مجادعه شعريه بين اسماعيل البشير وحدباى

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أنا غايتو قاعد ليها بالمرصاد إن شاء الله تعالى

نحبك يا بلد اصلا مكتوب علينا هواك
ومافى بلدا فى الدنيا بعجبنا ســواك
كيف يا ود الخال نومة الصباح ما تجفاك
مادام العود انبرى من الشوق وصبح مسواكy]


]حدباى دا صاحبى وصديق طفولة ودراسة وانا شايفو اتخر انا بحاول ارد نيابة عنه حتى يصل واتمنى المحاوله تعجبكم انا ما من اهل الشعر لكن بحب استماعه الله اجازيك يا ود حدباى كان ما ظهرت[/size][/font]

اخى حدباى شاعر كبير بيكون العمل ماخد زمنو

المربوع ساهل عند حدباى

اذكر مره فى قناة النيل الازرق

قال مربوع طويل اذكر منو

نحن لادايرن سلطة لاثروة نحن دايرين نروى

كانت فى ذلك الوقت القرية تعانى من مياه الشرب

لكن يالكمبيلى محاولتك جميلة

وانا ودامى رقية كماظهر بستعين بابراهيم ودالجلال

اخى حدباى الموضع عندو ساهل مربوعك دا ود نورالله الماعندو باع فى الشعر برد عليه

هاك المحاوله دى

من تالا الدبول شلعن على براق

فاض الشوق على وبقيت اعاين بالرقراق

الخلانى انين وسايل الدمع دفاق

حنتوت الحنيطره وعجورا شايل ارواق

تشكر اسماعيل على التعديل

محمد نورالله كتب:

اخى حدباى شاعر كبير بيكون العمل ماخد زمنو

المربوع ساهل عند حدباى

اذكر مره فى قناة النيل الازرق

قال مربوع طويل اذكر منو

نحن لادايرن سلطة لاثروة نحن دايرين نروى

كانت فى ذلك الوقت القرية تعانى من مياه الشرب

لكن يالكمبيلى محاولتك جميلة

وانا ودامى رقية كماظهر بستعين بابراهيم ودالجلال

شكرا أخي محمد نور الله . . وهاك يا حبيب :

من تالا الصعيد إتلامعن بـــــــــراق
وعاودني الحنين وإهتاجت الأشواق
الخلاني أنوح وأزرف دمع دفــــــــاق
قتيم ابكرمت الفوقو البهم ساساق

جدع يا حدبدب

روعه ياولد ياحدباى شعر جميل

الم اقل لكم حدباى المربوع عندو ساهل ظروف العمل بس

كدى ابكرمت دى فى زول بعرف مكانو

الاخ العزيز الشاعر الكبير اسماعيل البشير

ودنورالله واصحابوا ماعندهم مقدره كبيره فى نظم الشعر انما محاولات وان كانت خجوله ولكن من باب انعاش المسرح

الشعرى فى المنتدى لاخراج الجميل المفيد


ولكن ود امى رقيه بت عبدالله

حدباى دا سيل الوادى المنحدر المابنقدر فى الشعر لكن اخى حدباى رجل يكافح فى الحياة فى السودان مابين التجارة

والزراعه لاوقت له وذلك بعد ان اتصلت به فقال لى ذلك

كسره

وحدباى كما قال بعض رجال العريجا اصلوا الله ماخلق ليه خلف اى لايرجع خلف قدام بس

ولكم جميعا الود الحب والصفاء ابناء العريجا الاوفياء

ولك الود الشاعر الكبير اسماعيل وانت تنعش المسرح الشعرى العرجاوي بكل جميل

اسماعيل البشير حتى لاتصبح هذه المجادعه بين اسماعيل واسماعيل أو ما يسمى بمسرح الرجل الواحد!!

نديك المحاوله دى ولك حق فى التصحيح والتعديل


نحن اولاد فريقا جاور المدرسه والشفخانه
تايتنا الفكى وجارنا جرجير بحنان ضمانا
حلقات الذكر والفقه تايتنا ياهو مكانا
وان جانا المحل قسم مطمورتو تب مارقانا

تايتنا الفكى هو الفكى الذين على ودارباب وجرجير معروف للجميع

المحاوله الثانيه

الليله من جيهة البلد البراق تسوى شف
عاودنى الحنين للبقر والضان والحليب والعف
الخلى قليبى رهيف والدمع من عينى نازل تف
صوت فرطاق قطيع الضان المن الهواير لفى


نرجو المعزرة لهذا العك