يلا يا اخوانا سمعونا نمكم فرجو علينا ربنا افرج همكم

جيتكم يا الحبيب عطشان بدور النم

فى شدر السدر إتكل عشان أنجم

نسام البلد .. الفيهو المزاج بنتم

شوف الحبيب ..وكمان ولاد العم

ضهر قلعة‎ ‎مبارك جيتو تلعب شد‎
منعت اللسـة* والكُرباج وقولة " هد‎ "*
على التالاك إحسان رزقو ما بِنْعد‎
يومك كُلو‎ ‎تمصع ما انلحق اليك حد‎

يـومـاً على ضهــور الـكُـرُت جلَّـقـنا
هسَّـع دابنـا بي حـبـال الهـوى اتعلَّـقـنا
اتحتحـت فوقنا حصحــاص الفقُـر فلَّقنا
والدايرنا والمابينا من عدم القِرش طلَّقنا

الشم خوخن بردن ليالى الحره
والبراق برق من منا جاب القره
شوف عينى الصقير بجناحو كفت الفره
تلقاها ام خدود الليله مرقت بره

تعـرف لي مشـاهـيـد الـرقـاد والفـرَّة
فـلَّاخ الـمـصـــب بيـهــو بتبـيـن تتـورَّه
قوق حيا فوق محل من الصعيد منجرة
يا باسـط النعـم تسقيها في ها المرَّة

صبيا ماختر لامن شهيرو مات
وماكجر الحوايا وفى ضراهن بات
ماطلع الجبل دلى السداسيات
كيف ابكن عليهو دغس العيون ان مات

وقال الشاعر ودالحسن فى الغزل

قطيع الزهور قطع معالق الكبده
الحيا والحياة أنا منى بقين جبده
صمامة قلبى حاكت لى النعامه الربده
طول الليل كتاب ام خد نعيد فى و نبدا

البارح براى وكتين الخلايق هاجعة

طافت روحى جات بى دياركم راجعة

وكتين شافت الزول أب بسيمتا ناجعة

أب حسا حنين متل القمارى الساجعة

أبت الجية حلفت يمين ما راجعة

أرُبْطو
الجـانا ضامر لا كَبد ولا كرشة‎

سحّار الغروب جيب لي العلوق
بي الورشة‎

نفِّصـنْ المراتب ؤطرَّحن‎ ‎بــي الفُرشة‎

داير يبـرى جرحاً في القلب
مُـو خرشة

قصبة منصـح الوادي أب سحاباً زرقن
وامرض القلوب، وكت الوجـوه اتفرقن
أبكـن يا عيوني، ويا بطـوني انحـرقـن
كواكيب ناس فلانة المني أبن ما يمرقن

الدرب انشحط واللوس جبال اتناطن

والبندر فوانيرو البيوقدن ما تن

بنوت هضاليم الخلا البنجاطن

اسرع قودع امسيت والمواعيد فاتن

كع ابشرو بالخير ياعراجة الليلة نم فوق الحبيبة باقى اليومين ديل مغروم خلااااااااااااااااااااااااااص

الزولة المتل دهب الشبيك لمعانا
هالكة فوادى بى لونا وعسل ونانا
تتفدع تميل بتحاكى البانة
ان بسمت يمين بتشع بروق اسنلنا

البارح بعد ناس الفريق ما هجعوا
عقبان عاودني طاعوني المكتر وجعو
يا الصديق مطاردة العريب النجعوا
ما بتبقالي متل القدموني ورجعوا

كع كرع ابشرووووووووووووووووووووووووووووووووووووووووو بالخير نمك مجية خلاص
الجنى ودعنتر دا باقى مغرووووووووووووووووووووووووووووووم خلاص هاكم دى

دمك صافى تحوير المحردب لونك
بدر الكون جبينك والضلمة قرونك
مادام انت زى نجف الخواجة عيونك
كيف بنتداوى من مرضو ويطيب مجنونك

ليل
الغمة هود والبروق اتلان

دموع الوجعة جن زى السحابات
شالن

ملن قرب العيون لكنهن ما
سالن

مو من قلهن بس فى الوجوه ما
خالن

هييييييييييييييييييييييييييييييييييييييع أبشر يا سراج الدين وأبشروا يا أهلي العراجة...

وهاكم دي واحدة من روائع الهباني ود بشارة (صاحب مسدار القضارف) الذي ذكر فيه العريجاء وقوز أب قنبق:ــــ

فاق لهجك على وتر الطنابره الطنَّـه
وفاق دمَّاعنا لى وشَّـال قديم الشنَّـه
هاتفِك جوه مسموع فى الدواخل رنَّـه
عاشقِك سلكو لخبتِّيهـو هـوَّد وجنَّه

شقاق وعرة الغابه الجدودو صحابا
من منشاهو ماقال اللرزيله حبابا
خماج لمة الجيش الجموعو مهابا
في العركه ام صهيل لعدوهو مابتغابا

محمد عنتر كتب:: شقاق وعرة الغابه الجدودو صحابا
من منشاهو ماقال اللرزيله حبابا
خماج لمة الجيش الجموعو مهابا
في العركه ام صهيل لعدوهو مابتغابا

هيييييييييييييييييييييع ... أبشر يا تلتل عدت و عادت للمنتدى حيويته!!
وهاك امسك دي واحدة لا تقل خطورة عن مربوعتك الفوق دي:ـــ

فارس المِدْرعات السيفو حاد وبزيِّن
ودْ مسمـار خريف عِيَناً خدارهن ليِّن
الجد جِـدُّو فوتـو على الخلايق بيِّن
شلبي وعندو دِرديق الردايف هيِّـن

لاقوني الصحاب قالولي آمنه حليله
ودعت الفريق غاب القمر لرحيله
ممشوقه القوام الضامره ناعسه كحيله
فاقت فى البنات ذاتة وصفاتة وجيله

شفتو وقلبي صلَّب وحَتْ عُضامي انرجَّن
مقاطعو مشارِف الوَحَش، التيوسهن قجَّن
سِنُّو تفوق بروق مَزَر السحايب الفجَّـن
لذايذ فمُّـو تمسِـخ للنخيلـو مهجَّـن

بت الضارع السافل ضراعو مفتل
صهباء وليها زور واسعة المشيها مرتل
عليك يامسيكة اللبع الدميرة وحتل
بسوقن جمله والسيف للملاقه مكتل

دمتم ودام عطاءكم ...فقد امتعتونا فلكم جزيل الشكر..

سودانيه عزاز أهل الكرم والعزه
كفوفنا نقيه من تهم النكب والهزه
تصرم عندنا السيوف المواركه اللذه

هبت ريح نصايبك يا المقولبة ضرى
كترى فى المحن من شينة ماتنصرى
ان جيتك مدنقر وشى منى مورى
تبقى نضال معيبة وبت قريد ماسرى

الليـل بوبا يا أب تكـزي النعامـات غزَّن
الناس نامـت، ويا النعسان قلوبنا بعزَّن
لـو أنســـى الـمــواثـيــــق الجـبــال انهــزَّن
نعمين ريدو في جوفي وعضايا مخزَّن

هع ابشروووووووووووووووووووووووو بالخير ياعراجة كدى الناخد لينا تكية على حمور قفانا ونديكم النمة الكاربة دى

ياظبية خصيب الأرض العشب مرعاك
يالصدية ومتبره والزهور حافـــــــــاك
إن اقبلتى فلق الصبح من محيــــــــاك
وان ادبرتى سدل الليل بهيم وكســاك

» لماذا يصعب علينا مثل هذه الامور
» أبدا ما هنت يا سوداننا يوما علينا
» أطل علينا وافد جديد يدعى عز الدين المسعودي