فى ليلة البارحة كنت عريس

فى ليلة البارحة كنت عريس

فى ليلة امبارح لقد كنت عريسا فرحان جدا واتلمو الاهل والاحباب والجيران والاصحاب وكل من يحبونى . لقد اتو اهلى التكيناب بى بكاسيهم العجيبة وهم فى نشوة وفرح يغنون ويعرضون
ورأيت الفرحة فى وجوههم ومن داخل قلبهم بعريسهم بن عنتر البكر . ولقد اتو اهلى برضو من المحريبا وعثمان فرح . ومعارف اهلى من جميع القرى التى من حولنا . وقد تم العقد فى صلاة الجمعة وسط الاهل بالتهاليل والتباريك . والزغاريت . وكانت الفرحة تغمرنى بين زغاريت الاهل واحضان حبوباتى واهلى وامى الغالية . ثم اتى وقت الغدا لى اكرام الضيوف والزوار . وكانت مشاركات واسعة من شباب العريجاء لتسابقهم فى اكرام الضيوف . وكان بين الحين والاخر ينادونى . ياعريس لوسمحت . ياعريس عن اذنك . ومنادات ايضا من خالتى وعماتى ياولد امشى اجهز . خلاص عشان نخت ليك الجرتق . وانا رديت عليهن . يا خالتى وعماتى دقيقة بس نغدى الضيوف . وامى تقول لى يا ولدى حبوباتك نا...س التكينة ديل . دايرات اتونسن معاك تعال . هع انا اخو ناس التكينة ..وياتينى صوت من بعيد من بعض الحسناوات الضيوف ياعريس تعال نسلم عليك . انت شكلك ما بتعرفنى . وانا فى خجل شديد والله شكلك ماغرئب على . بالجد البت كانت حلوة ... وبعد ذلك ينادينى ابوى الغالى . ياولد تعال سلم على جدودك . وبعد ان سلمت قال لى ياولدى امشى خلاص غير . واسمعنى انا دايرك ياولدى فى الجرتق والسيرة تكون اسد ما تحنى لى راسك وتدنقر لى تحت انا داير الهلال المربوط فى جبهتك دا اكون داقى فى السماء ... وأتى بعض من اصحابى المقربين . يلا يلا ياعريس خلاص امشى اجهز الناس كلها اتغدت . وفى ضيوف ماشين قالو . يلا يلا عشان الناس دى كلها داير تحضر الجرتق والسيرة .... وانا فى عجالة افتحى دولابى لكى اطلع جلابية السيرة والمركوب النمرى . واصحابى اقولو لى لا تنسى شى . وبعد ان لبست وجيهت نفسى . فى بيت ناس الجار الغالى وصديقى ((وليد السر )) يعنى اجيهت عند الجيران لانو البيت مليان ضيوف ونسوان . ووبينما انا فى بيت ناس السر اسمع فى نقرشة الدلوكة وزغاريت الاهل والحسناوات . وصوت الغناء (( الليلة هو بى الليلة هو بى . ود عنتر العريس الله اتم لية

وفجاأة أصحى من النوم على صوت المنبة والله كرهتا التلفون وكرهت المنبة . الله يا لها من حلمة جميلة (( خلية ينوم يا عديلة النومة دى بتريحو شوية ))))

» البحث عن الكمبيلي
» اقتحمنا منتديات الجديد عمران حباً في أمير عريس المنتدى
» ليلة البحث عن كمال الكدك
» وصية ام لابنتها فى ليلة زفافها
» ليلة لا يؤذن فيها الفجر