من أبوحراز الى العريجا سلام

زائر

[من أبوحراز الى العريجا سلام
انا من أبوحراز شرق مدنى وسعيد جدً بإنضمامى الى منتدى العريجا وعجبنى والمواضيع حلوة وشيقة وهادفة وانا اتمنى التواصل فى المنتدى والإستفادة من جميع المواضيع والمنتدى حقيقةً جميل فى التنسيق ايضاً وهذا ان دل انما يدل على وعى ودراية القائمين على اخراج هذا المنتدى بهذه الصورة المشرقة فى التصميم ،وعلاوة على ذلك المواضيع المطروحة فهى عبارة عن حُلة جميلة اجتماعياً ودينياً، والإهتمام بالواضيع الشعرية وثقافة اهل المنطقة من شعر ومجادعات بين شعراء احسب انهم مبدعين قمة الإبداع واتمنى التقدم لهذا المنتدى.

ولقد تعرفت على هذا المنتدى من خلال الاخ محمد عنتر الذى يعمل معنا فى ابوظبي وقد شوقنى قمة التشويق بتكراره ذكرى المنتدى امام مسمعى عدة مرات فقررت ان اشترك فى هذا المنتدى وأن اكون من بين هذه الكوكبة المبدعة حتى احظى بالاستفادة من جميع مواضيع المنتدى وأن افيد وأستفيد

مرحباً بود (أبو حراز)، ود الناس العُزاز، سيد القرجة والعكَّاز، والطبنجي أب غمَّاز... ركاب المُهر القمَّاز، وشيال السيف الجزاز

حبابك، يا النصيح تيرابك، يا أب خيراً مو دابك، يا المدخور لي عقابك

تهللت بمقدمك الدار، وتلألأت في جنباتها الأنوار، وتفتحت في رياضها الأزهار، وغردت فوق أيكها صوادح الأطيار...

مرحباً بك يا ود أب عاقلة في بيتك ودارك، وبين أهلك وأحبابك... نحن كنا في انتظارك على أحر من الجمر... دحين أبقى داخل لي جوة، وشوف ليك عنقريباً وهيط كده في راكوبة أهلك العراجة أم همبريباً ضارب دي، وخلينا نشوف روائع قلمك، وإبداعاتك فكرك الوقاد.

لقد بشـَّرنا (ود عنتر) بقرب تشريفك لهذا المنتدى، فنشرنا بوست بعنوان: (في انتظارك على أحر من الجمر يا خالد أبو عاقلة)، هنا في منتدى الترحيب والتعارف من هذا المنبر العريجاوي المتألق....

الف مرحب بی? الاخ خالد ابوعاقلة

فی منتدا? منتدی اهل? العراجه

النارهم سراجه ابقی داخل لی جوه

وورینا ابداعات?.

مرحب بك يا ابوحرازفى منتدى عزاز الناس

[

مرحبا بك خالد ابو عاقله في بيتك الثاني حللتي أهلاً .. ووطئت سهلاً .. ياهلا بك بين اخوانك وأخواتك .. ان شاء الله تسمتع معــانا .. وتفيدنا وتستفيد معانـا .. وبانتظار مشاركاتـك وابداعاتـك .. ســعداء بتـواجـدك معانا .. وحيـاك الله $$$$$$$$$$$$$$$$$ ابو ممدوح $$$$$$$$$$$$$$$

مرحب حباب البى لقاهو يتم الكيف

ومرحب حباب سيد الدرق والسيف

ومرحب حباب البضبح الشايل للغريب والضيف

صاين للعروض والخائن يمين بينى ما بقيف

مرحب حباب ولدنا ود الجزيرة الأستاذ خالد ابوعاقلة ومرحب بيك فى دارك دار اهلك العراجة

حبابك اتفضل خش لجوة الدار دارك والبيت بيتك ,, انت ماك غريب سيد بيت ودار ,اتفضل

على الراكوبة مرشوشة ومقشوشة والجبنة مدورة افضل على الهباب الوهيط داك

واتحكر تب فى النسيم البارد دا,,واخلف كراع فى كراع وسمعنا نمك وفرج علينا ربنا افرج همك

حقيقة يا خالد ابو عاقلة انت اضافة كبيرة للمنتدى ,, ونحن فخور جدا بانضمامك لينا

وسعيدين جدا بيك فى المنتدى ,, والان امامك الاشارة خضراء لكى تتحفنا بى ابداعاتك ومساهماتك

زائر

مشكورين كلكم يا شباب وحسستونى انو ما ضيف فعلاً وهذا دليل على كرمكم واصالتكم وطيبة معشركم ،و انا سعيد بجميع التراحيب واتمنى التواصل معكم واشكر الاخ اسماعيل البشير على بوست فى انتظارك على احر من الجمر واخيراً الشكر لكل ابناء العريجا وخاصة الاخ العزيز محمد عنتر

Basketball

البيت دا بيتك
يا حبيب
أدخًل مخيَّر
وماك غريب
اتمدا في أقرب
عنْقِريب
مبهول في حوضو
الهمبْريب
النيمة
يا العنابة
ضُل
أغشى التُكُل
خرْمان
في شاي
جيعان أُكل
وداك التمُر
والزِير قريب
بايت من البارح
ملآن
راقد في صدر
الهمبريب
دُر تقرا
ديك كتب الولاد
قلَّقت
أو طال الرِجِي
كُورِكْ
نقولَّك
.. هُويْ ..
بُعـــــــــــــــــاد
رسِّل لنا
المرسال
نجي
يا
رُوق
بإحساس المحب
سيد بيت
وعننا ما ضِهِبْ
الهِيلنا .. هِيلَك
شِن ندس
ماطال
عُمرا ًيتحسِبْ
في ياتو بنكِ

» العريجا سلام
» اقتراح حول إعادة هيكلة منتديات العريجا
» سلام حار من المغرب الى اهل العريجا
» سلام يااهلنا الطيبين ناس العريجا
» سلام عراجة سلام