مسابقه عرجاويه من اشعار محمد حسن حدباي

الاخ حدباي من ابناء العريجا المخلصين ولكنه مختفى عن المنتدى ولكن اجد لاخيك سبعين عذرا

الاخ حدباي من شعرا الحلمنتيش

الاستاذ الناقد محمد عثمان وداعة الله

قال عن الاستاذ حدباي ما من قصيده لحدباي تخلو من تغير فجائي من الايقاع الضاحك بعد ان يسلط الضؤ على المشكلة

الى هدؤ صوت العقل وبهتاف داو يقول ها انتم ترون فما الحل فتجد الحل فى نهايات القصائد عند حدباي

(اضحكوا ولكن تعلموا كيف تبكوا)

المسابقه تتعلق بشعر محمد حسن حدباي

1- هنالك قصيده لحدباي يقول فيها

عيبنا نحن فى نفوسنا
لا بنصنع تكنولجيا
لا بنهاي شان نذاكر
عيبنا نحنا شكله
فى كل المحاور زيف بيطفح لما انتكت المنابر
طار واتشتت ورقنا وفيهو اندفقت محابر
وديمه نبكى فى مجد غابر
حقو نحن نقيف ونصحى عشان ما نصنع مجد باكر

ما اسم القصيده

2-وفى قصيده اخرى يقول شاعرنا
حليل التوب
حليلنا نفخنا فى الفاضى وكانت قربه مقدوده

ما اسم القصيده

3-وفى قصيده اخرى يقول الشاعر
الا بس اصبح عزانا
طيبه اخلاصنا ووفانا
وكتين اولاد المدارس
يوت ادافروا فى طريقهم
شان يكتبوا الحصه فى حينا وزمانا
الا بس اصبح عزانا حب بلدنا
منبت الخير والوداعه
ريحه الطين والزراعه
حب تقاليدنا وطباعه
فوقا ما بنرضى الاهانه

ما اسم القصيده

4-يقول الشاعر حدباي
وبرضو تقول شباب عربي
اصح نقول شباب ضائع
مشتت وفى قيودو سجين
لكن يا ناس بقولو كلام
تعالوا ننضف افكارنا
نحارب الجور
نحارب الرده والاثام
نفكرفى عروبتنا
نخطط ونمشى لى قدام
وبعد اليوم فيا جوليا
ويا ام عزين ويا الهام
حلفنا نجندل العملاء
وكل صهيونى ابقى حطام
وتبقى العزه عربيه
تعانق فى سمانا غمام

ما اسم القصيده

هداك الله يا أبا مسلم لماذا لم تسأل أولا عن الجائزه ؟ يمكن ود نور الله يبحبحا علي البجاوب