الهجره الى اوربا الجزء الاول

بسم الله لرحمن الرحيم والصلاة والسلام على اشرف خلق الله اجمعين اولا السلام عليكم ورحمت الله وبركاته ابنكم احمد ابراهيم بله النور عندما فكرت فى اوربا كان ذلك فى العام 2008 وبدات اتحدث مع والدى بانى مسافر اوربا كنت كل ما اتحدث معه فى الموضوع يقول لى تعال السعوديه كنت اقول له انتوا عملتو شنو من السعوديه تمشو وتجو ساى انا عايز اوربا والشى الذى شجعنى على ذلك ذهاب عمر و وليد الى اليونان عندما حضر ابى الى السودان تحدثت معه الموضوع قال لى لمن اولاد السر يصلو بالسلامه وبعد شهر بدات اجرات اسفر الى تركيا كنت متلهف لاننى ذاهب الى تركيا ومضى شهر ونصف على الاجرات وبعد ان انتهيت منها ذهبت الى العريجا لكى اودع اهلى وحبايبى وبعد اسبوع ذهبت الى الخرطوم وفى يوم 9/1/2010 الساعه3 صباحا ذهبنا الى وبمعيتى شباب العريجا وفى الساعه 5 صباحا اقلعت الطائره متوجه الى مطار القاهر وانا من الفرح عائز اطير اول نره طبعا اركب الطائره وصلنا مطار القاهره عند الصباح عملنا كونكشن 3ساعات وعندما وقفت فى سلم الطائره المتوجه الى اسطنبول بداءت اتامل فى مطار الخرطوم فرق شاسع غدا انشاء الله نواصل

بس لمن جيت تودع اهلك أكيد بكيت صح لانها لحظة الوداع صعبة أنا غايتوا بي صراحة دموعي جرت .لكن بيني وبينك يا احمد الغربة حارة خاصة للناس الجداد وحتي القدام الا زول يكون قلبو حار ساي . ياخال عمر ده ود السر برضو وطبعا هو من ندايدنا درسنا مع بعض انا وهو في فصل واحد وبرضو من اللاعبين الاساسين في خانة الدفاع لي نادي الكفاح . بالله يا احمد كيف حال وليد ومروج الناس ديل اسي اتوجهوا علي وين وعليك الله سلم لينا علينا وياحبذا لو كتبت رقمك ورقمهم تكون عملت خير كبير

نواصل فى ماانقطع من حديث عند وصلت الى اسطنبول كنت عائز اطير من الفرح لانى وصلت اوربا والتقيت بالمهرب واخذنى الى منزله فى الفاتح اكسراي بالقرب من مسجد السلطان احمد وبوابت التقسيم عندما وصلنا الى المنزل اذا بى اسمع صوت الاذان كنت مندهش عكس الكلام الذى قيل لنا عن تركيا وبعد مرور يومين بدا الثلج فى النزول قمنا بزيارات الى مسجد السلطان احمد وكونكابى والكبرى الطائر الذى يربط بين اسطنبول وانقرا بعد مضى تسعه عشر يوما توجهت الى ازمير منطقة التهريب الى اليونان وفى نفس اليوم دخلنا البحرفى الساعه الواحده صباحا ومن هنا بداءت المعاناه وماهى الى بضع دقائق اذا بى الامواج تبداء فى الارتفاع اذ باالقارب يبدا فى النزول لانو القارب ]فاك نفخ وايدك اوكتا] وبدانا باصوات الاستغاسه ولم يسمعنا احد وعندما يئسنا بدانا نسئل المولى عزوجل بان ينجينا من هذه الرحله المشومه مسكنا فى شهادة لااله الا الله محمد رسول الله وكانت الرحله تضم بعض الجنسيات ارتريه وسودانيه واثيوبيه وفلسطينيه وبعد مرور ساعتين ونصف وصلنا جبل ونزلنا من القارب بسلام جبل فى منتصف المياه وبدانا بالسير على الاقدام قراب النصف كيلو حيث وجدنا حرس الحدود حيث تمت معاملتنا معاملت الحيوان وضربنا ضرب غرائب الابل وبداءت الاسئله من ايو بلد جيتوكيف انا قلت ليهم كينا طيران ماشايفين حالتنا دى طبعا كان عندنا واحد يتحدث اللغه الانجليزيه وعند الصباح تم اخذنا الى معسكر اللاجيئن بلنش فى جزيره تسمى لاروس وفى اليوم الثانى تم اخذ بصماتنا مكثنا سبعه ايام فى الكامب واخذونا فى الباخره المتجه الى اثينا رحله استغرغت 22ساعه وفى منت النهار وصلنا اثينا واستقبلنى احد ابناء المجير اسمه محمد خال وليد وعمر مكثت معه يومين وجت الحال سيه شديد خصوصا حال السودانين يبيعون الغبره (الكوكاين) وتوجهت الى جزيره فلياتر باحثا عن العمل استقبلنى عبد العزيز عمر الزبير . كانت حالتهم سيئه لانهم كانوا يسكنوا الخرابات (البيوت المهجوره) كنا نلاقى بعض القسوه من اليونانين لانهم ماعايزين اسود كان الواحد لما يشوف اسود يصلى كانوا يونادوننا مافرو(اسود) والله الشغل البنشتغلوا فى اليونان فى المزارع الشخص الواحد يخدر سته فدان !!!!!!!, وبعدها توجهت الى جزيره اسمها باترا نواصل انشاء الله