تحية اجلال وشوق

عدد المساهمات : 8 تاريخ التسجيل : 11/07/2014

السلام عليكم اهلى في منتدى العريجا . موضوع انتسابى لكم طريف جدا ولكنى كنت مصرا على الانتماء لكم حتى اعلُّ من معينكم الثقافى والادبى
::::=

الحِلَّه الغراما زى برق الجدى الخمَّاش
كل ما اطراها بسيل منى الدمع بشَّاش
شاريهاالقليب بى بنكنوت القوافى الكاش
عشان فيها الذبيح اب نماً للمزاج نعناش
****************
الخدرا المرِيه الفاقت جناين القاش
لقودك ساقن وهبهاب نسيمك ماش
انقيبك لبَّى أسرع من لمحة الرمَّاش
معزور يا سمعة كان اديت كلامى طناش

عدد المساهمات : 8 تاريخ التسجيل : 11/07/2014

انا اخوكم الجيلى كاسر الحسين النمرابى الحسانى الكاهلى احد اصدقاء اسماعيل البشير المحينة ( كان ما غيَّر رايه)
فهو بالنسبة لى عرَّاب تجربتى الشعرية المتواضعة!!!!

االغالى اسماعيل البشير :اخوك وتلميذك الجيلى كاسر او (ابو اشرف النمرابى) اسم اخر لحساب في الفيس بوك يلهث وراك ليقول شكرا على ما قدمت لى من منهج اثناء دراستى بكلية الدوبيت خاصتك .لم يبق الا توقيع معاليك على شهادة التخرجّ. وقد تقدمت اليكم بطلبات صداقة ولكن لعلك مشغول بما هو اهم ::
هنيالو ال أخفاك بين ضلوعو ودَسك
سنتين لا شفناك ولا اصطبرنا بِحِسَك
كيف نطفى جمر الشوق والتحايا نبسك
يا الشلبى البجيب أُم فِقره ديمة مجسَّك

حباب الكاهلي من بطنت (حسن) نمرابي
جيلي القوم حبابو كاسر وكور الدابي
في ارض الكرام مرتع صباي وشبابي
من بحر الذبيح المتوهط العنابي

عدد المساهمات : 8 تاريخ التسجيل : 11/07/2014

mohammedmlik كتب:: حباب الكاهلي من بطنت (حسن) نمرابي
جيلي القوم حبابو كاسر وكور الدابي
في ارض الكرام مرتع صباي وشبابي
من بحر الذبيح المتوهط العنابي

شديت على اب قنفة الماصع الدودابى
حانستو وركب قمز المضر عدابى
عانيبو بلد .اخوان ست المعبق وكابى
اغريهم سلامى وحبى وجميل ترحابى

احكل اب قنفه وافخر وصلت ترابي
ومد بصرك علي خيل المكارم الشابي
ان جيت زول بلد جودا عليك نحابي
ودالطائي حاتم امنيتو ان يكون عروابي

عدد المساهمات : 8 تاريخ التسجيل : 11/07/2014

mohammedmlik كتب:: احكل اب قنفه وافخر وصلت ترابي
ومد بصرك علي خيل المكارم الشابي
ان جيت زول بلد جودا عليك نحابي
ودالطائي حاتم امنيتو ان يكون عروابي

في ديار الكرم جملى اب سناب هدَّابى
زادى النمة ومن بحر القوافى شرابى
كان احترتو ودايرين تعرفو أسبابى
فى البوست نزل فروهو هادا كتابى

حباب نضمك المتل حواء النبي العروابي
ادخل في الضلوع متل النسيم الهابي
في طرف الهوير السماهو اقنت وصابي
اخلف يالفصيح وصفك طراني احبابي

عدد المساهمات : 8 تاريخ التسجيل : 11/07/2014

[quote="mohammedmlik"]
[center]
حباب نضمك المتل حواء النبي العروابي
ادخل في الضلوع متل النسيم الهابي
في طرف الهوير السماهو اقنت وصابي
اخلف يالفصيح وصفك طراني احبابي

يانى عاشق العراجة ود كاسر النمرابى
شاري بورق القوافى الكاش ومانى مرابى
يوم تلقانى متحزم للكماج وبارم اشنابى
عدوكن بلاديهو وبسل عليهو حرابى

في دار رحمه مرحب كاسر النمرابي
بلد ابسلكه فارس ام لفيحا رابي
فيها الكدك الدقش البحر دودابي
و حسن حدباي الدمعولسع كابي

عدد المساهمات : 8 تاريخ التسجيل : 11/07/2014

mohammedmlik كتب:: في دار رحمه مرحب كاسر النمرابي
بلد ابسلكه فارس ام لفيحا رابي
فيها الكدك الدقش البحر دودابي
و حسن حدباي الدمعولسع كابي

وفيت ياود الرجال ال فى النسب رحمابى
وقولك كلو عاجبنى ورديت عليهو جوابى
الجاب سيل النميم هادر ينقر بابى
معرفة الرجال الغُر .كنز الكنوز الخابى

يازين الرجال الماك في النسب متغابي
كوع بي مزاج في قدوك الهبابي
من نسل الزبير مرقت جحافل انسابي
كاهلي جنا المحينه وفصيلتي نورلابي

عدد المساهمات : 8 تاريخ التسجيل : 11/07/2014

mohammedmlik كتب:: يازين الرجال الماك في النسب متغابي
كوع بي مزاج في قدوك الهبابي
من نسل الزبير مرقت جحافل انسابي
كاهلي جنا المحينه وفصيلتي نورلابي

حباب الاستاذ محمد عبدالملك ود نور الله .طبعا علم على راسه نار وانا شاكر تواصلك والقيام بما يلزم من رفادة وكرم واستقبال حار حرارة قلوب الكواهلة .حقيقة انا سعيد بالتواصل معاك ورغم غياب البقية قد كنت عند حسن ظن اخيك .فماذا لو كان كل فصوص العقد مشاركين لكات حالتى وسطهم شيىء اخر.وكرر شكرى وامتنانى

مرحبا بك الاستاذ المــــــــــــــــــــــــــــــــــــــــبدع ابو اشرف النمرابي في دارك بين اهلك واحباك العراجه الذين هم سعدا دون ادني شك لوجود شاعر كبير مثلك متخصص في الادب الشعبي (المسادير ) بينهم صاحب دار وليس بضيف

العريجا منبع للشعراء العمالقه
هي من انجب الشاعر زائع السيط في مجال الدوباي ابونا الشاعر الكبير حواء النبي محمد صالح المحينه(ابوالعايده ) والهرم الكبير اسماعيل البشير المحينه (ابومازن) والشاعر الرائع عمر البشير المحينه (ابو المايده )
وايضا في مجال الحلمنتيش انجبت نجم فرقة الهيلاهوب واحد موسسيها وموسس فرقه تاتيبا الكوميديا الممثل والصحفي الشاعر محمد حسن حدباي
وكثير من شعراء القصيده الحديثه امثال بدر الدين الكدك
نتمني لك التواصل مع جل هولاء النوارس
وتكون لهم اللوحه التي تمنح ازدواجيه القرايه
المنتدي يضم ايضا كوكبه نيره من احفاد الطيب صالح -- المبدع ابومصعب -- والكاتب الجميل مبارك خليل ساب
هولاء من انسام الشمال اتو الينا تسبقهم ريحه الجروف وحرارة المكاده و طعم البركاوي وجهجة التساب
والرائعون كثر ولاننسي ملك التراحيب محمد عنتر والملك سوجو ..سراج الحسن
ايها النمرابي الشامخ قد جئتنا في ايام عجاف نتمني ان تخدر بوردات المنتدي وتطرد البوار بمساديرك الرائعه
معظم الاعضاء النشيطين في هذا المنتدي هجرهو الي صفحات التواصل الاجتماعي الاخري وعلي راسها الفيس بوك وتويتر وانا منهم
ولكن هنا البيت الكبير لابد من العوده له
نتمني ان تعرفنا عن منطقتك فكلنا اهل وكل الحلال (فريق في حله واحده )
ولك كل الود والتقدير وكامل الشكر فنحن الضيوف وانت صاحب الدار

» غربة وشوق
» تحية من لدن آدم إلى محمد (عليهما السلام)
» تحية حب واحترام لى اهلى ابناء العريجاء
» تحية خاصة لولدنا بدر الدين الكدك
» تحية وسلام لاعضاء المنتدي الكرام