رحبوا معي بعضوتنا الجديدة الدكتورة أمل صالح

رحبوا معي بالدكتورة أمل صالح

بسم الله الرحمن الرحيم

طبيبة الأطفال الدكتورة أمل صالح (تنتونة) هي آخر حبات العقد الفريد من أعضاء المنتدى الجدد ... وسبب انضمامها لكوكبة أعضاء المنتدى إعجابها بمنبر العريجاء، وهي تتمنى أن تكون من أسرة العريجاء... نرجو من الجميع الترحيب بالدكتورة أمل في بيتها وبين أهلها وعشيرتها أهل العريجاء الكرام...

مرحب حباب د. أمل صالح... البيت بيتك والدار دارك يا بتي... وكان ما شالك الكتف يشيلك الراس... دحين أبقي داخلة لي جوة، وشوفي ليك عنقريباً وهيط صنقري فوقو واستمتمعي بالهمبريب البارد الذي يهب على راكوبتنا الحالمة هذه.

وهذه رسالة التعريف التي أدلت بها تنتونة:

اقتباس :

أمـــل صالح، من من مواليد 8/4/ 1985السعودية، درست بى المملكة العربية السعودية، ودرست جامعة مامون حميدة، والآن أعمل طبيبة أطفال فى ماليزيا، معجبة بى المنتدى واشكر الجميع واتمنا ان اكون من أسرة العريجا .... وشكــــــــــــــــراً

تنتونة

الف مرحب الدكتورة أمل صالح واتمني ان تكوني إضافة حقيقية للمنتدي اتمني ان تعرفينا بنفسك اكثر .وفقك اللة وجعل ايامك كلها بركة.

زائر

مستحيل تشرق الشمس وماتضويك ومستحيل في إنضمامك لمنتدانا مانرحب بك مرحباً بالاخت الكريمه لانضمامك لهذا المنتدي الوديع ونتمني أن تقدمي لنا إضافه حقيقه يادكتوره أمل صالح --تنتونه--وجزيتي خيرا

الحظ الجانا
غشى سكتنا
جانا وجابك لينا هدية
يالهليت فرحت قلوبنا
إطريتنا الليلة وجيتنا
شوف شتلاتك كيف نشوانا
والفل فرهد فرحان في البيت
والريحان طربان يتمايل
غازل زهرة وعاين ليك
كل البيت خليتو في فرحة
ضاحكه قلوب وقلوب منشرحة
جيت واكتملت بيك اللوحة

وزى ماقال اخى اسماعيل عندنا
موستصف جديد ماتنسي عندنا
يوم مفتوح بعد تنزلى السودان
مرحبتين حبابك الصديقه امل صالح في

بيتك ومنتداك بيت الابداع

حللت اهلآ ونزلت سهلآ

زائر

شكرا الى ابى العزيز الاستاذ اسماعيل واخى اصيل واخى اخو التومات الف شكر الى الجميع اتمنا ان اكون عند حسن ضن الجميع