مرشحي الرئاسة السودانية في عشرة حريق !!

مسطول وصف مرشحي رئاسه الجمهوريه كالآتي:

(كأنهم قاعدين يلعبوا ليهم عشرة حريق !!)

1. الصادق المهدي:ـ حرق بدري، واتخارج.

2. مبارك الفاضل:ـ ما عندو أمل نزول .

3. كامل إدريس:ـ معرِّج .

4. محمد إبراهيم نقد:ـ ورقو ناقص.

5. حاتم السر:ـ ورقو زايد .

6. عبدالله دينق نيال:ـ قافل علي كرت ميِّت .

7. ياسرعرمان:ـ ورقوكعب ولاعب علي دكَّها .

8. عبد العزيز خالد:ـ ورقو كلو دبل .

9. فاطمة عبد المحمود:ـ الجوكرين الشايلاهم ديل ياها المقبوضا بيهم .

10. عمر البشير:ـ فاتح وراجي الخمسين.

والله غايتو ناس البشير ديل أصلوا

شايلنها شايلنها كان بي تزوير

كان بي غيرو غايتوا البشير مافيهو

كلام لكن التحتو خربانين الا من

رحم ربك بس ان شاء الله الشعب

السوداني يصبر عليهم الي أن

يأتي من يصلح البلاد والعباد

ان شاء الله فاللهم أصلح أحوال

حكومتنا ويسر لهم تطبيق الشريعة

الاسلامية واصلاح الفساد في البلاد

آمين يارب العالمين

الحقيقة الخرخرة بدت من بدري شديد... ناس دكَّت ورقها... وناس حاولت تسرق الجوكر... وناس مشكِّكة في ذمَّة الزول الوزَّع الورق... وناس قالت دايره تغيِّر اللعبة دي خالص... من حريق لي شلَّعت، ولَّا عشرة طيبة... الله يستر بس ما ينقسمو لي طربيزتين منفصلتين (الانفصال بين الشمال والجنوب)، ولَّا يقوموا يقلبوا التربيزة فوق راس شعب السودان المسكين!!!

في اليوم الآخير من الانتخابات قتل
معارضي الحكومة الحركة الشعبية
9‏ من أعضاء المؤتمر الوطني في
الجنوب وهذا ليس بغريب علي كلا
الطرفين بس الله يستر من الأيام
الجاية ده حالتو لسه النتيجة ماظهرت
فماذا ستكون النتيجة بعد ظهور
النتيجة بس ان شاء الله الله يحفظ
شعبنا السوداني من شغب هؤلاء آمين

بعد اعلان النتيجة الأولية اليوم السبت تأكد أن البشير متقدم وزي ماقال الخال البشير فاتح ومنتظر الخمسين ولاشك أنه سيفوز الا إذا حدثت مفاجآت لكن ماأظن تحدث لأنه في جماعة اتخارجوا من بدري ومافعلوا ذلك الا لأنهم ضامنين الفوز للبشير عشان كده قالوا أحسن نتخارج قبال ماتجينا الفضايح الزول ده نحن مابنقدر عليو الزول ده ناسو براو بفوزوه خلي كمان ارشحوا ليو كثير من المواطنين فهذا ماحصل من الجماعة الطيبين ناس الصادق المهدي وبقية زملاءه بس قولوا ان شاء الله مايحصل شغب من ناس وييي سودان جديد وييي لأنو الجماعة مابتحملوا الهزيمة

» أخلاق الرئاسة
» جغمسة وأخواتها (سياحة في العامية السودانية)
» الكرة السودانية في عصرها الذهبي
» اللهجة السودانية ومصطلحات الراندوق
» الزكرى الحادية عشر لرحيل درة الملاعب السودانية