نوادر العزابة

زائر

<table cellSpacing=5 width="100%"><tr><td>[نوادر العزابة..

أرجو من جميع الإخوة والأخوات كتابة حكاوي ونوادر العزابة في هذا البوست..
حتى يستفيد الجميع وحتى نأخذ العظات والعبر وأيضا حتى نضحك ونمتع انفسنا بالدهشة
والروعة والابداع.. وهاكم مني واحدة كشربة بداية:-

عزابة تكاسة من عرب العسيلات كانو ساكنين بحري حلة حمد تحت .. ففي [b]..

أرجو من جميع الإخوة والأخوات كتابة حكاوي ونوادر العزابة في هذا البوست..
حتى يستفيد الجميع وحتى نأخذ العظات والعبر وأيضا حتى نضحك ونمتع انفسنا بالدهشة
و هاكم دي مني كضربة بداية

عزابة تكاسة من عرب العسيلات كانو ساكنين بحري حلة حمد تحت .. ففي مرة نميري عمل عفو عام فك مساجين كوبر تشت.. واحد سوابق طوالي مشى استلم عدتو وهدوم الشغل.. بدلة وكرفتة والذي منو.. وانطلق ناحية قصر الصداقة ..لف جا جاي.. و كت مالقا ضحية وهو راجع بشارع البلدية لما في اتنين من تكاسة العسيلات.. قال مابرجع قمحان فطوالي لفق قصتو المثيرة.. عمل فيها مندوب شركة جاي من السعودية.. في مأموية مستعجلة عايز سواقيين و حرفيين .. طوالي ساقوه جري على البيت.. فيهم واحد فراعي مرطب شوية أخونا النصاب خاف منو يكشف نومتو فركز عليه بالأسئلة بتعرف عوض إبراهيم عوض ؟ كيف ياخ جداً.. طيب معاكم عمر الجزلي و سهام العمرابي ..؟ ياخ دي شلتنا في الجامعة كيف! المهم أخونا لقط الفيها النصيب من هؤلاء العبطاء .. وشحنم ليك في أتنين من تكاسيهم عايز يطفشم ويزوغ.. واحدين قال ليهم طبعاً بيتنا بعد طرمبة صلاح ابن البادية جوار بيت كابلي قدامو شدرة دقن الباشة تحتها مزيرة سبيل.. انتو ارجونا هناك نمشي نظبط التاشيرات ونجي..وانطلق بالباقيين ..قطعو بالنقل الميكانكي فالجامعة لما قابلو بوابة النشاط قال لبتاع التاكسي.. لو سمحت تديني عشرة دقايق بس أسلم على البروف محمد هاشم عوض دا.. دي فرصة ما ح تتعوض بس ح أمرق هوا..أها من حيسو داك و اتلحس.. تاني لا يوم الليلة ..جماعتك لا هو لا الجوازات.. صنقرو كل واحد يحمر لتاني.. لمان ريقم خلاس نشف شتتو .. راجعين لجماعة كابلي ديلك لقوهم ملطوعين يشربو ماإروو لمان نشفوالمزيرة
</TD></TR></TABLE>

عدد المساهمات : 247 تاريخ التسجيل : 12/11/2008

المقلب دا ذكرني ايام كنت اعمل في سوق الجبل عندي دكان وكان يوم سوق بعد الظهر لاحظت زول يرفع في شوال سكر في كارو وكان اخي معي قلت ليهو انت بعت السكر دا قال لا سألنا الراجل يازول منو الباع ليك السكر دا فرد بكل ثقة العسكري يازول عسكري شنو قال العسكري ال كان واقف هنا باعو لي وقال لي تعال معاي اديك ورقو ودخل المعسكر وماجاني راجع ونحن عربيتنا بتفوت اها قنعت من الورق قلت اشيلو برا ورق

وطبعا العسكري اوهمو انو السكر دا حقو وباعو ليهو وقبض حقو وفال ليهو تعال معاي اديك ورق السكر عشان مافي زول اعترضك ومشى ووقفو في البوابة والدخلا الياها

حكوا لينا قصة عن جماعة من الشباب المتشوف إلى الاغتراب، وعايز يتخارج بأي شكل من الأشكال، قال ليك وقع فيهم واحد من الحرامية المتخصصين، دق فيهم خازوق لي يوم الليلة آثاره ما اتعالجت!!! وبدل يركِّبهم التونسية، ده ركبهم الدنقلاوية !!!

طبعاً عمل ليهم فيها إنو مندوب عن رجل أعمال سعودي وإنو عايز ناس من مختلف المهن والمجالات، وجاب ليهم أوراق مزوَّرة، وعمل ليهم بعض الإجراءات، وقطع ليهم تذاكر في طائرة الخطوط الجوية السودانية الماشة دنقلا. طبعاً ده كلو بعد ما فضَّ جيوبهم وشال القدامن والوراهن!!!

الجماعة قال ليك نزلوا في دنقلا قايلنها دي جدة... واحدين قالوا والله جدة جوها بارد بشكل!!! وواحدين قالوا والله يا أخوانا جدة دي ما تخلتف بأي حاجة عن الكاملين وأبو عشر !!!

زائر

دي قصة واحد مسكين وألتغ (ألجن) كان ساكن مع العزابة .. فقامو يوم يتونسو(هبشات ماقبل جرالبطانية). رميات وشمارات كدا عن الغراميات وما شابه.. فكان أكتر واحد بقرقو عليه أخونا الطيب دا.. قالو ليه أها اللخو أنت كيف مع (مرض حامد) والحاجات الناعمة دي؟؟ والله الليلة أصلو مانخليك تنوم ألا تقول لينا بتحب منو! حلف بالتقطعو) ما يجيب سيرة(خايف الهوا إقسما) قدر ما اتحايلو عليه قالو: طيب ياخي لمح لينا بأية حاجة.. في النهاية بعد نعس تب قام قال ليهم ثمح كدي امهلو لي أنا بقول براي.. لكن فرد حرف واحد بث من إثما ما بزيكم عليه! خلاث؟هيييييه..هييييه صفقوا قالو ثمح حلاث أها قول آسجم وخلصنا : قال: إثما إثما,, ياخي إثما فاطنة بت عبدالقا......(يعني عبد ا لقادر). [/b]