رحبو معى بالعضو الجديد القناص

ترحيب حار العضو الجديد القناص
مرحبتين حبابك يا القناص اتفضل خش لجوة
على البيت الوسيع بيت اهلك العراجة

وسعدين جدا بتواجدك بيننا على امل ان
ان تستمتع وتستفيد وننتظر مشاركاتك
وتفاعلك فمرحبا بين اهلك

ونسأ ل اللة لك التوفيق والنجاح والتميذ

بس ياريت تعرفنا بنفسك اكتر يا القناص

زائر

من أمبارح روبت ليك العضو الجديد ياود عنتر دحين وقت رحبت بيه نحن كمان نرحب بيه ونقول ليه حباااااااابك وسط أهلك وأصحابك .

حباب الأخ القناص
أمير القلم والقرطاس
الما بهاب طلقات الرصاص
أب خيراً غطَّى العام والخاص
حفيد عمرو بن العاص
وسعد بن أبي وقاص

مرحب بيك في دارك وبين أهلك وأحبابك،،، شرَّفت المنتدى، وأشرقت بقدومك الأنوار... أبقى داخل لي جوة ولا تحرمنا من ثمرات يراعك الذي ينضح بكل ما هو جديد ومفيد، وما تنسى تعرفنا بنفسك...

في البدايه اشكر ابن عمي العزيز محمد عنتر والخال العزيز والمتميز دوما اسماعيل البشيروالاخت امنه عبد القادر علي الترحيب والكلمات الجميله
بقول ليكم والله المنتدا منور بيكم
وياريت نقدر ندي للعريجاء ولو القليل

الاسم فتح الرحمن عبد الله حسين احمد

طلعتة ود عمنا (افو) عدم العرفة كعب

مرحبتين حباب ود عمى البشيل همى

اتفضل على البيت الوسيع ماك مشحود عليهو ولاك ضيف

سيد دار وبيت وملك اتحكر على الهباب

وا اتوهط واعزم الضيوف الجاين

يلا ورينا ابداعاتك يا رايع

تخريمة
انا وود عمى داء فى المنتدى يا ناس المنتدى شيلو شيلتكم
على الراجيكم

ابن عمي الغالي
مش كور علي الهباب
وضلكم بلحيل سمح وبارد
بس كان لقالو رشه مويه
ولمه جبنه اكون اجمل

زائر

حباب القناص .سيد الجلد والراس الفى الجبنه مو جلاس.مرحبتين حبابو سيد الناس.
دا طبعا نجر اخضر ...زى شعر اخونا (ابو قدامه)بالمناسبه الراجل عندوامتحانات انشا الله ربنا يوفقك ويسدد حطاك ونجاحك ياهو نجاحنا ونحنا بنفتخر بيك وشد حيلك والله معاك.

عدد المساهمات : 234 تاريخ التسجيل : 18/10/2010

هلا بالقناص (ود الخالة ) مرحب بك وسط اهلك وناسك ويارب تكون اضافة حقيقية للبيت الكبير

القناص كتب:: في البدايه اشكر ابن عمي العزيز محمد عنتر والخال العزيز والمتميز دوما اسماعيل البشيروالاخت امنه عبد القادر علي الترحيب والكلمات الجميله
بقول ليكم والله المنتدا منور بيكم
وياريت نقدر ندي للعريجاء ولو القليل

الاسم فتح الرحمن عبد الله حسين احمد

أتاري زولكم (القناص) طلع ود عبدُ اللهِ حسين، وأمه أشواق محمد حمد، يعني أمير خالو، ومجدي خالو، ومحمد عنتر ود عمه، والبرنس ود خالته، وكمان (بت النبي) بت خالته..... خراااااااااابل، كرسااااااااااابل... الزول ده كان كدي ما سيد المنتدى ده عديل كده !!!

لكن يا محمد عنتر بصراحة ابن عمك ده يشبه أبوك عنتر أكتر منك إنت زاتك (على الرغم من إني لحدِّ الآن ما عارف شكلك كيف !!) طيب ياخي ما تخت لينا صورتك عشان نقارن بنيها وبين صورة فتح الرحمن (القناص) !!!

لكن الحقيقة صورة القناص هي صورة طبق الأصل للأخ عنتر حسين لمن كان صغير!!

قبل كده أنا شفت صورة (محمد حسن عبد الله الحسن) في هذا المنتدى، وحقيقة كنت قايلو خاتي صورة أبوه (حسن ود السكينة)، لكن الأخ الهادي إبراهيم أكد لي أن هذه صورة محمد وليست صورة والده حسن عبد الله !!!

ختاماً؛ مسعولين من الخير... ولدنا القناص ده؛ دحين ما ياهو الولد الأنا شفتو واقف حارس مرمى لفريق العريجاء في مباراة لهم ضد فريق قرية النو عام 2008م ؟؟؟! لأني اليوم داك سألت عن هوية الحارس، قالوا ليْ ده ود عبد الله حسين!!

ود العم بقولو ضؤك البشوف بيهو
وسندك البتنتكل عليهو
وبتلقى قدامك ماد اديهو
وفى حارتك تب ما بدنقر ارصد زى الصغر بهنيهو

عشان كدا حبابك الاف وتانى حبابك الاف وعلى الطلاق الا نضبح ليك
تعال يا ود سيف الدين خش الزريبة وامرقلك خروف مانع ليهو كلوات
الليلة عندنا ضيف عزيز علينا ود عمك الماخمج
وبعد تجيب الخروف داء نادى السر ود حاج العبيد عشان اجيهو وانت
امرق بالدرب دا طوالى عشان تعزم الناس ديل من دربك داء على جدك ود حمد تكلمو هو واولادو
وبوشك على ناس حبوبتك بت حدباى كلم معاك الجنى الحلبى دا قول ليه اسرع ومن هناك امشى ورى الشفخانة
كلم معاك قروارة وعلم الدين ودحامد جنى ناس الزين وخالو الفاضل وما تنسى كلم معاك ود حسن سعد البقلولو احمد
والجنى ود عثمان ود حاج امحمد بقلولو رامى وتخش بى فوق على ناس ود الهادى وتكلم وليداتو قولهن تجو سريع وتنزل يا تحت وتقشى اهلك المحيناب ديل تكلم جدك اسماعيل واخوانو وتجى على ود خالتك جنى ودجبر تقول ليهو اسر وتعال على اولاد بت حدباى ديل وقول ليهم تعلو كلم خالد وقول ليهو جيب معاك الدكوة والليمون بتاعات امبارح

وبعد تجى كلم معاك عمار ود عمتك رقية خليهو اجيب البكسى بتاعو لانو عندنا ضيوف من برة الحلة دايرنو اجيبن لينا
ناس(وتشمل كل الزين من خارج العريجا ومعنا فى المنتدى) يعنى البكسى دا بمرق فى الشمالية ما عندو اى مشكلة

وكلم معاك امنة بت عبد القادر
الجن طن طن وقال ما بمشى للنسوان
ما ترسلو البنات ديل انا امشى للنسون
قلنا ليهو لا حشاك يا جنى الدحلاب تمشى للنسوان كيف

امرقى يابت وكلمى معاك كل عضوات المنتدى خليهن اجن
(يعنى اى واحدة معانا فى المنتدى تجى)

وكلك يا اخونا معزومين بدون فرز

على الشيى بالجمر والمرارة
والمعزرة المعزرة المعزرة لمن سقط اسمة سهوا
وسامحونا

كل اعضاء المنتدى معزومين معانا بدون فرز

زائر

تراني موهطه جنب المناقد ديل داير أقلب ليكم شية الجمر بسراع والله الحضر حضر والماحضر رزقو في كرعينو زي ما قالت الماجده حبوبة ماجده. Razz

امنة عبد القادر كتبت
تراني موهطه جنب المناقد ديل داير أقلب ليكم شية الجمر بسراع والله الحضر حضر والماحضر رزقو في كرعينو زي ما قالت الماجده حبوبة ماجده.

عارفك ست حارة عشان كدا رسلنا ليك اول واحدة عشان تجى تجيهى الامور
وتقيفى بنفسك على الضبيحة دى

يلا كدى طلعى لينا صينية من شية الجمر دى
وعليك اللة اعملى حساب الناس الجاين من برة ديل

» رحبو معى بالعضو الجديد عمر
» رحبو معى بالعضو الجديد ابو نبيل
» رحبو معى بالعضو الجديد ابو ممدوح
» رحبو معى بالعضو الجديد عبد الغنى
» رحبو معى بالعضو الجديد خالد صديق ادم