[size="6"]أوعاك تزور القبه ... في القبه مافي الحبه
منو القاليك ابشمله ... الحبر الما بتنبا
أبشمله الله يعينو ... أبشمله جو التربه
أبشمله فقير لي ربو ... محتاج لي دعوه وقربه
أوعاك تزور القبه ... في القبه مافي الحبه
أوعاك تكون متصوف ... عقيده شينه وخربه
شركا بين وظاهر ... نوبه ورقيص بي طربه
أوعاك تزور القبه ... في القبه مافي الحبه
بدع كمان وخرافه ... وتميمه قدر الضربه
لا بس تقول معروكه ... مليانه زيت ومربه
أوعاك تزور القبه ... في القبه مافي الحبه
مما يقولك شيخنا ... طار ونفخ القربه
أعرف شيطانو غدربو ... ودي كضبه أكبر كضبه
أوعاك تزور القبه ... في القبه مافي الحبه
خليك موحد دايما ... داعي الإله بي رغبه
وارفع شعار السنه ... ناصع بياضه وهيبه
أوعاك تزور القبه ... في القبه مافي الحبه
أوعاك تقلد تبقي ... زي البهيمه مغبه
أوعاك تخاف من شيخا ... شان لابس عمه وجبه
أوعاك تزور القبه ... في القبه مافي الحبه
أخشي الإله الواحد ... واعبده ذل ومحبه
واحفظ صلاتك دوما ... تنجيك يوم الرهبه
أوعاك تزور القبه ... في القبه مافي الحبه[/size][/QUOTE]
قالها لؤي عبدالعزيز كرم الله
![[أوعاك تزور القبة] ردا طلى قصيدة صوفي بالعامية السودانية Empty](https://2img.net/i/fa/empty.gif)
الإثنين 07 يناير 2019, 9:08 pm من طرف عبدالرحمن قدالة