اخونا سفيان الف على السلامه بين اهلك واصحابك

الحمد لله وصل صباح اليوم الى السودان اخونا سفيان الجاك من دوله الامارت لقضاء اجازته ومدتها 60يوما الجدير بالزكر انو اخونا حسن الجاك منتظر سفيان على جمر وقال اكان ما جا اخوى مابعرس فضربت ليه الصباح بدرى وقلت الف على السلامه فرد لى مباشره من غير سلام(العرس كبس يا عمك) وانشاء الله ربنا يوفقك يا ابو الجاك.

حمداللة على السلامة بسلامة الخال العذيذ اللذيذ سفيان الجاك
بالوصول الى ارض الوطن الغالىوالى ارض العريجا الوريفة
وربنا اخليك لينا يا الخال العذيذ مجدى للمتابعة والاخبار السعيدة
يعنى بالكتير اسبوع والخال حسن الجاك عريس ربنا اسعدو
واهنيهو وانشاء اللة بيت مال وعيال

طلب خاص ياالخال العذيذ مجدى
عايذنك تبقى مراسلنا فى العريجا

يعنى لو عترت دجاجة نعرفة اول با اول

مراسلنا من استديوهات العريجا مجدى محمد حمد يحيكم

حمدالله علي السلامة الخال سفيان نتمني ليك اجازة طيبة بين عشيرتك في العريجا ونفول للخال حسن (يايوم بكره ماتسرع تخفف ليه نار وجدي)

اول حاجه اخونا عادل انت وينك وين .والف على السلامه ويا اخونا محمد عنتر والله فعلا سؤالك عن حدباى فى محلو وكلنا بنسال لكن الراجل شكلو كدا مشقول شويه .وبالنسبه لاخبار الحله انشاء الله اى خبر جميل اول باول.وداير اقول ليك امبارح القريـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــبه دى المهندس جاء واستلم باقى الشغل وقال ليهم المساله بعد كدا هانت (والخبر نقلا عن خالد ابوجاكو )