تخيل كيف يكون الحال لو ما كنت سوداني

عدد المساهمات : 99 تاريخ التسجيل : 14/03/2008

تخيل كيف يكون الحال لو ما كنت سوداني:

كنت ح تلتزم بالمواعيد..

كنت ح تتصل بالتلفون قبل زيارة أحد في منزله بدري شويه, مش و أنت في خشم الباب...

كنت انتظرت دورك في الصف ولم تتفنن في تجاهله أو الوصول إلى مقدمته بأي صورة...

كنت ح تنهر أولادك لما يبهدلوا ليهم بيت زول..

و كنت ح تتردد في أخذهم معاك المرة الجاية لنفس البيت, علشان يبهدلوه مرة تانية...

كنت ح تدفع ال share بتاعك في العشاء الجماعي دون ملاحقة.. أو سك من منظمي المناسبة المتوكحين بالفاتورة...

كنت ح تتردد في إعطاء رقم تلفون أو عنوان شخص ما دون إذنه...

كنت ح تتكلم بلسانك و ليس لسان كل من يحمل الجواز الأخضر..

كنت ح تتوقع يحصل شنو لما ترقد طفلك الصغير, دون بامبرز في سرير في بيت الناس..

كنت ح تلبس حزام الأمان في السيارة..

وكنت امتنعت عن السماح بجلوس طفلك الرضيع في المقعد الأمامي على حجر والده او والدته...

كنت ح تترد في زيارة شخص ما أنصاص الليالي و صابح يوم مدارس و عمل...

كنت ح تخلي الصغار في البيت عندما تكون المناسبة مناسبة كبار...

كنت اتونست بصوت معقول, خصوصا" عندما يكون الطرف الأخر قاعد جنبك في نفس الكنبة.. و يا حبذا عندما يكون الطرف الاخر ساكت...

كنت امتنعت عن التدخين في منزل شخص اخر او على الاقل استأذنت قبل ما تولع...

كنت ترددت في ارسال حاجات وزنها خمسة كيلو و ما فوق مع كل من تسمع بأنه ماشي السودان...

كنت رجعت القروش الاستلفتها في وقتها, أو في الحقيقة رجعتها و بس..

كنت امتنعت عن زيارة احدهم في مكتبه , للونسه او مناقشة امور لا صله لها بالعمل..

كنت خجلت من عدد المسكولات التي تعملها, مش كمان تقول "شنو يا فردة, خمسه مسكولات ما ترد عليها؟ و الله الفيك اتعرفت".....

لا شك أن الموضوع غاية في الطرافة، ولكن أحب أن أنبِّه إلى أن كثير من إخوتنا العرب فيهم جُل هذه الخصال، بل في بعضهم خصال أخرى ذميمة؛ نحن معشر السودانيين مبرؤون منها، هذا فضلاً عما تميَّزنا بهم عنهم من البساطة، والوضوح، ونقاء الدواخل، والأمانة، وعفة النفس، والكرم، والتواصل الأسري، والتكافل الإجتماعي!!!

أبو مسلم/ إسماعيل البشير

زائر

دي صفات اكتسبناها من طيبتنا عشان كده بنتعامل بعفويه ونتواصل مع بعض دون التقيد بمواعيد

» حتَّامَ نظلُّ على هذا الحال
» سودانا فوق
» رسالة إلى سوداني من مواليد بلاد المهجر
» نفرة المدراس وحال ناس ياهو نفس الحال
» عبد المجيد عبد الرازق، الصحفي المثابر، صاحب أنظف قلم سوداني