يا حليل وحدة ترابك يا وطن !!

بسم الله الرحمن الرحيم

يا حليل وحدة ترابك والعصور الزاهية

هذه مرابيع من النميم جادت بها القريحة حزناً على ما آل إليه، أو ما سيؤول إليه، حال وطننا العزيز:ـ

يا وطن الجـدود بُكرة بْتروح في داهية
يا حليل وحدة ترابك، والعصور الزاهية
بعد ما ضيَّعـوك أهل القلوب اللاهيـة
جوا يرضُّونا بي حججاً عقيمـة وواهية

************************

العـالم كلو بتوحَّـد.. يقوِّي صفوفـو
إلا بلدنا هـذا، الإتقسـم بي سيوفـو
ما في بصيص على طول النفق بنشوفـو
ما دام الوطـن شايل الجمـر في كفوفو

************************

وطن العِـزة كم ربِّيت نُمـور وأسودا
وا أسفـايْ عليك، جاياكْ سنيناً سودة
حال بيك الزمان حكموكا ناس الكودة
وبعد ماك بنطلون... حيفصِّلوك برمودة

***********************

[/size]</B></I>

ياوطن الجدود جاتك سهاما نايشة
لى فصل الجنوب من ناس رؤوسهم دايشة
يارب ياكريم فنش مرادهم والحكومة الطايشة
عشان مانرجع للحروب زى الوحوش الهايشة

تفاعلاً مع مرابيع النميم التي تندب الوطن الذي تمزق وتشظى وتفتت؛ أرسل لي شقيقي عمر البشير هذه الرباعية الشعرية برسالة SMS:ـ

المستعمـر قبيـل عمـل المنطقـة المقفولـة
وحكَّامنا على الكراسي أفكارهم كتير مشغولة
فكُّوهـو بي بترولو، وخلُّولنا القطن والفولـة
وأبيي قنبلـة موقوتـة، يكفينا الإله شر هوله