فقط فى السودان

موضوع: فقط فى السودان الأحد 04 سبتمبر 2011, 3:58 pm

هذة الاشياء تعتبر عندنا عادى فى السودان وتحصل كل يوم فى حياتنا العادية
بعين قوية وبدون خجل والكل يتقبلها بصدر رحب بدون نقاش او نقد او استنكار

مثل

اذا حصل تصرف غريب او شاز او عادى من احد الاشخاص ووقع على عين مجموعه
من الناس تلقى الكل ينظر ويتكلم واحد اقول ليك والله الشعب السودانى دا متخلف خلاص
والتانى يقول ليك والله السودانين ديل بليدين خلاص واطلع واحد اقول ليك والله السودانين ديل
فكت منهم وتجد الكل يشتم نفسة وجنسيتة يعنى شعب يشتم نفسة التقول البتكلمو ديل من الفلبين

وتجد عندنا برضو فى السودان اشخاص غير نظامين وانانين يعنى تكون واقف فى صف انتظار لساعة
كاملة اوساعتين ويأتى شخص يقيف محازيا للشخص الذى فى اول الصف بدون اى خجل او استحيا ويكون
الكل ينظر لة وعندما تسأ لة يقول ليك والله انا مسرع وعندى شغل ماشى عليهو خلونى يا جماعة
طيب الناس الواقفة من الصباح ديل شغالين وقوف فى الصفوف بس يعنى ما عندهم شغل تانى عيب عليك يا راجل

وعندنا برضو اشياء سرقتها حلال والكل يعرف ذلك مثل الجريدة يعنى عادى قريتة ماقريتة بشيلوهة منك بس ما تكون
مطرفة والقلم والقمصان والريحة من الدولاب قميص جديد لبستة ما لبستة الله اعينك فيهو اتريحتة ما اتريحتة تشمها قدحة تانى
وذلك يرجع لطيبتنا من دون شعوب العالم لكين برضو احتما ل تكون هذة الاشياء احتياجات ضروريه ومهمة للشخص الذى يمتلكة

وعندنا برضو ممكن الواحد يجد اغراض خاصة بك ويستعملها بدون استئذان مثل الموبايل ويمكن عادى
ان يتصفح قايمة رسايلك ومكالماتك ويقول ليك فلانة دى منو يا مان تغشغش فى بنات الناس سااااااااااى مالك وممكن يقول
ليك والله الرقم الفى المكالمات المستلمة دا ما غريب على كدى اقيف النتزكرو ليك جبتة من وين الرقم دا يا شفت انت صعب
ياخى حرام عليك ماتفتش تلفونات الناس روق المنقة شويه

وتجد عادى اتنين اتناقشو فى الكورة وكل واحد اقول للتانى والله الليلة شيلو شيلتكم على الطلاق
نقلبكم تلاتة صفر وتنتهى المبارة وتعاين للحلف بالله وطلاق مقلوب تلاتة صفر وتساله وتقول ليه
ما قلتو بتقلبونة اقول ليك والله الكورة القومته فوقة اتة دا زاتة خليناه وتجى المبارة الجايه تلقاهو
واقف الف احمر نفس الحليفة ونفس النقاش ولا بخجل ياخى ماتهدى اللعب شوية واتفاصح بعد المبارة
ماتنتهى وخليك عندك روح رياضية

على العموم هذا قليل من كثير
ودمت فى اتم الصحة والعافية

» مصر لن تنفع السودان ابدا
» حال السودان
» الر?وبة فی السودان
» هكذا السودان
» السودان و الأربعون مليون حرامي