مسابقة العريجاء التاسعة

عدد المساهمات : 99 تاريخ التسجيل : 14/03/2008

الأخوة الأحباب
لكم خالص التحايا و العيد مبارك عليكم
لا شك ان المسابقات التي تكتب في هذا المنتدى تعيد للأذهان احداث و حفب تارخية جميلة كما انها تثبت معلومات تاريخية كادت ان تندثر.

كما اود ان ادلي بدلوي في مثل هذه المسابقات:

س1 - هنلك شخص كان له دكان في الحلة القديمة و هو أول من ادخل راديو ابو حلة قبل عصر الترانزستور في حقبة الخمسينيات هل هو
1- ود حرحوف
2- علي ود الضباح
3-ابراهيم ود الشايقي

س2-لم يكن تألق العريجاء عبر التاريخ في مجال الرياضة آت من فراغ ، فقد عرفت العريجاء كرة القدم منذ الخمسينات فمن هو اول رجل ادخل كرة القدم في القرية ( الكرة ام بوز )، هل هو ؟
1- ابراهيم الصافي
2- عبدالرحمن البشير
3- عبدالله الزين
4-حسن حدباي

س3 ترعة الغرنوق المعروفة حاليا و التي تقع شمال القرية ، كان لها اسم سابق سميت به عام 1958 و لكنه تغير لمطابقته مع اسم ترعة اخرى ، هل كان اسمها
1- ام وزين
2- ام رايات
3-ام الفقرة

س4 هنالك بعض العبارات التي درجنا على تناولها من دون ان نركز على مصادرها.
ارجو ان تنسب هذه العبارات الى مصادرها اذا كانت اجنبية او محلية:

أ- الأخ اسماعيل كان يلعب قلنقاسك ، ماذا تعني عبارة قلنقاسك
ب- نسمع بكلمة الدرت ( موسم الحصاد) ما مصدر كلمة الدرت
ج-الإنجليز كانوا يتعاملون مع الناس بفظاظة و غلظة و كانوا يشتمون الناس بمختلف العبارات و لكن اهلنا الطيبيين لم يركزوا على مخارج الحروف بدقة و كانوا اذا ارادوا شتم احدهم يقولوا له فنش finsh ولكن ليست الكلمة الصحيحة فنش ، ما هي الكلمة المقصودة ؟
د- في المارشات العسكرية نسمع بكلمة كركون الشرف، فما هي الكلمة الصحيحة المقصودة و ما اصلها

نهنئ الخال رياض بحلول عيد الفطر المبارك، ونسأل الله أن يجعلنا وإياه ممن كتب الله لهم القبول والفوز برضا الرحمن والعتق من النيران، ونهنئ أنفسنا بهذه المسابقة الرائعة التي أدلى بها خالنا أحمد، وهو من الجيل المولود في الحلة القديمة، التي لم يبق منها سوى النيمة (نيمة حاج قسم الله)،،،

بصراحة المسابقة بديعة يا خال وهي تشكل إضافة متميزة للمعلومات العريجاوية التاريخية المعتقة، ونرجو من الشباب المسارعة بحلها، بعد الاستعانة بالمراجع الموثوقة والمصادر المطلعة، عشان المرة الجاية كمان نطلب من خالنا أحمد نعيم وهذا من جيل عاش طفولته وبواكير صباه في الحلة القديمة، وأكيد سيكون لديه معلومات من بيت الكلاوي،،،

أنا لن أبادر بحل هذه المسابقة، لكي أتيح الفرصة للشباب الصغار ليدلوا بدلوهم في حلها.... يلا يا شباب شدوا الهمة عشان خالنا رياض ما يقول إنكم بورتوا ليه أول مسابقة يطرحها ليكم !!

أولا السلام عليكم ورحمة الله تعالى وبركاته لك الشكر على هذه المسابقة الرائعة جدا
الإجابة :-
1- على ود الضباح
2-عبد الله الزين
3- أم وزين
4- الله أعلم

نشكر العم رياض على المسابقة العريجاوية التاسعة رقم صعوبتها ونقول ليهو كل سنة

وانت طيب والعيد مبارك عليك وعلى كل الاهل بالعريجاء المسابقة جميلة وبالجد رايعة

جمعت المسابقة العريجاوية التاسعة بين تاريخ العريجا فى حضاراتها القديمة وروادها

وبين الالعاب التى كانت تلعب الى سابق عهد قريب وبين اسماء تركها الاستعمار اللعين

على العموم تم الاتصال بمصادرنا ولم نجد الحل الذى اروق البال او الحل المقنع نسبة

لخدمات الشبكة التعبانة من جية وغياب بعض حلول المسابقة عن مصادرنا من جية اخرى

ولذلك سوف ا ستعين و اتصل باحد اعضاء المنتدى المميذين والمعروف عنهم بحفظ تاريخ قريتنا

الحبيبة ونضع الحل المناسب المجية السالم الكامل وسوف اخبركم بالمصدر فى نهائه المسابقة

بعد ان يضع العم رياض الحل

والشكر لكل من شارك فى البوست

سلام عليكم وتحية خاصة للعم رياض جيناكم بالحل الما خمج حل مرتب ومنسق

حل مجية لافيه شق لا طق حل كامل شامل اكيد صاح مش اكيد مئة بالمئة صاح

بسم الله نبدا

السؤال الاول

اول من ادخل الراديو ابو حله فى العريجا هو على ود الضباح رحمة الله علية

السؤال الثانى

اول من ادخل الكورة ام بوز فى العريجا هو عبد الرحمن البشير

السؤال الثالث

الترعة ام غرنوق سميت فى بادى الامر ام وزين

السؤال الرابع

قلنقاسك اصلها جملة من اللغة العربية الفصحى (قل من قاسك) بمعنى من الذى قفز من فوقك

الدرت تحريف لكلمة انجليزية ومعناها اسحب خارج بمعنى سحب المحصول خارج المزارع او الحقول

(draw out) الدرت

عبارة فنش المقصود بها فولش

(folish)ومعناها غبى

كركون الشرف: كركون فى الاصل كلمة تركية ومعناها مخفر الشرطة وتطلق حاليا على الحرس الخاص المسؤل عن مراسم

استقبال الشخصيات الهامة

ملحوظة

الشكر كل الشكر للمصدر واستجابتة للطلب وعلى العموم فكرة عن المصدر هو من الشخصيات المحبوبة فى المنتدى

ووجودة فى المنتدى زى وجود هيثم مصطفى فى الهلال او جمال الوالى فى رئاسة المريخ او ميسى فى برشلونة

على العموم سوف افصح عن المصدر بعد ان تختم المسابقة واشيل الجايذة الماخمج وا بعد داك اوريكم المصدر

قلبى على بكرى ابراهيم شكلو حا اتعب

هييييييياااااااااااااااااااااااااااااااا ود أختى ما كان تغشش خالك معاك هههههههههههههههه .
مصدرك ماشاء الله عليه الله يحفظه بحفظه ويزيده من نعمه إنه جواد كريم .

kHALID ELGAK كتب:: هييييييياااااااااااااااااااااااااااااااا ود أختى ما كان تغشش خالك معاك هههههههههههههههه .
مصدرك ماشاء الله عليه الله يحفظه بحفظه ويزيده من نعمه إنه جواد كريم .

ما هو إنت يا خالد ما شاء الله عليك عملت محاولة محترمة للإجابة على الأسئلة العويصة بتاعة خالنا رياض دي !!!

عوووووووووووووووووووووووووووووووووووووووووووووووووووووووووووووووووووووووووووووووووووووووك

يا شباب صحصحو معانا شوية وبطلوا الكسل وشاركونا فى حل المسابقة دى ما تقعدو تاخدو نظرة من قصاد الطاقة ساكت وتمشو

المسابقة دى عارفنة صعبة لكين دا ما بمنع انكم تجتهدو فى بعض الاجابات والبتغلبكم براحة وبدون زول اشوفكم او احس بيكم بطرف

عينكم يعنى انقل ليك اجابة اجابتين من ودعنتر داء بنقلكم ما تخافو كدى انتو جربو وتعالو قريب قرب تعال ما تبتعد

وين عمالقت حل المسابقات امثال

بكرى ابراهيم

وعادل محمد يوسف ( البرنس) وينكم

الحاصل شنو يا شباب

ملحوظة

وبنقول للخال اسماعيل بتك معاك فى البيت دحين كلمة بالاجابات

عدد المساهمات : 234 تاريخ التسجيل : 18/10/2010

كل التحية للخال اسماعيل ، محمد ،وخالد ، وكل الشكر للخال رياض
اخوي محمد انا داير اشف منك ساااااااااااااااااااااااااااااااااااااااااااااي COPY لانو اجاباتك مقنعة وزولك دة مشاء الله عليهو
تخريمة:الحاسة السادسة بتقولي (لو جبت اسمو الجايزة طارت منك ياودعنتر )؟ويارب يكون تخميني صاح بس اخوي الجايزة دي فية شك يعني انا وخالد دايرين فيها الربع طبعن بعد ما الزول الساعدك دة يشل النص لانو ليهو النصيب الاكبر وانت ليك الربع وانا خالد اخوي دة ادون الربع كفانة تب بنقسمو مع بعض

عووووووووووووووووووووووووووووووووووووووووووووووووووووووووووووووووووووووووووووووووووووووووووووووووك

يابكرى ابراهيم الهادى وين انت ووين اراضيك ومالك قاطع الحومة انشاء الله تكون مشغول بى امور الرابطه عشان كداء عزرناك على التاخير و المشاركة فى المسابقة العريجاوية التاسعة خالك رياض داء بزعل منك شكلو منتظرك انت وبعد داك اجيب لينا الحل على العموم

وقع انشاء الله بالحضور بس لانو المسابقة فاقداك وفاقدة مساهمتك وصورتك بالطاقية القيافة ديك اظهر وبان عليك الامان يا بكرى ابراهيم

مشكور يا ودعنتر علي فقدك لي ،تخريمه : مسابقتكم دي يا ود عنتر صعبه بالحيل وكما قلت حتي المصادر ما ادتنا إجابات مقنعه .

عدد المساهمات : 234 تاريخ التسجيل : 18/10/2010

بكري اخوي انا عارف الحل صعب الحصول علية زي الهلال ما صعب عليهو البطولة عشان كدة انا ريحت نفسي وشفيت من محمد عنتر
تخريمة:محمد لكل العتبة حتي ترضي لاني شفيت منك عارف لي لانو اجباتك كانت بيثقة زايدة وتاكيد منك ودة الخلاني اشف
ولكم مني كل تحية

عادى جدا يا ود الخالى الغالى البرنس انا اكان ما نقلتك انت انقل منو

انقل سااااااااااى وما تخجل عافى ليك وكلم خالد الجاك خليهو الاصلح

اجاباتو الشوية ديل

تخريمة

انا قبل كدى نقلتة فى مسابقة من المسابقات العريجاوية وعامل فيه حريف

قمت عدلتة فى بعض الاجابات وغيرت الصيغة بتاعت الاجابات لكين على منو؟

الخال اسماعيل قبضنى وعرفنى ناقل هههههههههههههههههههههههههههههههه

هههههههههههههههههههههههههههههههههههههههههههههههههههههههههههههههههه بس يا خوى أنا سابقك فى الإجابة

أين صاحب المسابقة ؟؟؟؟؟؟؟؟؟؟؟؟؟؟؟؟؟

وينك يا خال رياض،،،

اشتهينا طلتك في المنتدى،،،

المسابقة جميلة وبديعة والشباب ما قصروا اتفاعلوا معاها واستنطقوا مختلف المصادر والمراجع الموثوقة، وجابوا ليك الديب من ديلو، دحين اظهر وبان عليك الأمان، ورينا حل المسابقة العريجاوية التاسعة، وخت لينا مسابقة جديدة تكون من بيت الكلاوي زيها تماماً !!!

عدد المساهمات : 99 تاريخ التسجيل : 14/03/2008

الإخوة الأعزاء
السلام عليكم و رحمة الله و بركاته
اولا اشكركم على تفاعلكم مع المسابقة رقم ان البعض وصفها بالصعبة و قد ابلى ابننا محمد عنتر بلاء حسنا و اجاب بنسبة جيد جدا ، و اليكم الإجابات الصحيحة
ج 1- أول من أدخل الراديو في العريجا في الخمسينيات هو علي ود الضباح
ج 2- أول من أدخل كرة القدم في العريجاء في الخمسينيات هو عبدالرحمن البشير
ج 3- اسم ترعة الغرنوق هو ام وزين
ج 4-
أ- قلنقاسك معناها قل من الذي قاسك
ب- كلمة درت هي كلمة انجليزية و معناها draw out
ج- كلمة فنش هي فولش foolish
د - كلمة كركون الشرف هي كلمة تركية و حرفت و الكلمة الصحيحة هي قرأ قول الشرف

لك الشكر على المسابقه الرائعة ومنتظرين واحده جديدة تكون من بيت الكلاوى

التحية للعم رياض نتمنى منه ان يتواصل اكثر فى المنتدى

والتحية لكل المتداخلين فى المسابقة والتحية للناس النقلو منى ههههههه

مصدرى انا طبعا مصدر لافيه شق لا طق مصدر مجيه ومرجع

من المراجع النادرة عشان كدا كنت متاكد من الاجابات

التحيه والتقدير والاحترام للهامة والقامة وخالى وعمى

الخال اسماعيل البشير

رايكم شنو فى المصدر دا

يا خال رياض يكفيك فخراً أن جدك المباشر هو جدنا حاج الضباح (عبد الله ود رحمة ود الفحل) الذي يعتبر موسوعة ودائرة معارف متحركة فيما يتعلق بأنساب أهله المحس وتاريخهم ووقائعهم في الحرب والسلم، وأن جدك الأكبر هو جدنا رحمة ود الفحل الرجل الزعيم، الذي كان أشبه ما يكون بجده رحمة القصر في هيبة الزعامة والرئاسة والسيادة (رحمة الله تعالى عليهم جميعاً)...

إذن طالما أنك تنهل من مناهل هذه القمم الشامخة، فإننا ننتظر منك المزيد من المسابقات التاريخية والتراثية العريجاوية الأصيلة..

ولك الود والتحية من ابن أخت لك وزميل دراسة في الوسطى والثانوية، وزميل في مسكن العزابة بأركويت في مطلع ثمانينات القرن الماضي، وزميل سابق في العمل بشركة الراجحي السعودية...

» المسابقة العريجاوية التاسعة عشرة
» مسابقة اسلامية وثقافية حلوة علي ضمانتي للبحبو التحدي بس
» مسابقة عريجاوية جديدة لنج.......؟؟؟؟؟؟
» مسابقة عريجاوية من اشعار حوالنبي
» المسابقة العريجاوية الثانية عشرة (مسابقة الأوائل)