الحمد لله والله دي سلامة كبيرة ونسأل الله ان يجيره في مصيبته ويعوضه خيرا منها . وبالامس انا كنت اتكلم مع الخال فضل المرجي وسألته عن التفاصيل فقال لي اول ماجونا وقعوا الناس المناع مناع رموهم في الواطة بالفرار والقرجة وكتلوا الزول القاومهم ده . قال لي وفي ناس علقوهم قمت قلت لي انت من ضمن الناس العلقوهم قال اي والله انا من ضمن الناس العلقوهم وبقي يضحك قال لي غايتو اخدنا علقتنا والعندنا شالوها . فان شاء الله ربنا يعوضوا والبركة في سلامته والبركة في عمره ونسأل الله ان يتغمد صاحبهم بواسع رحمته وان يجعله من الشهدا وان يتقبله عنده في الفردوس وان يشفي كل من جرح من زملائه شفاء عاجلا امين