من طرائف بيت العزابة اركويت

يا اخوانا سلام عليكم
طبعا بيت العزابة اركويت مليان بالطرائف والنكات ومن ضمن الطرائف
طرائف احمد البعو وامير محمد حمد . احمد البعو وامير زى الطرده
جنهن اتناقرو مع بعض ومع ذلك بحبو بعض لدرجة امير لو ما حضر الحلة
البعو بقول والله الليلة الحلة دى مسيخة بدون امير يوم بعد مااكلنا الحلة
ونشرب فى الشاى امير الكباية وقت منو فى الواطة قال هى والله ما قاصد
البعو قال ليهو والله قاصد وانت من زمان حاسد مرة ابوك جا من الشغل
وجاب قروش اليومية عشره جنية وانت قلت لى ابوك كدى وشلتة القروش
وجدعتة فى النار انت الحرقتة قروش ابوك داء والله تفلقنا بالكباية خلى ما قاصد

والبعو بقول امير داء ماتخلوة اقيف جمب الحلة بملاها مويه
ومرة اكان امير واقف جمب الحله وشايل الابريق البعو قال لينا
عاينو لى امير دا ما ادخل الابريق دا فى الحلة

ولنا عودة مع طرائف بيت اركويت مع

جبنة جزفة
وجبنة عبيد جون
وحلة البعو
وسهرات ود الجلة
ومقالب الرشيد عبد القادر
وقفشات عبد العظيم ود الفكى الزين
وتعب محمد نورالله ومرتضى على الجاك فى نظام البيت

زمان عائد خالى فى بيت العزابه اركويت اكان عامل حله وكل ما اجى زول

داخل عائد بزيد الحلة كوز مويه والحلة الزمن بتاعه طال وناس جزفة منتظرين

حله عائد وما جايبين خبر للبحصل والناس كل ما مرة ادخل زول قالو ا الحله دى

لو دخلته فيها قشة اللحيمات اقعن فى الواطه الحله مليانة مويه تجلبق جلبيق

وجزفه قلبو الصبر قال النشوف الحله دى الحاصل عليه شنو وفتح الحله لقاها ليك

لو داير تشيل ليك لحمة الا تجيب ليك قتاس وكورك فى العزابه تعالو شوفو حله عائد

وبقى فى بيت العزابه اى زول اجى اجمع قروش لحلة اقولو ليهو بس ماتكون ذى

حله عايد ومن ديك بقت اى حله ما طاعمة بقولو عليه حله عائد بس يعنى حله مسيخه

مقلب عبيد جون لمحمد عنتر واحمد حسن سعد

ومن لم يعرف عبيد جون هو عبيد عبد القادر من القوز. جئنا انا وصديقى العذيذ احمد حسن

الى بيت اركويت اول مرة وجاين نقدم للجامعة ونحن جداد كرت كرتونة فى الخرطوم يعنى

التكتح ما عارفنها واول مرة نجى بيت اركويت للعزابة . وطبعا بيت اركويت اكان وجة لكل ناس العريجا0

المهم وصلناهم عصرا هالك بعد تعب وعنا سلمنا عليهم سالمونا وطايبونا وقعدنا تحت الشجرة جابو لينا ببسى بارد

شربنا البارد داك فى الجوع والغرئبة سألونا يا اولاد اكلتو قلنا ليهم اكلنا ونحن على شاى اماتنا وزلابية تنقبو الفلاتية

المهم جا الليل واتعشينا عشاء الملوك يا ولد اكل يا ولد الليل طويل فى الخرطوم الحمد ليك يا الله معسناها زين تب

ورقدنا نومنا تعبانين من تعب السفر الصباح بدرى وانا داخل الملاية اسمع ليك النايمين لى الضحى ديل اولاد منو ما قامو

صلوا الصبح ولاشنو ولا شربوا شاى الصباح نحن ماعندنا زول بنوم للضحى كدى . ما عندنا عطالة هنا فى البيت. العندو

جامعة امشى جامعتوا والكمسارى اتعلق فى حافلتو زى القرد وانا تحت الملاية قلبى يهتف دقة دقة والنوم طار من عينى والهم

دخلنى وبعد مسافة اسمع صوت احمد حسن محمد محمد بصوت منخفض فتحت الملاية وقلت له مالك قال لى سمعت الكلام

قلت لة سمعتو وفات اضانى لى قادى وجلسنا محتارين نعاين فى بعض ومتحيرين0 وجاء اليوم التانى قومنا من بدرى التقول

شغالين خضار وزولك الاكان بتكلم امبارح معانا نايم للساعة 9.00 وانا احمد حسن ياربى ياهو ولا ما ياهو ياهو زاتو صحى من

النوم ولقانا قاعدين صاحين منططين عيننا قال لينا يا اولاد انتو المصحيكم بدرى شنو فارشين خضار نومو نومو اشبعو نوم تب

ولا اقول ليكم حاجة ارحكم الفطور نفطر ونجى اعمليكم جبن كاربة انتو باقى متقريفين انا عارفكم

تعجبنا من هذا الرجل وبعد مرور الايام عرفنا انة رجل طيب ويحب الضحك والمرح والمقالب التحية للاخ عبيد عبد القادر

ناسف للغة الدارجية الركيكة

ملحوظة

والله التقول الخال اسماعيل دا

ماسكن فى بيت اركويت يعنى مافى حكوة

وكذالك الخال امير محمد حمد

وكذلك الاخ الغالى محمد نور الله

الله اجازى محنك يا جزفة

كنا فى بيت العزابة اركويت اكثر من خمسة طلاب نسكن مع العزابة
وفى يوم دخل علينا حزفة فى منتصف النهار كغير عادتة ..كان جزفة يطلع الى
الشغل من نجمة الصباح الى المطاح ولكن فى هذا اليوم أعطى حافلتة لسواق لكى
يسوقة الية يعنى ( مشدد سواق) وجا البيت ليرتاح فوجدنا مصنغرين ومنططين عيونا
تحت شجرة النيم الجميلة وقال جزفة السلام عليكم يا طلاب بصوت واحد نحن عليكم
السلام جزفة أن شاء الله خير الليلة جاى فى نص النهار مالك.. وطبعا جزفة مضحك
وكل الناس تحب تتضحك معاهو وتهظر ...قام قالينا الليلة ماعندكم دراسة ولا شنو يلا
قومو شوفو جامعاتكم وين حميتونا المقيالا ... واحد مننا قال ليهو تقيل فى ود (عدول)؟
فرد علية جزفة بى اجابة سريعة (تقيل مع ابو لهب) وضحكنا جميعا وبعد ذلك ذهب جزفة الى
الغرفة وذهبنا خلفة ونحن نضحك معة ونتمسخر علية وكان ثلاثة من الطلاب الموجودين معنا يشربون
سجائر وبعد ان جلسنا فى الغرفة معة واثناء الونسة كل واحد فيهم اولع سجارة وادى التانى نفس
وقال لنا اسع انت تشربو فى السجائر دا كدا طلاب انتو ولا شماشة واحد رد علية بسرعة وهو مسخوط
شماشة عاجبك ولا ماعاجبك,,,,, جزفة قال اصبرو بس خلو الناس تجى بالليل عشان نكلمن ونقول ليهم
والله الطلبة ديل افسدو علينا اخلاق الكماسرة والسواقين ديل وستات الشاى البرة فى سوق الخيمة ديل

والله يا حليلك يابيت اركويت كان لامى الجماعة كلهم وكان العريجا المصغرة فى الخرطوم

كمل............

مشكووووووووووووووووووووووووووووووووووووووووووووووووووووووووووووووووووووووور يارامى على المرور
بيت العزابة اركويت مليان طرائف ومواقف بالهبل يا رامى. ودايرين اى واحد سكن بيت اركويت من اعضاء المنتدى ان يحكى
لنا موقف طرئفة مرت علية او موقف محرج او او او او او او او او او او او و طرفة مرت علية فى بيت العزابة العملاق

انا مره كنت في بيت العذابه وطلعت من البيت مفلس ماعندي جنيه لاقيت ودعنتر في السوق العربي قولتلي ماعندك جنيه عشان انا حالتي ع الزيرو وماعندي حق الفطور قالي اسي الجنيه اديك ليو انت ولا اشرب كبايه جبنه قولتلي الجبنه بعد نرجع العذابه بعملا ليك قالي مالي بشرب جبنتك المسيخه وماليها طعم دي وحكيني القصه دي ليه عشان نعرف قيمه الجنيه ........طبعا بيت العذابه ماحصلي الشرف مشيت ليو بس القصه عجبتني بس كمل ياعنتره

هههههههههههههههههههههههههههههههههههههههههههههههههههههههههههههههههههه
ده ما سىناريو جاهز

عدد المساهمات : 234 تاريخ التسجيل : 18/10/2010

مشكور محمد علي البوست ومنتظرين منك المزيد

عدد المساهمات : 2 تاريخ التسجيل : 22/02/2012

احلي ايام حياة العزابة ؟؟
وزي مابقولة العزوبية تاج في كل راس عزابي لاينظر اليه الا المتزوج !!!!!!
!!!!!!!!!!!!!!!!!!!!!!!

» نوادر العزابة
» من هو عميد العزابة في العريجاء ؟؟؟!!
» فريق العزابة بالعريجاء
» طرائف جحا
» طرائف النساء