يلا يا اخوانا سمعونا نمكم فرجو علينا ربنا افرج همكم

سمحة وريقا در صهبا وضميرا مبسَّط
شرفتا ريل وكفيتا خيل وطولا موسَّـط
من أصوات قديمـا وخطوتـا الانرصَّت
حسيت قلبي فارقني وكبدتي انقصَّت

بي جن الحروف قاطعين دربنا تملي
فوق لهـب الحنين فينـا الكلام متقلي
الجن المكلبش ان صابنا تب ما بجلي
مهبوشين عـقـب بي كـم سلك متدلي

ﺍﻟﻮﺟﻊ ﺍﻟﻤﻌﺎﻱ ﻣﺎ ﺑﺮﻭﺡ ﻛﻤﺎﻥ ﺑﺎﻟﻬﻴﻨﻪ
ﻭﺍﻟﻤﺮﺽ ﺍﻟﻌﻠﻲ ﺍﺛﺎﺭﻭ ﻭﺍﺍﺍﺿﺤﻪ ﻭﺑﻴﻨﻪ
ﺳﺒﺒﻲ .... ﺍﻟﺠﺴﺎﻣﻦ ﺭﻃﻴﻴﺒﻪ ﻭﻟﻴﻴﻴﻴﻨﻪ
ﻭﺍﻟﺤﺎﻝ ﺍﻟﻌﻠﻲ ﺑﺲ ﺣﺎﻝ ﺟﻤﻴﻞ ﻭﺑﺜﻴﻨﻪ

أبوك صِنْديدْ رَفيق أَنْدَادُو يـَومْ الدَيَّه
ونارِكْ دِيمَه في قلوب المُحِبين حيَّه
الخلاني دون النــاسْ مَنَامي شويَّه
يا الـقـدَّاله فيكي مـَحَكَّمَـه القـادريَّه

بَعَدْ ما يْسافِر البى وجودو نايره الساحَه
كيف يا التوم عُقُبْ حالْ المنام والراحَه
بَعَدْ ما كُنا طربانين تَمَلي فراحى
عَانْ هَا الصدمه والكَبِد المَدَمَى جِراحا

هذه المربوعة هي النمة الوحيدة التي نظمناها خلال سفرتنا هذا العام إلى المتنزهات الجبلية حول مدينةالطائف السعودية وهي متنزهات (الشِّفا) و(الهَدا) و(الرُدَّف):ــ

قام من مكة داوي وحِملو فوقو مَرَدَّف
وفَـرَّ شراعـو في بحـر الهَــوِيـدة وجَدَّف
صـاروخ الهجـوم الفي الملاعِـب هَدَّف
طلع قــمـم الشِّفـا، ودوَّر جـبـال الـرُّدَّف

نحن الشيمة في بحــر الدميـــــرة الداوي
ونحن صاقعة الساريه أم صويواً خــاوي
نحن المحنة في الهجعــات تجـــدنا نلاوي
نحـــــن عــدونا بنذلـــــــوا ونزيدوا بلاوي

ياظبية خصيب الأرض العشب مرعاك
يالصدية ومتبره والزهور حافـــــــــاك
إن اقبلتى فلق الصبح من محيــــــــاك
وان ادبرتى سدل الليل بهيم وكســاك

البـارح بعـد ناس الفـريـق مـا هجعــــــــــــــــوا
عقبـان عـاودني طـاعـوني المكتـر وجعــــو
يا اللخـــــوان مطـاردة العــريـب النجـعـــــــــوا
مـا بتبقـالي متـل القدمــوني ورجـعــــــــــــــــوا

هع ابشروووووووووووووووووووووووووووووووووووووو بالخير هاكم دى

ان وقفت عديله وان مشت مبرومه

وان قدلت مععععجنه ومن وسط مقسومه

وان قعدت موهطه واااااقساوة القومه

مضمورة حشا وعجوة محس قدومه

البراق برق والقبلي زاد نبحيــــــــــهو
زكرني المضمر الزايد دلالو وتيهو
زي ظبي الاراك حارس دوام واديهو
ويارب العباد لطفك عليهو اسديهو

التقي والعفاف وارثاهو من اجداده
ام لهجا مسكر فاقت جميع انداده
ام لونا متبر والخدود الســــــــــــادة
حرقت قلبي بي نار لهيب وقادة

أكمل هذه المربوعة يا ود قوز الرهيد:ــــــ

جدياً برعى بين قـوز الرهيد والعقـدة
شهَّاني الغميد، ضوَّقني نوم السقـدة

Ismail كتب:: أكمل هذه المربوعة يا ود قوز الرهيد:ــــــ

جدياً برعى بين قـوز الرهيد والعقـدة
شهَّاني الغميد، ضوَّقني نوم السقـدة

عليك الله اسي في داعي للامتحان دة ياشيخ اسماعيل
والبقد يجاريك انت منو؟؟؟

صديق قوز الرهيد كتب:

Ismail كتب:: أكمل هذه المربوعة يا ود قوز الرهيد:ــــــ

جدياً برعى بين قـوز الرهيد والعقـدة
شهَّاني الغميد، ضوَّقني نوم السقـدة

عليك الله اسي في داعي للامتحان دة ياشيخ اسماعيل
والبقد يجاريك انت منو؟؟؟

ياخوي مسؤول من الخير،،،

عندنا زميل دراسة سابق في سبعينيات القرن الماضي، أيام دراستنا بمالمناقل الوسطى، أو الثانوية العامة، اسمه محمد عدلان، وهو رجل خلوق، دمث الأخلاق، طيب المعشر... فماذا كان من أمر هذا الرجل ؟؟!! وهل هو من ا لمغاربة أم البطاحين ؟؟!

صديق قوز الرهيد كتب:: عليك الله اسي في داعي للامتحان دة ياشيخ اسماعيل
والبقد يجاريك انت منو؟؟؟

إنت تقدر تجاري مليون زي شخصي الضعيف!!

وكمان هاك دي واحدة تانية:....

من (الذاكرين) قمت العصير بالرَّاحـة
جيت لقد الرهيد وعملت فيهو سياحة

نحن بس عايزين ننعش ذاكرتك ونهيِّج فيك الحنين والتحنان إلى تلك البقاع الحالمة،،،

هدية لى افشل وزير دفاع مرة على السودان عبد الرحيم الفاشل من الشاعر محمد الحسن بن عوف

قلنا دفاعنا واخيبة وزيرو الفاشل...
أضينه مغبى ساكت ماهو عارف الحاصل...
عمارة الرباط قبال وقصة باسل...
أما خليل حكايتو!!! فهمتو ؟ ولا نواصل؟...

طيارات تخش تمرق بلدنا زريبه...
سقوط هجليج قبيل مسروف مستف ريبه...
منزه ويارده وكادوقلى منو قريبه...
وأنت مع حريمك ضارب الطرطيبه...

الجيش البكاتل فى الهجير والصى...
جرارق بمدغو الجمر المولع حى...
جيش كرن القبيل موقد لهب تسنى...
بدورلو زول مكرب مو المرخرخ ونى

ياخوي مسؤول من الخير،،،

عندنا زميل دراسة سابق في سبعينيات القرن الماضي، أيام دراستنا بمالمناقل الوسطى، أو الثانوية العامة، اسمه محمد عدلان، وهو رجل خلوق، دمث الأخلاق، طيب المعشر... فماذا كان من أمر هذا الرجل ؟؟!! وهل هو من ا لمغاربة أم البطاحين ؟؟! [/quote]
حياك الله استاذ اسماعيل
محمد عدلان من اهلنا المغاربة والان عندو تجارة مع اولادو في الخرطوم والحمد لله وضعو بخير وامورو مستورة

جزيت خيراً يا صديق وبورك فيك على هذه المعلومات الطيبة عن الأخ محمد عدلان...

وهاك النمة دي من الشاعر أحمد الفرجوني: ـ

أنا يا صاحبي في ليلي البنيبني عرفـتـو
سهراً حـار، وقلبـاً تمشي زايـدة غرفـتـو
مريـودي المتـل مسـك العشـاري كرفـتـو
ضوَّق نفسي حال موت الشدر في وقفتو

ابشروووووووووووووووووووووووووووووووووووووووو بالخير وهاكم دى من زول موجوع

ما بجيب النويح الفات وخلى عقابو
وما برد دمع لهبا شهب يا دابو
يا قلبى العليك محن الغرام يزابو
ما قدر قدر هواك زى ما عملت حسابو

Admin عدد المساهمات : 302 تاريخ التسجيل : 30/12/2007

ولداً بطبـق المسـرى فوق المســرى
يخلف ساقـو فـوق ضهـر ابوقوائم ويسـرى
حقـب قربينـو فوق جربانــو خت ابكســرة
فرقــاً شتــى من ناس يمـه زيدي الكســـرة

هاكم دى ياعراجة صحو النووووووووووووووووووووووووووم

عضمك بى صبيب الفيتريتة اتمضا
كورك خفتو من حرة جريك اترضة
الخلتنى اترك الفرض بعد ما اتوضا
لولى وقصكنار حجالة ماهن فضة

والد المفتل ضرعاتو لتكدا
مهو كسلان ونومو مخدا
مغرم بالمخليه نومو حته
دهبات خرزاتامهين فضه

عامر جمْعكم ... إن شا الله ما ينفضَّه
ما جايبني مال، لا كنوز دهب لا فضَّة
بدور أولاد بخيت أهل النحاس الجضَّة
يملـوا ليْ أباريقن... واقوم اتوضَّـه

عامر جمعناإن شا الله ماينفضه
فطورنا وغدناوعشانا في فت حته
الشايقي ابوناوياك ودعمتنا انت
دحين قريب علي ابريق الشايقي بوضي سته

» لماذا يصعب علينا مثل هذه الامور
» أبدا ما هنت يا سوداننا يوما علينا
» أطل علينا وافد جديد يدعى عز الدين المسعودي