العم ميرغني موسي يدخل الخال في مطارحه شعريه

بسم الله والصلاة والسلام علي رسول الله اما بعد : التقيت بالعم ميرغني موسي وطلب مني ايصال هذا المسدار الي الخال اسماعيل للرد عليه . فقال: جاني القرين قال لي مالك يابليد * * *قنبت تلقن في الحروف وتزيد * * * تفاح منبع الخوليه طابق التعبيد * *ما بدوه الا للدارس التوحيد .

هوووووووي أظنك طالقين ليك حبل المقاده والله كان عندي تلفون أم شيماء والله تشوف شوف

أنا الواجعني يوم المسابقه الرابعه قلت ماعندك التكتح الليله بعد بقت فيها عروس )سغيرونيه( مرقت الرزم.... والله كان تمرق لينا جايزتنا وإلا....؟

آمنه عبد القادر كتب:

هوووووووي أظنك طالقين ليك حبل المقاده والله كان عندي تلفون أم شيماء والله تشوف شوف

اقتباس :

أنا الواجعني يوم المسابقه الرابعه قلت ماعندك التكتح الليله بعد بقت فيها عروس )سغيرونيه( مرقت الرزم.... والله كان تمرق لينا جايزتنا وإلا....؟

يا زولة هوي... عليك الله شوفي ليك زولاً إضينة وهِويِّن؛ خوفي بي تهويشاتك دي... أنا سماعين، أسد العرين، السكن أم جعارين، الما بهاب العوين، وتهديد النساوين !!!

ولمعلوميتك إنت وغيرك؛ جوائز مافي كلو كلو (تشموها قدحة) وعاد أعلى ما في خيلكم أركبوها، وزي ما قال البطحاني: (تنقد الرهيفة إن شا الله ما تتلتَّق) !!!

إن كيدهن عظيم يا أسد العرين وبعدين زي ما بتقول أمي دااااااااااك الدرب

الزول مابسخن الا كان حماه القيد منع وعمك ده علي قيدو الجايزه كايس ليهو فيها سبب دحين أسمعوا يا عراجه كان طلعت البرنجيه حقي بشيلو .

جا هز يا خال لمربوعة العم ميرغني :صاحبي في البسويها براه مخير *** ضيف الهجعه ما بتلقاه وجيهو مغير * تمساح لجة اللفح البدينقا وزير *** حلال مشاكلا بعد الدليل اتحير ** *

اولا : العم ميرغني لا يؤلف وإنما يمليني من شعر سمعه منذ زمن بعيد . ثاينا : المربوعين وصلن تب وقراناهن ليه وانبسط تب وفهم الحاصل . ثالثا : بعد أن قرأة له المربوعين ملاني مربوعه طوالي لكن انا كنت مشغول بموضوع بنيان مركز زيد بن ثابت لتحفيظ القرآن الكريم . تعريجه : رد ماتتشدد . بالمناسبه : المركز ألف فيه العم حوي النبي مربوعه قال فيها : موضوعه قدام المسجد طوالي *** مبنيه لي قرآن وكتب ومصالي *** بكري لا معلم ولا عارف ولا داري *** شال مسطريمتو وإشتغل معماري

Ismail كتب:

وهذا مربوع من النميم فوق خلوة تحفيظ القرآن التي تم إنشاؤها بالمسجد السلفي بالعريحاء باسم مركز زيد بن ثابت لتحفيظ القرآن الكريم. وهي بمثابة رد على رباعية حوى النبي محمد صالح المنشورة أعلاه:

خلـوة جميلة شالع نورا زي قنديـل
وفيها أولادنا صوتـن داوي بالترتيل
تحفِّظ للصغار في الحلة جيل ورا جيل
كتاب ربَّ البـريَّة، ومُحكــم التنزيـل

قرأة الرباعيه علي العم ميرغني ولم يذكر أي تعليق ، وملاني مربوعه اخري :- قال فيها : براقا بشيل من جيهة الفادنية *** قل منامي خلاص وقفل النية *** محكمة الجزء الشايله ثمارا رباعيه *** ما بدوها درويشا بجرد الألفيه *** الا ولدا توحيدوا ميه الميه