
|