أيه الروح الرياضية العالية دي يا ود عنتر ؟؟!...
بصراحة لو كل المشجعين السودانيين نبذوا التعصب الرياضي والهوس الأخرق كورتنا حتتصلح وتمشي لي قدام، ويمكن نلحق بركب الأمم المتقدمة في هذا المضمار....
المناسبة قبل أيام قرأنا في الصحف السودانية أن أحد أفراد أولتراس الهلال اعتدى بالضرب على صحفي رياضي هلالابي، حتى نقل إلى المستشفى وفتح بلاغ ضد ذلك المشجع المهووس... وكان ذلك في مدينة القاهرة خلال معسكر الهلال السابق بها...
تعريجة: قال ليك واحد هلالابي، سألوه قالوا ليه: إنت لمن يكون في فريق سوادني غير الهلال لاعب ضد فريق أجنبي حتشجعوا وللا ما حتشجعوا ؟؟!
قال ليهم أنا ما أشجع أي حاجة غير الهلال، وإذا كانت فنايل الهلال مشرورة فوق حبل غسيل، أفضل أشجِّع فيها لامن تنشف !!!
الإثنين 07 يناير 2019, 9:08 pm من طرف عبدالرحمن قدالة
