مسابقة اسلامية وثقافية حلوة علي ضمانتي للبحبو التحدي بس

زائر

بعد إذنكم ياأخواني الأعزاء فسوف أنتقل بكم الي شعر الحماسه حيث جرت الشكاره القول فشكرت فارس القبيله قائلة : جدري القيح البعادي سم أبدرق الجدادي وليهم بجر كلام السؤال هو: أشرح معني الجدادي ؟ السؤال مطروح علي ماجده ومحمد عنتر مع أحلي الأماني Twisted Evil

آمنه عبد القادر كتب:: بعد إذنكم ياأخواني الأعزاء فسوف أنتقل بكم الي شعر الحماسه حيث جرت الشكاره القول فشكرت فارس القبيله قائلة : جدري القيح البعادي سم أبدرق الجدادي وليهم بجر كلام السؤال هو: أشرح معني الجدادي ؟ السؤال مطروح علي ماجده ومحمد عنتر مع أحلي الأماني

الجماعة شايفهم لبدوا كلهم وعملوا (غوانتا ناموا)... حقيقة سؤالك ده جنب بالحيل يا بت عبد القادر (سم أب درق المنقِّع... جدري القيح المفقِّع)

دحين السؤال كان صعب بالحيل بس قالوا البسأل مابتوه
الإجابة:
طبعا اب درق دا نوع من الثعابين وسموهو كدا عشان عندو طوق في رقبتو زي الدرقه وبتخيل لي دي تسمية السودانين لثعبان الكوبرا والثعبان دا بصدر صوت زي صوت الديك بعوعي يعني عشان كدي سموهو الجدادي عشان صوتو زي صوت الجداد
الكوبرا أفعى من مجموعة الثعابين السامة. وأفعى الكوبرا نشيطة جدًا، وإذا استثيرت حركت ضلوع رقبتها فتبدو مسطحة. وهذه الحركة تجعلها تبدو وكأن لرأسها غطاء. وفي معظم الثعابين تبدو ضلوع الرقبة أقصر من ضلوع الظهر البعيدة، لكن الكوبرا تبدو ضلوع رقبتها أكثر طولاً. وهذه الضلوع مستقيمة الشكل تقريباً، وليست منحنية كضلوع الجسم.
وللكوبرا طريقتان في استخدام سمها القاتل. البعض منها ينهش ضحاياه بأنيابه السامة الموجودة في مقدمة الفك العلوي. وبعضها الآخر يقوم بنفث السم في عين ضحيته. في هذه الأنواع تتخذ الأنياب شكلاً يتيح لها نفث السم للأمام عندما تعود الكوبرا برأسها للوراء. ويتم نفث السم بهذه الطريقة الفعالة عند نوعين من الكوبرا الإفريقية، ونوع آخر في شرق الهند. ولايصيب السم المنفوث الإنسان بالأذى إلا في حالة دخوله العينين. إذ يسبب تهيجًا شديدًا، وقد يؤدي إلى فقد الإبصار، مالم تُغسل العينان فورا. وقد يُسبِّب النهش موت الإنسان خلال ساعات قليلة.

زائر

عارفه يا ماجده أجمل شي في إجابتك المعلومه الكامله ودي بتزيد الطالب درجات ياأستاذه زي ماعارفه والأجمل منو إعترافك بالإستعانه بصديق )أب،عم... الخ( ولو إنو التاني ده بيكلف كتير لزوم الإتصال الدولي كان مابقي الإسكايبي حشر نخرتو وكده لكن المحيرني الجني ود عنتر دا كل يوم بيتقاطع بيجاي ذي كومر البلاغات ليه 24ساعه ماظهر قوليي ليهو في صديق جديد تعال رحب بيه علي كل ف.... الإجابه صحيحه king

ياااااااااااااااااااااااااااااااااااااااااااااااااااااااااااااااااااااااااااي lol!

عدد المساهمات : 234 تاريخ التسجيل : 18/10/2010

كل التحية للموجودين في البوست الجميل دة بس ياجماعة النوم بجيب اللوم وانشاء الله ماتكوني لايمني لعدم المشاركات ،انت عارفين جد كنت نايم بس مش نوم بتاع ترطيبة زي ماقال الخال اسماعيل بس نوم تعب من الشغل وكدة لانو دوامي مساء ونوم بالنهاروكمان زحمة الشغل ودوشتو حرمتني من المشاركة معاكم والتواصل،والايام دي حتي مابجلس علي النت كتير يعني بخش وبطلع بسرعة ،وياخالو اسماعيل الحمدة لله علي الترطيبة وعقبال ناس السودان وبالذات في ايام السخانة دي
امنة سبقتيني في حل السوال لاني نايم عشان كدة هاكي سوال لاني صحيت.
اهدي النبي صلي الله علية وسلم جارية لحسان بن ثابت فتزوجها حسان وانجب منهاءعبد الرحمن بن حسان بن ثابت وكانت اخت احد زوجات الرسول
ما اسم الجارية واختها التي كانت زوجت الرسول صلي الله علية وسلم؟
تخريمة :اسف لخرق قانون المسابقة وهوتتحديد عضو للاجابة ومن ثم طرح سوال، خايف تشيلني نوم تاني

زائر

سلامات يابرنس شكلك مصحصح عشان كده نجاوبك قبل ماتخش في السبات الصيفي تاني: هو حسان وأبوه ثابت إبن المنذر الخزرجي من بني النجار وأمه الفزيع بنت خنيس الخزرجيه زوجه النبي من جاريه قبطيه أهداها له المقوقس وإسمها سيرين بنت شمعون أخت ماريه القبطيه زوجة الرسول صلي الله عليه وسلم وأنجب منها عبدالرحمن إتن حسان بن ثابت .)صباحك قشطه(

عدد المساهمات : 247 تاريخ التسجيل : 12/11/2008

الاخ البرنس شكلو نائم مش مصحصح لانو سأل وهو لم يجب على السؤال المطروح فليس له حق ان يسأل والاخت امنة جاوبت بدون ان يوجه لها السؤال . الموضوع بقي كيري ولا شنو نرجو العودة لقواعد المسابقة

عووووووووووك يا ماجدة عمر... ألحقي ألحقي ألحقي.....

سوبا خربت من وراك، والجماعة لخبطوا الدنيا!!!

ناس البرنس وآمنة خرقوا قوانين المسابقة وجاطوا الشغلانة جوطة شديدة، وده ممكن يغتس حجر المسابقة ويلحقها أمَّات طه.....

البرنس لمَّا اكتشف أن آمنة سبقته بالإجابة على السؤال، قام اتوكل على الله وطرح سؤال (كده ساكت بدون إحم ولا دستور!!) وكمان ما حدد شخصين للإجابة على السؤال بحجة واهية جداً... وطوالي قامت زولتك النجيضة دي جاوبت على سؤال البرنس المطروح بلا مشهاد (على الرغم من أنه كان سؤال جيد والإجابة عليه كانت رائعة)...

والحقيقة اللوم في المقام الأول يقع عليك إنت يا مديرة المسابقة... لأنك لما عرفت أن إجابتك كانت صحيحة وقلت (ياااااااااااااااااااااااي) ما قمت طرحت سؤال جديد، وحددت شخصين للإجابة عليه... بل بالعكس، خليتي الباب مفتوح على مصراعيه، عشان كده ناس البرنس دخلوا تووووووش، وجاطوا الموضوع، وقلبوا الحكاية كيري عديل كده (زي ما قال الجمالي)...

زائر

والله كويس صحيتو علي راحتكم وشربتو الشاي وسويتو شغلاتكم كلها وجيتو للنقد الغير بناء ولو ما الدنيا صباح كان بقي هدام عديييل بالله يا جمالي شوف ليك أستاذ يراجع ليك القواعد والضمائر بالتحديد وبعد داك ممكن تقول إني جاوبت علي سؤال ما إتوجه لي وإنت نقول ما عندك عربي إحتمال زولك ده عذرو شنو والله نحن حاشانا الشلاقه الكلها عاقه وكتر خيرنا العاوزين نصحي المنتدي النايم ونايمين معاهو مديرونو وأعضاؤه غلطانييييين

رويدك يا أخت آمنة....

الأخ الجمالي حاشاه أن يقع في أخطاء إملائية أو لغوية، وهو قد كتب تعليقه الأخير باللغة الدارجة، وليس من الإنصاف أن نطبِّق عليها قيود العربية الفصحى وضوابطها... فضمير المفرد المذكر الغائب (الهاء) يجوز أن يكتب حسب ما يُنطق، فهو ينطق في الدارجة السودانية مثل (واو المد) فمن كتبه واواً جاز، ومن كتبه هاءً جاز أيضاً.... والأمر فيه سعة، وهذا شيء ملاحظ في كثير من المنتديات الالكترونية...

وأنا والجمالي إنما طالبنا بالالتزام بشروط المسابقة وضوابطها التي وضعتها صاحبتها (ماجدة عمر)، فما الداعي لكل هذه الثورة والانفعال، بل الإساءة والتجريح ؟؟؟!

زائر

البرنس قال)آمنه سبقتيني بالإجابه.... هاكي سؤال( وده كلام واضح ولو الجمالي مابغلط في الإملاء والقواعد فهو يترصد أخطاء الأخرين وذلك أعظم ولو كلامي ده فيهو إسأه وتجريح فأنا آسفه لكن نجن ماغلطنا بمساهمتنا في منتداكم العامر علاوه علي إنو البرنس إستأذن وإعتذر للخبطة النظام ... عموما فقد ظهر لي جليا سبب عدم إقدام الأعضاء علي المشاركه ! Sad

لأنو

آمنه عبد القادر كتب:: البرنس قال)آمنه سبقتيني بالإجابه.... هاكي سؤال( وده كلام واضح ولو الجمالي مابغلط في الإملاء والقواعد فهو يترصد أخطاء الأخرين وذلك أعظم ولو كلامي ده فيهو إسأه وتجريح فأنا آسفه لكن نجن ماغلطنا بمساهمتنا في منتداكم العامر علاوه علي إنو البرنس إستأذن وإعتذر للخبطة النظام ... عموما فقد ظهر لي جليا سبب عدم إقدام الأعضاء علي المشاركه ! لأنو

البرنس كان داخل غلط من الأول... وهو الذي وقع منه الخطأ ابتداءً (فهو لا يحق له أن يطرح سؤالاً)، وأنت سايرتيه في خطئه و(عُمتي على عومه)، بدل أن تنبهيه إلى ما بدر منه من مخالفة لشروط المسابقة...

ونحن إنما حاولنا التذكير بشروط المسابقة، وإعادة الأمور إلى جادة الصواب، حتى لا ينفرط النظام، وتختل الموازين، فنفقد هذه المسابقة الناجحة....

والجمالي لم يكن في كلامه أي تصيد لأخطاء الآخرين، فهو مجرد تبيه عادي، لم يتضمن إساءةً ولا تجريحاً، ولم يتضمن عبارة (الشلاقة الكلها عاقة) التي أشرت إليها في إحدى مداخلاتك...

عموماً أجمل ما في مداخلتك الأخيرة هو الاعتذار للأخ الجمالي، والرجوع إلى الحق فضيلة... والمنتدى أبوابه مفتوحة للجميع، من أهل العريجاء ومن غير أهل العريجاء، وهو ليس ملكاً لأحد، ولا حكراً على مجموعة محددة، وهو بفضل الله في تطور مطرد، يومه خيرٌ من أمسه، وغده سيكون – بعون الله تعالى – خيراً من يومه....

ياجماعة إستهدوا بالله الحكايه اني غبت اولا لاني فرحتا بإجبتي الصحيحة وتانيا لاني إنشغلت بظروف طارئه لانو نزلت كورس تبع الكليه لدكتور جاي من اليابان فالزول دا معذبنا بالواجبات ونحن السودانين مامتعودين علي الوضع دا عشان كدا إنشغلت شوية بس رجعت ولقيت الدنيا مقلوبه من وراي. كدي إستهدو بالله وحصل خير ومافي داعي للمناوشات المقصود الناس تستفيد بشكل تنافسي وجميل ليس الا. وياعمي اعتقد انو آمنه ماقصدت الا المزاح بس فماتصعبو الأمور وأتمني مداخلة الجمالي عشان يورينا انو مازعلان وآمنة انت طولي بالك المنتدي منتدانا كلنا كمان ياالبرنس ولعت الدنيا. بس انا بقول انو المسابقة حاترجع لقواعدا وانا آخر زول وقف علي الدور.
السؤال:
وطنى لو شغلتُ بالخُلِد عنه
نازعتنى إليه فى الخُلِد نفسي
من قائل هذا البيت , وكمان عايزين واحد عن السودان.

أيوا العضوين هم العم وعمر ابو قدامة

هدوووووووووووووووووووووووووووووووووووووووووووووووووووووووووووووووووووووووو
هدووووووووووووووووووووووووووووووووووووووووووووووووووووووووووووووووووووووو

الشكر لماجدة عمر صاحبة المسابقة
والشكر لكل المتداخلين فى البوست
ويا اخوانا المنتدى فى الاول والبداية للتسلية واخبار
العريجا وتطوير المنطقة عشان كدة نتمنى من الجميع
النفس البارد للردود على الاخرين والهدؤ
ونتمنى المسابقات ان تكون مفتوحة للكل لكى يشعر الجميع بروح
الجماعة والمؤانسة والتانس مع بض
وبالنسبة للكتابة المنتدة هذا ليس فى جزيرة العرب او اسوار بغداد
نحن نكتب بالدارجية لذلك تكون فى اخطاء املائية
والكل يعرف ماذا يقصد صاحب النص عن من يكتب

ملاحظة

الاخت العذيذة امنة لا تزعلى والخلاف ملح المنتديات
واختلاف الراى لا يفسد للود قضية

تخريمة

اعرف نفسى اننى ما معزوم معاكم وناسف للدخلة المشاترة دى

عدد المساهمات : 234 تاريخ التسجيل : 18/10/2010

اسف للخطاء وبعتز للجميع انا وجهت السوال للاخت امنة وكمان اعتزرت لخرق القوانين في التخريمة وشكلي تخرمتي كانت غلط وعملت حادث اصيبة فية كل من الاخت امنة والاخ الجمالي ولخبتة الموازين بكرر اسفي اسف ثم اسف وكل الاسف للاخت امنة والجمالي لاني بسب تخريمتي شدو مع بعض وما محبة لا بعد مشاددة
تخريمة :وتاني اسف للدخول السريع وعدم الرد علي المواضيع الجديدة لاني طالع الدوام
بحاول ارد في وقت اوسع

البيت لأمير الشعراء احمد شوقي

البرنس كتب:: اسف للخطاء وبعتز للجميع انا وجهت السوال للاخت امنة وكمان اعتزرت لخرق القوانين في التخريمة وشكلي تخرمتي كانت غلط وعملت حادث اصيبة فية كل من الاخت امنة والاخ الجمالي ولخبتة الموازين بكرر اسفي اسف ثم اسف وكل الاسف للاخت امنة والجمالي لاني بسب تخريمتي شدو مع بعض وما محبة لا بعد مشاددة
تخريمة :وتاني اسف للدخول السريع وعدم الرد علي المواضيع الجديدة لاني طالع الدوام
بحاول ارد في وقت اوسع

اعتذارك مقبول يا برنس، وحصل خير إن شاء الله، وقالوا اللوم بجي بالغفلات... ولكن الحادث الذي وقع منك أصيب فيه الأخ الجمالي فقط، والأخت آمنة لم يصبها أحد بأذى، بل هي التي بادرت بالتجريح، ومنتدانا هذا – بفضل الله تعالى – لم يشهد من قبل أن قام أحد أعضائه بتجهيل عضو آخر أو التقليل من شأنه أو اتهامه بقلة الفهم والدراية، وليس فينا من يدعي أنه من أساطين اللغة وجهابذتها، أو يقول عن نفسه أنه بلغ منزلة سيبويه والأخفش والخليل بن أحمد الفراهيدي... فكل الأعضاء مجتهدون، يخطئون اليوم ويصححون أخطاءهم غداً، ويتعلمون يوماً بعد يوم، وأي نص يوصل إليك المعني الذي يريده كاتبه فهو يحقق المراد....

والأخ الجمالي فضَّل أن يلوذ بالصمت على أن يبدر منه ما يعكر صفو هذا المنتدى، فله منا كل الشكر والتقدير، وله العتبى حتى يرضى...

أسألكم بالله أن تراجعوا كلام الجمالي وتنظروا هل فيه ما يثير حفيظة أحد أو يسيء إليه !!!

كنت أتمنى أن أجد شخصاً منصفاً يوجه اللوم لمن يستحقه، ثم يسعى لإصلاح ذات البين دون أن يخلط الأوراق !!!

عدد المساهمات : 234 تاريخ التسجيل : 18/10/2010

بكرر اعتزاري للجميع وبالاخص الاخ الجمالي، بس ياجماعة القانون ثغرات وانا لقيت لي ثغرة وخشيت بيها، وهي انو الاخت ماجدة بعد الاجابة علي سوال الاخت امنة لم تقوم بطرح سوال وتحديد شخصين للاجابة علية بل اكتفت بكلمة (بااااااااااااااي)وهناء يفقد القانون شرعيتة وتصبح المسابقة حرة ويمكن مشاركت جميع الاعضاء في طرح سوال لحين تقوم الاخت ماجدة بطرح سوال وتحديد اثنين من الاعضاء للاجابة علية ولا كيني كنت اسرع منها في طرح سوالي علي الاخت امنة
تخريمة : الخال العزبز اسماعيل قبل اعتزاري ،وارجو من الجميع قبول الاعتزار وياريت يقوم الاخ الجمالي بطرح سوال واختيار الاخت امنة للاجابة علية او العكس ويكون عربون صلح بينهم حتي ترجع المياة الي مجاريها

[b]صاح ياعمر بس الإجابة ناااااااااااااااااااااااااااقصة ولازم تكمل عشان نديك نقطة الفوز. وياجماعة تاني انا بقول استهدو بالله وحصل خير.وانا شايفة انو الموضوع بعد كدا يتقفل لانو نحن علي قول محمد عنتر جاين عشان نستفيد ونتسلى فما تدوا الحاجة أكتر مما تستحق .[/b]

طيب حا اكمل الاجابة .... بس انت ذاتك بالغتى تختينى مع كبار العباقرة الخال ابومسلم... ياخى مافى مقارنة بينى وبينه
لكن الحمد لله مرت بى سلام ..
هذه ابيات يتحدث فيها الشاعر الكبير عباس الطيب الهادى عن السودان
نحن اولاد بلد سودانا ما بندى
بالسيف والقلم والراى دوام نحمى
شن صعب الامر ايانا راكزين لى
والنار كان ولعت الحر بصون وادى

وطبعا البيت اللى كتبتيه اجبت ليك عليه

اها كده بعد ده بنستحق الفوز ولا لا؟؟؟؟؟؟؟؟؟

تستحق ونص وزياده كمان عشان ماتزعل ويلا شهد حيلك ووادينا السؤال القادم ، انا ختيك مع العم بس شكلو ماشغال بمسابقتنا دي كمان إخترنا ليهو سؤال مما يحب

majda omer كتب:: تستحق ونص وزياده كمان عشان ماتزعل ويلا شهد حيلك ووادينا السؤال القادم ، انا ختيك مع العم بس شكلو ماشغال بمسابقتنا دي كمان إخترنا ليهو سؤال مما يحب

بالعكس أنا سعيد جداً بهذه المسابقة الناجحة، وهي مبادرة متميزة منك يا ماجدة، ومحاولة جادة لتحريك المياه الراكدة، وكسر الرتابة والملل في المنتدى، وفيها مصداق للمثل العالمي القائل: (بدل أن تلعن الظلام، أوقِدْ شمعة)، فأنت كنت تهربين من المنتدى بسبب هذه الرتابة والملل كما قلت سابقاً، والآن أوقدت شمعة !!!

وأنا كنت أتمنى أن تتاح لي فرصة ثانية لأشارك في هذه المسابقة، ومن ثم أطرح سؤالاً ما زال يتردد في خاطري، ولكن سؤالك الأخير جاء والنفوس متكدرة، والمزاج (معكنن)....

تسلم ياعم علي الكلام الحلو دا وان شاءالله الناس تنوع في إختيار الأعضاء ويلا يابوقدامه كن مقدام وأطرح السؤال الجديد