اللة والنبى ل كلام راجل تسمعا

قصيدة شعرية جميلة من شعر اهلنا ناس دارفور اهل اللوح والكتابة
اهل الخير والبركة اهل الطيبة والمكرمة اهلنا اهل السلطان على دينار
(يارب تنعم دارفور بالسلام والوئام )

بنيتى حسابك ل كلام راجل أسمعا
اللة والنبى ل كلام راجل أسمعا
بنيتى حسابك ل كلام راجل اسمعا
حسابك يا بنيتى كلامى لا تابا
كلامى كم ابيتية تكوسية ما تلقا

********************
********************

هى لا تخليهو انقنق ل كلامو تسفها
لا تقوى راسك بكرة يقولو طلقا
فجر كم ولا عندو ل عشيا امهلا
بلا اذنو لا تمشى ل محل ماجرا

**********************
**********************

وراجل كم ما ناداك لا تمشى تلحقا
وكم غبت منك نادى أسالا
قشى بيتك بدرى وعيشك أطحنا
الما وساخة فى خشم بيتك لأ تكشحا

*************************
*************************

وكم عاطت فوقك لا تدقية تفلعا
انتى اشكية ل اللة حقك يخلسا
انتى بنيتى كم ل كلامى تسمعا
اللة والنبى ل كلام راجل تسمعا

اللة والنبى ل كلام اسمعا
***************************
***************************

حتى عجاج بيتك عنقريبو فرشية
وكورة ام قعر دا تحت سريرو جيبية ختية
توبك المجنقر دا ب إبرة امسكية
رجلينك المشقق دا ادرشية حننية

******************************
******************************

وشعرك المشمبل دا لمية مشطية
المدونكت من قعارو فرتقية
أطوى أوقاى ل ألمى أردى جيبية
عجينة كم تعوسية ل دوكى اتقية

*******************************
*******************************

وكسرة كم تلت عقابو لمية شرية
ب طلحاى ب دروتاى حفرتك ولعية
جيبى مخبرك ل بطت بيتك بخرية
كم كملت خدمتك ل نارك اكتلية

************************************
**************************************

كم فتى بطن حلة ل بيتك طلية شيفية
كلام كم تخاف لو من بيت لا تمرقية
وقالو وقلنا فى لسانك لا تجيبية
جارتك المهوهوة دا لا بيتك بخربية

******************************************
**********************************************
نصيحتى كم سمعتية ل بيتك امسكية

اللة والنبى ل كلام راجل تسمعا

زائر

نصيحه غااااااليه بس )أشكي لي الله لحقك يخلصها( دي حاااره أحسن حاجه تقول ليهو )ألله يهديك ويشيل من عمري أنا ويديك الله يخليك ( كفايه إنو طاعته واحده من خمسه شروط لدخول المرأه الجنه

» موقف الصحابة بعد وفاة رسول اللة صلى اللة علية وسلم
» انشاء اللة خير
» يا بكري قول لمرغني موسى ورينا شطارتك يا راجل !!
» قبضنا عليه متلبساً
» كلام ووو كلام