منتديات العريجا
مرحبا بك في منتديات العريجا سجل معنا وكن عضوا فاعلا



 
الرئيسيةمكتبة الصورس .و .جبحـثالتسجيلالمجموعاتدخول
المواضيع الأخيرة
» مسدار أبواتي العرواب الأماجد
الخميس 19 أكتوبر 2017, 1:22 pm من طرف Ismail

» مسدار السلفية الملتزمة
الأربعاء 18 أكتوبر 2017, 5:59 pm من طرف Ismail

» من أخطاء المتصوفة وتجاوزاتهم
الإثنين 16 أكتوبر 2017, 9:05 pm من طرف Ismail

» الأسلام دين العدالة والتسامح لا الإرهاب والعنف
الإثنين 09 أكتوبر 2017, 7:45 pm من طرف Ismail

» اضحك مع أحفاد جدنا أب تلوشة
الأحد 08 أكتوبر 2017, 4:30 pm من طرف Ismail

» القصيدة الوطنية التي أبكتني (تامن عجايب الدنيا في الحامداب)
الخميس 21 سبتمبر 2017, 10:50 am من طرف Ismail

» من روائع شعراء بلدنا (كله العالم جاء)للشاعر محي الدين الفاتح
السبت 09 سبتمبر 2017, 2:45 am من طرف Ismail

» ديل حبوباتي .. أتحدى العندو حبوبات زيهن (الجزء الأول):
الإثنين 04 سبتمبر 2017, 7:55 pm من طرف Ismail

» يا حليل العريجاء ولقد كبد اللتيم الخصيم
الخميس 27 يوليو 2017, 12:20 am من طرف Ismail

أفضل 10 أعضاء في هذا الشهر

شاطر | 
 

 يلا يا اخوانا سمعونا نمكم فرجو علينا ربنا افرج همكم

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3, 4  الصفحة التالية
كاتب الموضوعرسالة
محمد عنتر

avatar

عدد المساهمات : 1362
تاريخ التسجيل : 25/01/2011
العمر : 35
الموقع : الامارات-ابو ظبى

مُساهمةموضوع: يلا يا اخوانا سمعونا نمكم فرجو علينا ربنا افرج همكم   الثلاثاء 19 يوليو 2011, 11:48 pm

سمعونا نمكم السمح المجيه يلا يا اخوانا نبداء ليكم وانتو تمو الباقى


خا يفة الجاهله من حر الشمس اللاحت
وجرت توبا من لفح السموم الفاحت
ضاروها الخدود والشامة فى التوب راحت
ان خلوها بشوف المتلى قلوبن ساحت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ismail

avatar

عدد المساهمات : 2543
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: يلا يا اخوانا سمعونا نمكم فرجو علينا ربنا افرج همكم   الخميس 21 يوليو 2011, 7:14 pm

هذه المرابيع القديمة من النميم كان يرددهما أخونا بلة ود البشير في أيام طفولته وبواكير شبابه:

يا طير إن مشيت أغشى البتول ما تفوتا
شلبية البنات تضحـك تجيـك مبسوطـــة
تميرة المشـرق المن الصبيـت مخروتـة
سافل المدرســـة وقدام رفاعــــــة بيوتـا
************

مرقــت العـصــيـر تتـقــدَّل الـمهـدولــــة
عناق الصي والتبوب متل المكاكي حجولا
قصبــة تـور قريـن الـمـا فســـــخ قنـدولا
شن جلسـت معـاك سنتك تروح بي طولا
************

الليلـة البنات عملـن معـايـا قضيـة
كتبن أرضحــال قالن حكمنا عشية
المامـــور سعــاد والمفتشــــة ريا
يا ستار عليْ ما يقطعـــوا الماهية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
Admin
Admin
avatar

عدد المساهمات : 302
تاريخ التسجيل : 30/12/2007

مُساهمةموضوع: رد: يلا يا اخوانا سمعونا نمكم فرجو علينا ربنا افرج همكم   الجمعة 22 يوليو 2011, 2:26 pm

[font=Times New Roman]
هذا المقطع سمعت منه شطرين يحفظها كل الناس اما بقية الرباعيه
لم اجدها عند احد الامن جدي حدباي عليه الرحمه قبل رحيله ومنها

الليله الصعيد جاب الهبوب مقلوبه
طراني الاهل والجلسه في الراكويه
مهرة دنقله المادردروك مجلوبه
زيطك شال مصر وادلي فوق النوبه
[/font
]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://al3raija.ahlamontada.com
محمد عنتر

avatar

عدد المساهمات : 1362
تاريخ التسجيل : 25/01/2011
العمر : 35
الموقع : الامارات-ابو ظبى

مُساهمةموضوع: رد: يلا يا اخوانا سمعونا نمكم فرجو علينا ربنا افرج همكم   السبت 23 يوليو 2011, 1:48 pm

مشكور الخال العذيذ اسماعيل على المرور وانت دايما
نشيط ومتفاعل مع كل الاعضاء لك كل ودى وتقديرى
على نمك المجية دا والتحية للخال والجد بلة ود البشير
وهو محبوب بين الناس ويمتاز بالطيبة والطرفة والنكتة


الشكر كل الشكر للخال ومدير المنتدى امير على المداخلة
والمرور الرايع وعلى النمة المقعدة والمجية دى بعد غياب
طويل ونتمنى منة التواصل اكثر والرحمة والمغفرة لجدى حبدباى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ismail

avatar

عدد المساهمات : 2543
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: يلا يا اخوانا سمعونا نمكم فرجو علينا ربنا افرج همكم   الأحد 24 يوليو 2011, 4:13 pm

Admin كتب:
[font=Times New Roman]
هذا المقطع سمعت منه شطرين يحفظها كل الناس اما بقية الرباعيه
لم اجدها عند احد الامن جدي حدباي عليه الرحمه قبل رحيله ومنها

الليله الصعيد جاب الهبوب مقلوبه
طراني الاهل والجلسه في الراكويه
مهرة دنقله المادردروك مجلوبه
زيطك شال مصر وادلي فوق النوبه
[/font
]


ذكرتني مربوع من النميم كنا نحفظ منه الشطرين الأوائل منذ طفولتنا، ولم نكن نعرف بقية الرباعية، حتى سمعناها ذات أمسية من خالنا أمحمد ود البشير ود المصطفى (عليه رحمة الله)، وهو عم العضو المتمرد إبراهيم عبد الرحمن البشير، وخال أخونا سر التجار عثمان محمد إبراهيم:

الليلـة المعيز جفلـن على ود مِنة
والجري والرحيح كتبوهو ليهن سُنة
الولـد الفي مضافــرو الحـنـة
ما بعرف يسوق أمـات حُواراً طَنَّ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
ابو ممدوح

avatar

عدد المساهمات : 807
تاريخ التسجيل : 23/05/2011
العمر : 46
الموقع : السودان

مُساهمةموضوع: رد: يلا يا اخوانا سمعونا نمكم فرجو علينا ربنا افرج همكم   الإثنين 14 نوفمبر 2011, 5:08 am

راجياك زمن شان كلمتين
شان ابني فيهم عش صغير
في نصو كرسي وبنبرين
وطربيزه للشاي الصباح
والفطره بي كسره وملاح
... وبالجنبه نزرع غنيتين
وقلوبنا زي ضي الصباح
راجياك اسمع كلمتين
راجياك حد عمري المشي
حد الفضل
حد الحلم
حد الكلام الفيني راح
والباقي مني اكان كمل
راجيك طيف من مني لاح





$$$$$$$$$$$$$$$$$$$$$$$$$$
ابوممدوح
$$$$$$$$$$$$$$$$$$$$$$$$$
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://[url=http://www.gulfup.com/][img]http://im17.gulfup.com/2
Ismail

avatar

عدد المساهمات : 2543
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: يلا يا اخوانا سمعونا نمكم فرجو علينا ربنا افرج همكم   الإثنين 14 نوفمبر 2011, 2:10 pm

هذه مرابيع رائعة من النميم، ومن أروع ما فيها أنها منسوبة إلى بعض أهلنا الكبار من العرَّاجة، كلهم قد رحل عن دنيانا الفانية هذه، فنسأل الله أن يتغمدهم بواسع رحمته ومغفرته، إنه رحيم ودود.

هذا المربوع منسوب إلى جدنا الضباح (حاج عبد الله رحمة الفحل)... سمعته من الأخ خالد موسى يرويه عن حاج الضباح (عليه رحمة الله):ــ

ضربْتَ ليْ خِليوة وقعدْتْ بصنَّت
وشُفتَ الكبْرَتو والتِّبْري فوقو مبنَّت
وكْت الليل برَدْ وفومْة أم رشايم رنَّت
زاد حَسَسي العَلَيْ حَتْ صوف جِلدي قعَد إتقنَّت


وهذا المربوع منسوب إلى خالنا عمر ود شقلي (عليه رحمة الله):ــ

الحـال العلَيْ جيراني كان خابرنُّو
ما بخلوني من قولَتْ عمـر كيفنُّو
الصابِر على جرْح السِّلاح إن منُّو
وأنا صابر على جرح البتوقِد سنُّو


وهذا المربوع من أشهر مؤلفات عمنا موسى ود كرم الله (عليه رحمة الله):ــ

من بير الياس هفَّتْلِي الْمِعَسِّـف طيبا
فشَل اللوري للمِن جَدَّة ماسكة قضيبا
سمحـة، وسالكـة، وسمـح سُلّيبـا
أرْيَل شَمْشروق، عِرزين كِلاب ما بجيبا


وهذا المربوع من روائع عمنا الجلال – عوض الكريم ود حسن – (عليه رحمة الله):ـــ

يا ربَّ العباد البنهمَك كُلْ حين
مسكْلو مراية قسَّم راسو بالفازلين
هـلال ونجـوم ودبُّورتين
وشال رصَّاصو بِضْرُبْ في المَحَلْ الشين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
الجيلي مبارك جبارة

avatar

عدد المساهمات : 66
تاريخ التسجيل : 05/01/2011
العمر : 35
الموقع : Gokhs381@hotmil.com

مُساهمةموضوع: رد: يلا يا اخوانا سمعونا نمكم فرجو علينا ربنا افرج همكم   الإثنين 14 نوفمبر 2011, 3:33 pm

سهرت عينى بدمعا عليها انهلا ومشتاق قلبى بعودة البلد والطلا على الما سمسرت جابت قوالت الحله اعضاى اتبلت ياالرايقة بى كسيرك... سمحه وفاهمة مااجتمعت لى غيرك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد عنتر

avatar

عدد المساهمات : 1362
تاريخ التسجيل : 25/01/2011
العمر : 35
الموقع : الامارات-ابو ظبى

مُساهمةموضوع: رد: يلا يا اخوانا سمعونا نمكم فرجو علينا ربنا افرج همكم   الإثنين 14 نوفمبر 2011, 3:41 pm

تسلم يا الخال اسماعيل قمة الابداع والروعة وبالزات بتاعت الفازلين دى والله عجيبة ههههههههههههههههه



هاكم دى

براااااااااى مجوع لى فى غرفة زى الفرشة والبشكير

لاحمارا حداى هنق لاسيف لاخرج لا زير

ولا بهيما يلاقى اماتو مافيش داعى للتفسير

صباحا دون صباح بلدى اكان فى الجنة برضو مرير



هع هع ابشر يا خال
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ismail

avatar

عدد المساهمات : 2543
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: يلا يا اخوانا سمعونا نمكم فرجو علينا ربنا افرج همكم   الإثنين 14 نوفمبر 2011, 4:23 pm

تسلم يا ود عنتر، وكل سنة وإنت طيب، والقابلة نشوفك عريس، وهاك دي واحدة تانية لعمنا عوض الكريم ود حسن الشهير بلقب (الجلال)....

كنت ذات صبيحةٍ جالساً في مجلس فيه عمنا الجلال – عوض الكريم ود حسن – (عليه رحمة الله)، فتذكرت بعض مرابيع النميم التي تتناول العواطلجية (ناس قدر الله)، فقلت:

ناس قدر الله قاعدين فى الفريق ما بختروا
من كُبِّى وكَشِف حال الحريم ما بفتروا
أنا بخَتِر براي، أسـد الهشيمـة بنترو
صاحبى إن زلَّ مابفشاهو، ديمة بسترو


فرد علي عمنا الجلال (رحمه الله) على الفور قائلاً:

ناس قدر الله عنْدْ حِس الْمدقَّـة بحضْروا
فوق فنجان البِكِر متل الجُمال بتسدروا
عنْدْ قدح الفطـور قلبوا الهِياج وبهدْروا
غير طاحـونة يا البريبـة ما بنقـدروا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
محمد عنتر

avatar

عدد المساهمات : 1362
تاريخ التسجيل : 25/01/2011
العمر : 35
الموقع : الامارات-ابو ظبى

مُساهمةموضوع: رد: يلا يا اخوانا سمعونا نمكم فرجو علينا ربنا افرج همكم   الأحد 20 نوفمبر 2011, 1:43 pm

هع ,,,,,تسلم يا الخال اسماعيل والتأكلوا انفعك ,, والله نمك مجية ومكرب كريبة جد

حقفيقة استمتعت غاية المتعة وأنا اقرأ هذة المرابيع تزكرت البلد وناس البلد وليل البلد وصبح

البلد(الرحمه والمغفره للميتين ) وحقيقة يا الخال اسماعيل انت كنذ لنا من كنوذ العريجا

الشكر لك وانت توثق لجميع جدودنا تحية لك ممزوجة بعطر العنبر !!!!!!!!!!!!!!,؟



واليلة داير اخد رقدة كدى على قفاى واخلف كراعى فوق اخته واديكم نمة كاربة

هااااااااااااااااااااااااااااااااااااااااااااااااااااااااااااااااااااااااااااااااااااااااااكم دى



جرحى المنوسر غور ودمعى البكب سيال

لى أم (شامة) حنينة . ورمشا كحيل كتال

أكان الظروف خدمتنى ومنك اشيل شبال

تانى شن بفرق معاى أريت الدنيا بى زلزال



كع يا ودعنتر ,,,,, ابشرو بالخير ياعراجة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ismail

avatar

عدد المساهمات : 2543
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: يلا يا اخوانا سمعونا نمكم فرجو علينا ربنا افرج همكم   الأحد 20 نوفمبر 2011, 3:42 pm

زمان لمن كنا صغار، كانت هناك مرابيع من النميم، يكاد يكون كل الأطفال بيحفظوها، ويرددوها صباح مساء، منها هذه المربوعة:

ظهـــرن لي تلاتـــة نجــــوم
اتنيين بالشرق والتالتة بالخرطوم
البت القبيل فوق المخدة تنوم
هردم قلبنا وخلت كبيدتي تعوم


وفي عام 1962م تم افتتاح مدرسة العريجاء الأولية، بفصل واحد، وأستاذ واحد هو أستاذنا الفاضل (إبراهيم بشير علي)، أطال الله عمره في طاعته... وعندما حان موعد العيد السابع لاستقلال السودان (مطلع سنة 1963م) أقام هذا الأستاذ كرنفالاً بديعاً احتفالاً بعيد الاستقلال، فصف التلاميذ في طابور واحد طويل، وطاف بهم القرية وكان يتقدمهم تلميذ يحمل علم السودان، وعندما عادوا إلى المدرسة (بيت المجلس القديم) أقاموا يوماً احتفالياً حافلاً بالألعاب والمنافسات الرياضية، وكان من ضمن فقرات البرنامج فقرة للمجادعة بالدوبيت، تبارى فيها ثلاثة تلاميذ هم فضل المرجي ومضوي رحمة وتلميذ ثالث من النو أو الشقلة.... وكنا نحن صغاراً نتفرج على ذلك الاحتفال التاريخي... (أنا كان عمري 5 سنوات فقط).... أذكر أن الخال (نور الله عبد القادر) كان من ضمن الحضور وأذكر كيف أنه ضحك من تلك (الدرابة الكبيرة) التي رماها مضوي في مربوعته وهو لم يكن يدري معناها الحقيقي !!! وأذكر أن فضل المرجي كان بطل تلك المجادعة حيث أدلى بهذه المربوعات:

بالليل ما بنـوم وبالنهـار واعي
وحاكيت أم جناياً ودرو الراعي
البـت أم جمـالاً شـنَّ لي طباعي
علقت في السما الما بلحقو ضراعي

بالليـل ما بنـوم وبالنهـار وعيان
وحاكيت أم جناياً ودَّرُو الرعيان
البت أم جـمـالاً في البـلـد ما كان
علقت في مجَر كبش النبي سليمان

يا رب العباد كاشف المحن والشدة
يا خالـق الخلـوق الباب عليْ انسـدَّ
ما بيَّـا السِّجـِن ما بيَّـا طـُولـة المُـدَّة
أنا بيْ فرق البهيم الإيدو باقية مخدة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
محمد نورالله

avatar

عدد المساهمات : 226
تاريخ التسجيل : 27/10/2010

مُساهمةموضوع: يلا يا اخوانا سمعونا نمكم فرجو علينا ربنا افرج همكم   الأحد 20 نوفمبر 2011, 6:21 pm

التحيه لكل ذوى الاحساس الشاعرى بالمنتدى

ياذكى العود بالمطرقة الصماء والفاس تشظى
وبنيران لها الف لسان قد تلظى
ضع على ضوئك فى الناس اصطبار وماثر
مثلما ضوع فى الاهول صبرا ال ياسر

جزء من قصيده نحن والردى للشاعر صلاح احمد ابراهيم

وهى :

ولنا إرث من الحكمة والحلم وحب الكادحين
وولاء، حينما يكذب أهليه الأمين
ولنا في خدمة الشعب عرق

هكذا نحن ففاخرنا وقد كان لنا أيضا سؤال وجواب
ونزوع للذي خلف الحجاب
برهة من سرمد الدهر أقمنا ومشينا
ما عرفنا بم أو فيم أتينا وانتهينا
وخبرنا تفه الدنيا وما من بهرج فيها حقير
عرضاً فان لفانين فما نملكه يفلت من بين يدينا
أو ذهبنادونه حين بقي
فكما كان لدينا ،صار ملكا لسوانا،وغرور
لغرير غافل يختال في الوهم الهويني
في حبور

رب من ينهل من بحر الغوايات
ظمي والذي يملك عينين ولا لب ..عمي
والذي تفتنه الدنيا ولم يدر المصير
أبله يمرح في القيد وفي الحلم يسير
ريثما توقظه السقطة في القاع ولا يعرف أينا

كل جيل بعده جيل، ويأتي بعد جيل
بليت جدته،مرتقباًً في غبطة أو غفلة أو قلق
فقعة الآمال في جيل بديل
طالع أو طامع مستبق

أمس قد كنا سقاة القوم بالكأس المرير
وغداًًً يحملنا ابناؤنا كي نستقي
فالذي تخلي له مضيفة الحي سيدعي لرحيل
حين يبدو قادم في الافق
وكلا القائم والقادم في دفترها ابن سبيل

كل طفل جاء للدنيا -أخي -
مشرق الوجنة ضحاك الثنايا والفم
يسرج الساعات مهراً لإقتحام القمم
سابحاً في غرة للهرم
فإذا صاح به الموت اقدم
كان فوت الموت بعض المستحيل


هذه الابيات اهداء لمدير المنتدى لكى نشعل الشوق فى داخله لامسيات الشعر فى السودان ومنتدياته
هو والاخ مرتضى على الجاك لحضور تقديم حسين خوجلى للشعر والشعراء

ولكل ذوى الاحساس الشاعرى فى المنتدى



عدل سابقا من قبل محمد نورالله في الإثنين 21 نوفمبر 2011, 2:56 am عدل 1 مرات (السبب : تعديل كلمه)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد نورالله

avatar

عدد المساهمات : 226
تاريخ التسجيل : 27/10/2010

مُساهمةموضوع: يلا يا اخونا سمعونا نمكم فرجو علينا ربنا افرج همكم   الإثنين 21 نوفمبر 2011, 3:38 am


التحية لكل ذوى الاحساس الشاعرى فى المنتدى


نديكم مربوعين من مرابع الهمباته

كم شديت على التلب الكزازى اب دومه

وكم قطعتهن من سنجه طالبات رومه

الروح مابتفارق الجته قبال يومه

ياريت كل نسلم من فلانه ولومه



المربوع الثانى

برقك قلع الساريه ام سحابا صاح

وتعالك كتم من الهوى اللحاح

ررعدك رز فى المطر التقيله وقاح

وباردك لاقى شمس الغيبه باكرزاح



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد عنتر

avatar

عدد المساهمات : 1362
تاريخ التسجيل : 25/01/2011
العمر : 35
الموقع : الامارات-ابو ظبى

مُساهمةموضوع: رد: يلا يا اخوانا سمعونا نمكم فرجو علينا ربنا افرج همكم   الإثنين 21 نوفمبر 2011, 3:15 pm

التحية لكل ذوى الاحساس الشاعرى فى المنتدى


نديكم مربوعين من مرابع الهمباته

كم شديت على التلب الكزازى اب دومه

وكم قطعتهن من سنجه طالبات رومه

الروح مابتفارق الجته قبال يومه

ياريت كل نسلم من فلانه ولومه



المربوع الثانى

برقك قلع الساريه ام سحابا صاح

وتعالك كتم من الهوى اللحاح

ررعدك رز فى المطر التقيله وقاح

وباردك لاقى شمس الغيبه باكرزاح



والله ابداع يا ود النور ومرابيعك عجيبة وحقيقة شعر الهمباتة رايع جدا ونتمنى منك المزيد يا ودالنور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ismail

avatar

عدد المساهمات : 2543
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: يلا يا اخوانا سمعونا نمكم فرجو علينا ربنا افرج همكم   الإثنين 21 نوفمبر 2011, 3:54 pm

من روائع ما حفظت من الدوبيت:ـــ

يقول إبراهيم ود الفراش:ـــ

سكَتير الغرام في مكتبن ساجنِّي
وعاشق ليلى ما ضاق العُشُر من جني
نشَّاب لحظهن تحت الضلع باجنِّي
فوِّضـوا أمركـم لله يا الرَّاجني

ويقول ود عبد الله ود شوران:ــ

أم ريقاً لبن صهبة، ودخلو مبسَّط
شرفتا ريل وكفيتا خيل وطولا موسَّط
من أصوات قدومها وخطوتا الانرصَّت
حسيت قلبي فارقني وكبدتي انقصَّت

ويقول الصادق ود آمنة:

تقَّاي المفلَّخ شلتو في مُترارك
جُوط واتجوجى لي هسَّع بعيد مشوارك
قال ليْ الرسن كان ترْخِي منُّو يسارك
بوريك أدعَج النقَع الفتق نوسارك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
محمد نورالله

avatar

عدد المساهمات : 226
تاريخ التسجيل : 27/10/2010

مُساهمةموضوع: يلا يا اخوانا سمعونا نمكم فرجو علينا ربنا افرج همكم   الثلاثاء 22 نوفمبر 2011, 7:53 pm


ودالشلهمة يصف ارض البطانة فى لوحة من الشعر


برقك قلع الساريه ام سحابا صاح

وتعالك كتم من الهوى اللحاح

رعدك رز فى المطر التقيله وقاح

وباردك لاقى شمس الغيبه باكرزاح


********
اسمحت من صيفة خلا وقهبونه
وانفشت سحابتك فوقك المشحونه
اصبحت المواطى والضهور مطيونه
واتكسيت بى تيابا منوع لونه


**********
فيك لون الصفارى كالبرص مجليه
اللبلب حمرتو تقول عيون قمريه
التبر انفرش عرقو وفرش شمسيه
يضرب فى شعاع شمس الصباح النيه

**********
اسمحت من صيفه وسموما قاليه
واتلاقت سواريك بالصبيب متواليه
فكيت الدعاشات والنسائم الحاليه
عربك ختت بى نيب والضهور العاليه

**********
اتكسيت بى لونا لبست جديد
وتصبح كل يوم نايره وحلاته تزيد
تعالك نزل ساوى الضهور والليد
واجادع فريقك فى نزلتو بعيد

**********
نار وجهك خلاص واصبح عريسك باش
وسيلك لى علاويك وبالمراتع كاش
نفسك من سموم تحلى جابلو دعاش
وعربك لى جفافن جبدو البراش
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد عنتر

avatar

عدد المساهمات : 1362
تاريخ التسجيل : 25/01/2011
العمر : 35
الموقع : الامارات-ابو ظبى

مُساهمةموضوع: رد: يلا يا اخوانا سمعونا نمكم فرجو علينا ربنا افرج همكم   الخميس 24 نوفمبر 2011, 2:57 pm

كع كرع ابشرو بالخير هاأااااااااااااااااااااااااااااااااااااااااااااااااااااااااااااااااااااااااااااااااااااااااااكم دى



نحنا صواقع البرق الشلع ضحوية

ونحنا الفوق نحاسنا بنلعب الصقرية

نحنا صغيرنا مامون يلاقى الميه



وهاكم دى للهمباتة فرسان الليل



كم شديت على ضهر البذاذى ابودوما

وكم قطعتهن من شندى طالبات روما

الروح مابتفارق الجتة قبل يوما

كلوا كان نسلم من قول فلانة ولوما



ودى لناس الغرام الناس المتيمين



فراقك يا الغرامك فى دواخلى بعضى

أشعل ثورتى وقلب المواقف ضدى

أكبر لصلاتى واقول خلاص متفضى

القى القبله خلفى وزاتى ما متوضى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اصيل الدين الريح

avatar

عدد المساهمات : 186
تاريخ التسجيل : 18/11/2010
العمر : 34
الموقع : السودان /الجزيرة/بانت الكواهلة

مُساهمةموضوع: رد: يلا يا اخوانا سمعونا نمكم فرجو علينا ربنا افرج همكم   الجمعة 25 نوفمبر 2011, 5:59 pm

هالم دي

نحن اولاد بلد ما فينا رول بتضاري
نركز وننجلد كان دقت النقارة
ونتالب صقور وكتين تجينا مغارة
وكان حاكمنا زول هسع نفوت الدارة‎ ‎
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابو ممدوح

avatar

عدد المساهمات : 807
تاريخ التسجيل : 23/05/2011
العمر : 46
الموقع : السودان

مُساهمةموضوع: رد: يلا يا اخوانا سمعونا نمكم فرجو علينا ربنا افرج همكم   السبت 26 نوفمبر 2011, 9:16 am

هع الجنا مو شارب اللبن نمك دا يا جنا نم ناس شاربين اللبن وناس اللبن بحملو الجلد


هع .... هلا...هلا...


تسلم الشيخ أصيل ود الأصيل




$$$$$$$$$$$$$$$$$$$$$
ابوممدوح
$$$$$$$$$$$$$$$$$
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://[url=http://www.gulfup.com/][img]http://im17.gulfup.com/2
اصيل الدين الريح

avatar

عدد المساهمات : 186
تاريخ التسجيل : 18/11/2010
العمر : 34
الموقع : السودان /الجزيرة/بانت الكواهلة

مُساهمةموضوع: رد: يلا يا اخوانا سمعونا نمكم فرجو علينا ربنا افرج همكم   السبت 26 نوفمبر 2011, 6:40 pm

ههههههههههههههههههههههههههههههههه

قلت لی کیف ااااأبو ممدوح والله حلوه

منک دی.

بالمناسبة یا ابو ممدوح جدودی الاثنین

هما محمد ابراهیم(ودبريقع او ودالمک) والد الاب .

وقسم السید ود رحمة والد الام

الله یرحمهما کانا من ملوک لعب

السوط(البطان) فی منطقتهم

الزول البنجلد علی یدهم اول

مابقدر اتسدا حقو ذیادة علی ذلک

إرقد شهر فی السریر ما إقدر اقوم من

شدة الالم.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد نورالله

avatar

عدد المساهمات : 226
تاريخ التسجيل : 27/10/2010

مُساهمةموضوع: يلا يا اخوانا سمعونا نمكم فرجو علينا ربنا افرج همكم   السبت 17 ديسمبر 2011, 12:36 am


نريد ان نحرك هذه النافذه الشعريه

شغبه الشاعرة و ولدها حسين

تحث ولدها على الهمبته

اريتك ياحسين ماشوف لوحك معلق
ويوما كاتلن ويوما مفلق
ويوما فوق ضهر ال فى شايتو غلق
قاعد لى للزكاة ولقط المحلق

وتسترسل فى ذلك

ياحسين انا مانى امك وات ماك ولدى
بطنك كرشت غى البنات ناسى
ودقنك حمست جلدك خرش ما فى
لاك مضروب بى حد السيف نكمد فى
ولاك مضروب بى لسان الصيد نفصد فى

فرد حسين

محيناك يا لوح وكسرناك يادوايه
لهيج الحم احسن من القرايه
وقلبت الشد على اللفض التنايه
ومقالبة البكار كبد السحايه

واصبح حسين من الفرسان وله جمل طاردته اسرع الخيل وعادت خائبة فانشد فيه

يا اب ضهرا متل فرنيبة الشراك
يا عصار سبيب ضيلك على اللوراك
العزبة بتكوشك وام رهيط تبراك
ربدات النعام فيها العجز مالاك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد عنتر

avatar

عدد المساهمات : 1362
تاريخ التسجيل : 25/01/2011
العمر : 35
الموقع : الامارات-ابو ظبى

مُساهمةموضوع: رد: يلا يا اخوانا سمعونا نمكم فرجو علينا ربنا افرج همكم   الإثنين 19 ديسمبر 2011, 10:13 pm

هع ابشرو بالخير والله ياشباب نمكم سمح ومجية تأأأأأأأأأأأأأأأأأأأأأأأأأأأأأأأأأأأأأأأأأأب

باقى اليومين ديل مغروم شوية كدى عشان كدى النم عشق ساااااااااااااااااااااااااااى





هع



من يوم قمنا ما شدوت حناجر طيرنا

حرمنا الأ نس بعدو وقلبنا سريرنا

الخلاهو يمدغ فى الغبينة ضميرنا

نحن نعلف ونراشى وتدر لغيرنا



أه يانار الغرام الفى الفراق ابشرووووووووووووووووووووووووووووووووووووووووووو ياعراجه



وهاكم دى برضو فى الغرام يا أخونا مافى زوا اسألنى خلونى الننفش باقى مزكر لى جرح قديم



هع





انت الكون أميرو وبالجمال متفوق

قلبى هواك واصبح من هواك متعوق

يا الهاجر غرامى وديمة ليك متشوق

همى وحات عيونك انت تبقى مروق



هع ابشرووووووووووووووووووووووووووووووووووووووووووووووووووووو بالخير







انزف ياجرح مادام علاجك مافى ..............................؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الجيلي مبارك جبارة

avatar

عدد المساهمات : 66
تاريخ التسجيل : 05/01/2011
العمر : 35
الموقع : Gokhs381@hotmil.com

مُساهمةموضوع: رد: يلا يا اخوانا سمعونا نمكم فرجو علينا ربنا افرج همكم   الثلاثاء 20 ديسمبر 2011, 5:58 pm

الزوووووول كان دايرالعريجا تشوفو
اكتب فى المنتدى الليناغاليه حروفو

تخريمه.
ياتلتل رايك شنو




‎ ‎
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زائر
زائر



مُساهمةموضوع: رد: يلا يا اخوانا سمعونا نمكم فرجو علينا ربنا افرج همكم   الأحد 25 ديسمبر 2011, 8:26 pm

السلام عليكم هوووي دحين نمكم سمح باالحيل وعجبني واستمتعت غاية الاستمتاع وبي نمكم دا والله بالصح فرجتو همنا الله افرج همكم واستبيحكم عزرآ لاني حاأخرجكم من مرابيع العراجا المشيده دي واوديكم لي مرابيع اهلنا المكنيكيه
دا دحين مكنيكي داير امنطق حبيبتو بي ابيات شعر وقالها :

ياواقفه بين صبري
وتروس الفرمله
وانا بحكي ريدك للملأ
والجاني من بستم مشاعرك
بلفو طار بحكيبو لليل والخلا
وانا بعذرك
واوذن دركسون الصبر
واضغط كلتش الامنيات
لو ألحقك
ياالحنتا ذي ذيت رجوع
اسود من الشقا والدموع


ولكم مودتي
الرجوع الى أعلى الصفحة اذهب الى الأسفل
 
يلا يا اخوانا سمعونا نمكم فرجو علينا ربنا افرج همكم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 4انتقل الى الصفحة : 1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتديات العريجا :: المنتدي الادبي والثقافي-
انتقل الى: