عابرة( ما بتجف ابدا جفونى)

عابرة

مابتجف ابدا عيونى والدمع طوالى هاطل
والخلوق بعدك جفونى والضياع يا عابرة حاصل

*************************
*************************
عابرة زكراك ياها عونى فى الزمان الجاف و قاحل
فى سراب توة عيونى فى بحار من غير سواحل

*************************
*************************
عابرة من فارقتك انتى اصلى ما ونيت مواصل
فى طريقك لو كان عرفتى سام ووا اسفاى قاتل

*************************
*************************
عابرة محتار كيف الاقيك لى عيونك وين اقايل
مدة فى حرقة بواديك قلبى ما رشاهو وابل

**************************
**************************
عاد اجيبلو الفرحة من وين من كل الشافو جافل
راجى من جملة مساكين رحمه الله الماهو غافل

*************************
*************************
الإ بس وحياة حنانى والمنى الصعبا ن وساهل
بى غرامك يا امانى الفؤاد مليان وأهل
**************************
**************************
للفراق البينا اسباب يوم تزول يا عابرة أمل
نبغى زى ما نحنا احباب نمشى فى الاعياد نجامل

**************************
**************************
عابرة لو كان القى خاطرى بسرقن فى القيط سنابل
واهدى ليك من بين جواهرى اندر الماسات فى بابل

***************************
***************************

ترتوى وتشرب بواديك وينتشى الفى فرعو زابل
ويرجعن صادات قماريك ويصدحن فى الدوح بلابل

للشاعر محمد احمد الحبيب

عدد المساهمات : 226 تاريخ التسجيل : 27/10/2010

الاخ محمد عنتر (ابو التلاتل ) لك الشكر على التقليعات العجيبه

ليست لدينا خبره فى الشعر لكن نديك شعر عرجاوى

ياحليل جارتنا الكانت تجى تشيل مننا الكبريت

نقول اهل حبسوه ولا شنو

جيت ماشى بشارع كشحت كشحت الوسخ

شعرك ذى جنينت الشيخ الجيلى

مره كنا فى بارطى ابوكساوي بيعمل فى قبعه

بامبي قاعد فى البمبر ودالحسن طلع سكينو

قال البعمل قبعه يناس انا بدينو

شعر جسفه (الحياة بيقت فطيسه والشراب بالطليسه)

السؤال
شيخي الحبيب، هل هذه الأبيات فيها شيء مخالف للشرع، علما بأنها فى قصيدة قد يستخدمها رجل ليعبر عن حبه لزوجته مثلاً وهي ليست من تأليفه، ولكنه وجدها قصيدة تتكلم عن الحب، يقول بيت فى القصيدة:
إن الغواني جنة ريحانهـــا نضر الحياة فأين عنها نعزف

ويقول فى موضع آخر:
العشق لا يستفيق الدهر صاحبه وإنما يصرع المجنون في الحين

ويقول فى موضع آخر:

أيا ربة الخدر التي أذهبت نسكي على كل حال أنت لا بد لي منك

وإذا كانت القصيدة مثلا تتكلم بأشياء غير مصادمة للشرع، وكانت فيها بعض الأبيات المصادمة للشرع فهل يمكن حذفها واستخدام الأبيات التى ليس فيها شيء؟

الإجابــة
الحمد لله والصلاة والسلام على رسول الله وعلى آله وصحبه، أما بعـد:

فالأبيات المذكورة يباح إنشادها للرجل في حق زوجته ويباح في غير الزوجة أيضاً، بشرط ألا يقصد التغزل في امرأة معينة، ولم يترتب على ذلك إغراء ولا تشجيع على الفاحشة، وإذا كانت تلك القصيدة التي ذكرتها أو غيرها مشتملة على ما يباح إنشاده وغير ذلك، فلا مانع من الاقتصار على المباح فقط وترك ما سواه، وراجع التفصيل في ذلك الفتوى رقم: 18243، والفتوى رقم: 114616.

ولا ينبغي للمسلم أن يكثر من الاشتغال بشعر الغزل أو غيره، بل يحرص على توظيف وقته فيما هو أكثر فائدة كتلاوة كتاب الله تعالى، أو مدارسة، وحفظ الأحاديث الصحيحة، أو الاشتغال بالكتب النافعة فالوقت هو رأس المال فلا يليق تضييعه فيما لا يفيد.

والله أعلم.
منقول من اسلام ويب
ملحوظة : اخى محمدلاحظت فى هذا الشعرشيئا مخالفا للشريعة وهو(وحيات حنانى) فهو حلف بغير الله وقد نهى عنه النبى عليه الصلاة والسلام فقال(من كان حالفا فليحلف بالله او ليصمت) وقال :(من حلف بغير الله فقد اشرك) ولك منى تحياتى وودى

التحية لك يا محمد نورالله والتحيه للاخ ابو قدامة

والله يا محمد نورالله لمن قريت شعرك العجيب دا ضحكت ضحك هههههههههههههههههههههه

زكرنى ود الحبيب وزكرنى القعدة فى دكان سيف الدين زمان دكان سيف الدين اكان ماسكو

النزير ود محمد على والعصر بنجى نتونس فيه انا ووليد السر والجوكر وود الحبيب وعامر

والمسلمى ود الجيلى والطن ويوم العصر قاعدين جن بنات ماشات من الرضيمة بشارع البيارة

على فريق وراء وطبعا وليد السر بقول شعر مشاتر وبقوم بتكلو فى ود الحبيب عشان ود الحبيب

ازعل ونقعد نضحك اها وتانى يوم شغالين طلبه على ناس عتمان ود الحسين الاسطة الكبير قيس

والاسطة الصغير ودالحبيب شخصيا يعنى اسطه جوانى وانا ووليد السر الطلبه بنعجن فى المونة

وليد قال لى انا داير االف شعر فى بنات الرضيمة الجن ماشات امبارح ديل ونمشى الدكان العصر

نقول الشعر دا قالو لينا ود الحبيب قلت ليهو خلاص ليك على حق النشر

القصيدة

بنات الرضيمه المارات نطاف زى رقيف بله ود البشير

واحدى لابسه ليه عبايه جديدة زى البشكير

والتانيه سمينة زى الزئر

اتقدلن فى الشارع زى بقر ام حد اللمين

يا ريت لو كنت ساكن فريق وراء

اكان عاينتة بالضرا

انا وليد ما صبرنا للعصر قلت لقيس (معتصم عباس) وليد عنو قصيدة

معتصم طبعا عارف الحاصل شنو ضحك و قال وهو يدعك فى ايديهو كدى يا وليد قول شعرك السمح داء

وليد قال ابيات الشعر وقال قالو ود الحبيب وود الحبيب زعل زعل وشاكل وليد

وحرد الفطور واليوميه وما لقينا لينا اسطة جوانى نتم بيهو اليوم واليوميه باظت على قيس

لكن العصريه فى دكان سيف الدين اكانت اجمل ومن عصرا بدرى جينا الدكان للشمارات

وجا ود الحبيب شايل عكازو زول فينا فتح خمشو مافى ضحك بى تحت تحت ساااى

الجوكر قال لى انت الليله مالكم جيتو بدرى يا تلتل من الشغل قلت ليه قيس ادانا اجازة

ود الحبيب قال لى اجازة يا كضاب يا منعول وقنب اضحك والناس كلها قنبت تتضحك معانا

التحية لود الحبيب ابراهيم حبيب الله

ملحوظة

والله والله والله العظيم ثلاثة يا ابو قدامة القصائد دى كلها مصنفة من المصنفات الادبية السودانيه

وعندى قصيدة اسمها ( هيثم والايام) للشاعر علا الدين ابوسير وتغنى بها معاويه المقل ومحمد

النصرى دى لوكتبتها ليك بتقطع ليك تزكرة من قطر للامارات وتجيب معاك سيف وتجى تقيم فينى الحد هههههه

ابيات من القصيدة

لو سبتى نجوى الشمش تجى من مغيبة

واترك الناس دين محمد والنصارى تسيب صليبا

سوف اكتب القصيدة فى بوست كامل واقول لناس قطر امسكو الزول داء عليكم