دعواتكم للهلال

عدد المساهمات : 234 تاريخ التسجيل : 18/10/2010

يستضيف الهلال في الثامنة والنصف مساء اليوم في ملعبه بمدينة أم درمان فريق انيمبا النيجيري وذلك ضمن مباريات الجولة الخامسة من المجموعة الأولى لدوري أبطال أفريقيا.
يرتدى الهلال الأزرق الكامل ويرتدى انيمبا الأبيض الكامل
يتصدر إنيمبا النيجيري المجموعة الأولى برصيد 8 نقاط من أربع مباريات
أما الهلال فيحتل المركز الثاني في المجموعة الأولى برصيد 7
التشكيل المتوقع (للهلال)
المعزب محجوب، سيف مساوي، ديمبا باري، أمير الربيع، خليفة أحمد، عمر بخيت، أتير توماس، أبراهيما توريه، هيثم مصطفى، بكري عبد القادر، إدوارد سادومبا.
أسماء يتوقع مشاركتها
جمعة جينارو، التاج إبراهيم، أسامة التعاون، علاء الدين يوسف، محمد أحمد بشير "بشة"، مهند الطاهر،
الحكم : قاســم بن نـاصر
الجنسية : تونســي
تخريمة:دعواتكم للهلال بالنصر

عدد المساهمات : 247 تاريخ التسجيل : 12/11/2008

ااخرتها شنو يعني حايكون وصيف والتحكيم فاشل يعني مافي داعي لحرق الاعصاب وضياع الوقت

اللهم انصر هلال العذ هلال الملاين الموج الازرق امين يا رب

ملحوظة

مفروض تكون الروح الرياضية موجودة بين المشجعين

وعلى العموم ليس من الضربة الاولى تتفتت الصخرة

انما بكثرت الضرب علية وهاهو الهلال فى بطولة الابطال

حتى لو اخفق فى هذة المرة او الجاية او او او او او..ا

اكيد حا اجى يوم يتوج نفسة بهذة البطولة انشاء الله بعد 20 سنة

أأأأأأأأأأأأأمين يارب العالمين ربناااااااااااا يسمع منك يا محمد عنتر cheers

من اخوكم محمد عمر البشير

عدد المساهمات : 234 تاريخ التسجيل : 18/10/2010

الجمالي محمد عنتر محمد عمر مشكورين علي المرور الرائع بقدر روعة وجودكم في المنتدي

لو جـات بالْمُـراد واليمـين مطلـوق
ما كان بنشنق ود (أبْ الكريق) في السوق

لولا طبزات المعز، وخرمجات ميشو، وتشكيلته الفاشلة، وتبديلاته الخرقاء، لما انهزم الهلال داخل مقبرته، وتضاءلت فرصته في التأهل إلى نصف نهائي البطولة، بعد أن كان قد قطع شوطاً بعيداً في هذا الاتجاه.

هاردلك هلال الملايين، وتتعوض بإذن الله تعالى، والجايات أحسن من الرايحات...

هاردلك للإخوة الهلالاب: البرنس، ومحمد عنتر، ومحمد عمر، وأبوه عمر الفاروق، وآدمن، وأبو قدامة، ولا حياة مع اليأس، ولا يأس مع الحياة!!

يا ناس الهلال أحسن تفنِّشوا ميشـو
قبل ما تلقوا عصفوركم ممعَّط ريشو

التحية لكل المتداخلين فى هذا البوست وصاحب البوست البرنس

والمتداخلين الجمالى وشبل المنتدى محمد عمر البشير والخال

الغالى اسماعيل وبنقول هارلكم للجميع على خسارة ابو الهل

ولكن

دايما ما يخزلنى المعز محجوب فى الاوقات الحرجة وغلطات تحسها شبة متعمدة منه حاجة تحير

من المعز وسؤال كبير لماذا يتعامل المعز بتهاون فى المباريات الحاسمة ؟

ونتمنى من ادارة الهلال ان تقول لميشو كتر خيرك لحدى هنا وخلاص

[quote="محمد عنتر"]
التحية لكل المتداخلين فى هذا البوست وصاحب البوست البرنس

والمتداخلين الجمالى وشبل المنتدى محمد عمر البشير والخال

الغالى اسماعيل وبنقول هارلكم للجميع على خسارة ابو الهل

والله يا محمد يا ولدي أمبارح شفنا كورة الأهلي المصري والوداد البيضاوي المغربي، حكاية ولا في الخيال !! مستوى إيه، وحرفنة إيه، وبراعة في كل الخطوط، والبدلاء أفضل من الأساسيين في الفريقين، وبصراحة الواحد لما قارن بين الفريقين ديل والكرور بتاعنا المسمى هلال ومريخ أحس بأننا في الثرى وهم في الثريا.

وبيني وبينك كده ناس الهلال والمريخ بتاعاتنا ديل عايزات ليهن أقل حاجة 200 سنة عشان يصلوا لربع هذا المستوى!!

التحية لكل المتداخلين فى البوست

سوف يلعب الهلال مبارة نكون اولا نكون

يا رب نكون وما اظن نكون

محمد عنتر كتب:: التحية لكل المتداخلين فى البوست

سوف يلعب الهلال مبارة نكون اولا نكون

يا رب نكون وما اظن نكون

ههههههههههههههههههههههههههههه

لماذا هذا اليأس يا أبو العناتر، ياخي الفريق المنافس فاقد الأمل نهائياً وليس لديه أي دافع للفوز، وناس إنييمبا بعد ما لطشوكم هنا في المقبرة وعدوكم بأنهم سيهزمون لكم القطن، وقالوا ليكم بصريح العبارة: (نحن بنقدر ليكم على القطن، الله يقدركم إنتو على الرجاء البيضاوي)...

اللهم انصر هلال الملايين، وأعده إلى مقبرته محملاً بالنقاط الثلاث، ومتأهلاً لنصف نهائي البطولة الإفريقية... آمين.

ألف ألف ترليون مبروووووووووووووووووووووووووك للهلال
ولا عزاء للشمات الذين يتربصون بالهلال ليل نهار

الف الف الف الف مبروووووووووووووووووووووووووووووووووووووووووووووووووووووووووك

لهلال الملاين وهلال العز البيك نهز ونرز مبروك للموج الازرق مبروك لهلال السودان مبروك لكل شعب

السودان والف مبروووووووووووووووووووووك للهلالاب ومليون مبروك لكل عاشق للهلال

التحية للابطل وجنود الهلال فى الميدان لهم كل الود والتقدير

التحية للادارة والجهاز الفنى والتحية لكل من تشبع بهذا العشق السرمدى

ونقول الف الف مبروك للسودان الوطن الغالى

ونقول الف مبروك لكل الجماهير الرياضية بالسودان

ونقول الف مبروك لكل من عشق هذا الكيان الجميل

عاشق الهلال محمد عنتر

التحيه لصاحب البوست وكل المتداخلين فيه و أقول التقيل جاى لسه وربك يستر هم ما قصروا و الحظ ما قصر معانا

مبروك لجميع هلالاب المنبر، خصوصاً البرنس ومحمد عنتر، الهلالابيان الراقيان، والمشجعان الذان لا يعرفان الهوس الرياضي، ولا التعصب الأعمى...

ونقول لناس الهلال بصراحة دي مرقتوا منها بين النخرة والشلوفة يعنى تحت ضل السيف، عشان كده أبقوا نجاض و ما تفرطوا في الشغلانة مرة تانية...

لكن زي ما قال الأخ خالد الغريق جايي قدام، وعملاق باب سويقة، الذي أخرج الأهلي المصري (نادي القرن)، منو خوووووووووووووووف!!

عدد المساهمات : 226 تاريخ التسجيل : 27/10/2010

مبروك للهلال

* وقف مشاهدك يازمن راجع دفاترك يامحال فى السكة موج ازرق هدر تاريخ ندر اسمو الهلال*

والتحية للهلالى شاعر الهلال حدباى

الشكر لكل المتداخلين فى البوست انشاءالله ربنا اجعل ايامكم كلها افراح وانتصارات

الخال اسماعيل كتب

امبروك لجميع هلالاب المنبر، خصوصاً البرنس ومحمد عنتر، الهلالابيان الراقيان، والمشجعان الذان لا يعرفان الهوس الرياضي، ولا التعصب الأعمى...

ونقول لناس الهلال بصراحة دي مرقتوا منها بين النخرة والشلوفة يعنى تحت ضل السيف، عشان كده أبقوا نجاض و ما تفرطوا في الشغلانة مرة تانية...

لكن زي ما قال الأخ خالد الغريق جايي قدام، وعملاق باب سويقة، الذي أخرج الأهلي المصري (نادي القرن)، منو خوووووووووووووووف!!

تحيه خاصة للخال اسماعيل وتشكر على الاشادة بروحنا الرياضية لك كل الود والتقدير ونتمنى التقدم للكرة السودانيه اولها المنتخب الوطنى

نتمنى ان نرى علم السودان يرفرف فى جميع المحافل الرياضية امين يارب

ونتمنى التقدم والتتويج ببطولات قادمة انشاء الله للهلال والمريخ وجميع الفرق السودانية ونتمنى ان تسود الروح الرياضية الجميع واقول لكل

الرياضين شجع بفهم وانتماء ولا تشجع بتعصب التشجيع بالفهم يريح القلب ويجعلك تستمتع بكرة القدم والتشجيع بتعصب يجعلك اكثر توتر

ويعميك عن الحقيقة وتكون غير مستمتع بكرة القدم

محمد عنتر كتب:: ونتمنى التقدم والتتويج ببطولات قادمة انشاء الله للهلال والمريخ وجميع الفرق السودانية ونتمنى ان تسود الروح الرياضية الجميع واقول لكل

الرياضين شجع بفهم وانتماء ولا تشجع بتعصب التشجيع بالفهم يريح القلب ويجعلك تستمتع بكرة القدم والتشجيع بتعصب يجعلك اكثر توتر

ويعميك عن الحقيقة وتكون غير مستمتع بكرة القدم

الله يكملك بعقلك يا ود عنتر،،،

يشهد الله إني استفدت منك هذه الحكمة...لأني بيني وبينك كده مرات بتشيلني الهاشمية وبتعصب وأتشنج!!

لكن يا محمد مسعول من الخير.... دحين عنتر ود خالنا حسين عندو أولاد ذكور غيرك وللا يا هو واحد بس وخلاص ؟؟؟!!

الخال اسماعيل كتب

الله يكملك بعقلك يا ود عنتر،،،

يشهد الله إني استفدت منك هذه الحكمة...لأني بيني وبينك كده مرات بتشيلني الهاشمية وبتعصب وأتشنج!!

لكن يا محمد مسعول من الخير.... دحين عنتر ود خالنا حسين عندو أولاد ذكور غيرك وللا يا هو واحد بس وخلاص ؟؟؟!!

تشكر خالى وعمى العذيذ اسماعيل البشير لك كل الود والتقدير

على الاشادة بى واعتبرها تاج عز على راسى

ماشاء الله وتبارك الله

يا عين ياعنية من عين العجوز العنطروز

ومن عين الصبى الما بتتلقى

ومن عين الفتاة بى تراب الواطة

ومن عين الصغيراريتى بى وسخ الزئر

ومن عين الزاير اريتى بى سيف الغاير

الوالد عنتر حسين عندو خمسه اسدو عين الشمس و ( دقر يا عين)و

ماشاء الله

الكبير البكر العبد لله دا محمد عنتر

والتانى ابوبكر عنتر

والتالت عمر عنتر

والرابع سيف الدين عنتر

والخامس عائد عنتر

رايكم شنو قولو ما شاء الله

محمد عنتر كتب:: ماشاء الله وتبارك الله
يا عين ياعنية من عين العجوز العنطروز
ومن عين الصبى الما بتتلقى
ومن عين الفتاة بى تراب الواطة
ومن عين الصغيراريتى بى وسخ الزئر
ومن عين الزاير اريتى بى سيف الغاير

الوالد عنتر حسين عندو خمسه اسدو عين الشمس و ( دقر يا عين)وماشاء الله
الكبير البكر العبد لله دا محمد عنتر
والتانى ابوبكر عنتر
والتالت عمر عنتر
والرابع سيف الدين عنتر
والخامس عائد عنتر

رايكم شنو قولو ما شاء الله

تبارك الله ما شاء الله، نسأل الله أن يجعلهم قرة عين لأبيهم وأمهم، وأن ينشئهم أتقياء أنقياء، بررة بوالديهم، لا جبابرة أشقياء....... آمين.

تخريمة: الموشح بتاع العين العنية البتراب محشية ده من تقليعات حبوبتك بت عثمان (عليها رحمة الله) وللا شنو ؟؟!!

تنبيه: ما يحتاج يا محمد تظلل كل سطر لوحده وتنسقه، بل بإمكانك أن تكتب النص بأكمله، ثم تظلله كله ثم تنسقه، باختيار الأيقونات المطلوبة واحدة تلو الأخرى، ولا تنسى في التنسيق أن تضغط على الأيقونة بتاعة دبل أيه (ِِAA) هم حرفين أيه كبتل واحد فيهم راكب فوق كتف أخوه، وبعد ما تضعطها اختر (كبير جداً)

تشكر يا خال على المرور

وتشكر على التنبية ربنا اخليك لينا واديك الصحة والعافية

وتسلم من كل شر امين يا رب العالمين

وقف مشاهدك يا زمن راجع دفاترك يا محال

فى السكة موج ازرق هدر تاريخ ندر أسمو الهلال!!

يؤدى الهلال السودانى يوم غدا مبارة فى غاية الصعوبة

على ملعبة ووسط جمهورة داخل القلعة الزرقا

فى زهاب دورى الاربعة من دورى ابطال افريقيا للاندية

امام فريق قوى وعنيد ومتمرس على المباريات الخارجية

ويجيد اللعب خارج الارض بكل ثبات وثقة فريق الترجى التونسى

يا رب وفق الهلال يا رب انصر الهلال

دعواتكم للهلال بالنصر انشاء الله

ليسامحني الإخوة الهلالاب، فإن بيني وبين شقيقي عمر مداعبات شعرية، حول كثير من المواضيع والأغراض الشعرية، ومنها حكاية هلال ومريخ...

أرسلت له هذا المربوع من النميم، في مداعبة لا تخلو من التخويف والترهيب مما هو قادم:ـــ

عملاق باب سويقـة البقطــع الطـايـوق
بكرة بفـوز عليكم، وبحصــل الخـازوق
هلالكم شايفو خنَّق وفيهو باينة شقوق
وشمس الوالي طلَّت، وبشرت بشروق

فرد علي بهذا المربوع من النميم:__

قزيـم باب سويقـة العلي بتشـورو
هزمناهو في تونس وسط جمهورو
بلَّعنا الهـوان، والغصَّـــة بلغت زورو
باكـر بنغلبو، وإنتـو بتقعـدوا تفـوروا

النصر لهلال الملايين، حتى يبلغ نهائي البطولة، ويتوج بكأسها الغالية، ويعود بها محمولة فوق الرؤوس، ليكون بذلك قد وضع أول كأس جوية في خزائنه !!!

عدد المساهمات : 234 تاريخ التسجيل : 18/10/2010

الشكر والتحية لجميع المتداخلين في البوست وناسف لطول الغيبة وعدم الردود علي مساهماتكم

الشكر كل الشكر للمتداخلين فى البوست وشكر خاص للاحباب المريخاب

على مشاركتهم فى هذا البوست هذة هى الروح الرياضية

تغلب الترجى التونسى بسهولة على الهلال السودانى فى المبارة

التى اقيمت بدار الهلال (1)للترجى صفر كبير للهلال

طموح الهلال اصبح مختصر فى التأهل للمجموعات والمربع الذهبى فقط

نتمنى من ادارة الهلال وقطاعاتة المختلفة ان تعمل بجد وهلاليه خالصة

للموسم المقبل وان توفر كل ما يحتاجة الهلال للظفر ببطولة خارجية

نتمنى من الاتحاد العام للكرة السودانية وادارات الاندية ان تقف بجد ومسؤليه

على ادارة الكرة السودانية لكى نتوج ببطولة فى الموسم القادم عبر المنتخب الوطنى

او هلال الملاين او الاحمر الوهاج نتمنى ان تتدخل بطولة السودان عبر هذا الثلاثى

ودمت فى اتم الصحة والعافية

هاردلك يا تلتل ولكل إخواننا الهلالاب، ومشكور على روحك الوطنية الكبيرة، وما في داعي لنبرة اليأس التي نلحظها في كلامك، فالمنازلة لم تنته بعد، والكرة لا تزال في الملعب، فهناك شوط آخر سوف يلعب في ملعب رادس بتونس، ويقيننا أن مدرب الهلال لو أحسن قراءة الفريق التونسي وأحسن تلافي أخطاء المباراة الماضية؛ سوف يحقق الهلال هناك ما يظنه الكثيرون مستحيلاً!!

وبصراحة أمبارح لولا استبسال المعز محجوب لكال الرماد حماد، ووضح أن مدرب الهلال أكبر ماسورة، فهذا الهجوم الشرس منذ انطلاقة المباراة أصبح ديدناً مألوفاً للترجي التونسي، وكان ينبغي على ميشو أن يعد العدة للتصدي له، أو يبادر بمباغتتهم بهجوم أشرس منه!!!