معاناة الغربة

شكواي ليك يا الحلوة لو عارفه الظروف


بهديك مناي وحبي ليك يا السمحة ما بتحكي الحروف


غابت نجوم وظهر القمر وأنا عيني ما قدرت تشوف


يمكن ظلام ويمكن غمام واظنه خوف


وشفت ظهران الشرق وشفت ظهران الجنوب ومن جدة لي عند الهفوف


وحتى شارع المطار شاكاني من كتر الوقوف


كلمي جيران أبوي وناس قريبة وبنات بخيت وما تنسي ناس الحي بشوف


وصدق المثل الحي بشوف


وشكواي ليك وكم آهة من قلبي العطوف


لو شفتي كيف للهم بقاسي أصله الزمن الزمن يا الملكة قاسي


مرة احلم بالتكاسي ومرة احلم بالبكاسي


ومرة بي حفلة زفافنا والناس تنظم في الكراسي


ويا المدلل انت راسي والهموم أنا ماليه راسي


وكيف خلاصي


يا المها الكامل وضيبه العمَ لي حلتنا طيبه


شلت صورتك يا الحبيبة وعشت سنواتي العصيبة


وقلت اخلي الغربة اسيبه إلا خفتَ من النسيبه


وداير أجدد لي جوازي وما لقيت حق الضريبة