محمد عنتر
عدد المساهمات : 1362
تاريخ التسجيل : 25/01/2011
العمر : 42
الموقع : الامارات-ابو ظبى
 | موضوع: استراحة  الإثنين 14 فبراير 2011, 5:27 pm | |
| الحمار والعنذ والكلب والبقرة
روى ان الحيوانات التالية لكل واحد منهما موقف مع سماع صوت العربات
الحمار
عندما تكون فى عربية جاية ماشة علية تلقاهو ولا شغلتو ولااهمو
كانو مافى حاجة السواق اضرب فى البورى تيت-تيت -تيت
وهو عامل اضان الحامل طرشة مدنقر فى اكلو ولاشغلتو ومرات
اعاين ليك وتانى ادنقر الا انذل واحد وانهرو حتى العربية تمشى
الكلب
بس ما اسمع ليهو صوت عربية عينو على العربية وهاك ياجرى
وراها عدل جادى ومصر ويبذل كل طاقتو عشان الحق العربية
تقول اسع امسك العربي دى
المعذة
عكس الكلب تمام التمام الواحدة فيهن لو سمعت صوت عربية
لو بتاكل توقف الاكل وترفع راسة مشوشة وهاك ياجرى من العربية
وتحسها انها خايفة من جوة ومرعوبة من صوت العربية
البقرة
طبعا دى ماشا اللة علية لو سمعت صوت العربية بكل ذوق وهدو وخفة
دم تذح شوية من الشارع وتواصل سيرها عادى بون خوف او رعب
اليكم تفاصيل سمعان الصوت على حسب موقف الحيوانات الاربعة
مع سايق العربية يعنى اى واحد عندو موقف معين مع السايق
فقالو الحمار والكلب والعنذ والبقرة كانو راكبين فى عربية وماشين مكان ما
فلما وصلا تلك المكان او المحطة الاخيرة اراد السواق ان يخلص حق التذكرة
اليكم التفاصيل
الحمار
اول الدافعين حق التذكرة وكان لة باقى عند
السواق عشان كدة الحمار ما بمشى من قدام العربي
لانةعندو باقى قروش وداير باقية
الكلب
الكلب طبعا مقرش دفع حقو وبرضو عندو باقى لكن موقفة بختلف
من الحمار السواق قال للكلب انتظر دقيق بس واعطيك الباقى
وهنا انشقل الكلب بعظم غليظ كان يحملة معة نظام سندوش وكدة
ونسى السايق باقى الكلب ودر العربية وفات واخذ الكلب يجرى وراء العربية
والجرية الياها لليوم اجر ورا العربات
العنذ
العنذ دفعت قيمة التذكرة ناقصة والسواق جاط معاها وكان ما عندها
قروش عاينت يمين شمال وكبت الذوقة والذواقة الياها لليوم
قدر ما تشوف ليها عربية تجر الدين حااااااار
البقرة
اول واحدة نذلت ودفعت حقها كامل عشان كدة تتبختر على كيف | |
|
