مجادعه شعريه بين اسماعيل البشير وحدباى

نقدل فيك وطنا والحاره نحنا رتاجا
مرضانين كتال للداره ام عبوس دراجا
القاصيه الضعيفه مابندور احراجا
معروف فيك وسط اهل الكرم عراجا

[quote="mohammedmlik"]

ياشدر الهوير القلب هـايم بيك
موجك سما وفرهد شدر وادييك
والنسام فتح عطر الرياحين فيك
ننساك كيف ونحننا يوت نبكيك

هيييييييييييييييييييييع أبشر بالخير يا ود عبد الملك ود فاطنة.... أمانة براك خربانة ومن غيرك يصيبا الخراب وينعب فوقا الغراب!!!

يا شـدَر الهـويـر الخَـدَّرتْ أوراقـك
مفرهِد وضاربة في باطْنَ الأرِضْ عَرَّاقك
قالـوا عَمَـر سحـابك ورفرفـن براقك
واا شوق الغريب الطَّـال عليهـو فراقك

mohammedmlik كتب:: نقدل فيك وطنا والحـاره نحنا رتاجا
مرضانين كتال للداره ام عبوس دراجا
القاصيـه الضعيفـه مابندور احراجـا
معـروف فيك وسط اهل الكرم عراجا

نحن اسمنا في يوم الفخـار عرَّاجـة
ما بِنْقيف على طرَف الرصيف فرَّاجـة
إن بقى لينا فوق هام السماوات حاجة
نطلـع فوق نجوما، ونقتحِـم أبْراجا

[quote="Ismail"]

mohammedmlik كتب:: ياشدر الهوير القلب هـايم بيك
موجك سما وفرهد شدر وادييك
والنسام فتح عطر الرياحين فيك
ننساك كيف ونحننا يوت نبكيك

هيييييييييييييييييييييع أبشر بالخير يا ود عبد الملك ود فاطنة.... أمانة براك خربانة ومن غيرك يصيبا الخراب وينعب فوقا الغراب!!!

يا شـدَر الهـويـر الخَـدَّرتْ أوراقـك
مفرهِد وضاربة في باطْنَ الأرِضْ عَرَّاقك
قالـوا عَمَـر سحـابك ورفرفـن براقك
واا شوق الغريب الطَّـال عليهـو فراقك
*******************

يا شَـدَر الهوايـر يا النصيـح تيرابـك
حليـل زمَناً قبيـل يـوم كنا فوق ديدابك
قالوا هَرَج سَماك، وحَلَب شَطورو سحابك
وغَصَّـانك رمَى النوَّار وطَـالَ واشَّـابك
*******************

جاني الخبر قالو البلد ممطوره
الناس الصباح مرقت علي باجوره
الخلاني اتبسم وانم منشوره
عريجا رحمه اللي الضيوف مطموره

[quote="mohammedmlik"]

جاني الخبر قالو البلد ممطوره
الناس الصباح مرقت علي باجوره
الخلاني اتبسم وانم منشوره
عريجا رحمه اللي الضيوف مطموره

الجـاب الخبـر قـالْ لَيْ بلدكـم خَـرَّف
وشدر الخور شمَخْ، وأصبح هَويرو مَسَرَّف
وناس الحِلـة مرقـت للدُّعـاش تتكـرَّف
حليلك يا العريجـا البي هـواك نتشـرَّف

وينكم يا ود عبد الملك ويا ود عنتر، ويا بقية العقد الفريد من رواد هذا المنبر المتميز...

سمعونا نمكم وفرجوا علينا ربنا يفرج همكم...

وهاكم الصاقعة الجديدة دي:ـــــ

سنين في الغربة عايش وبالقيود متكبِّـل
أصارع في الحنين والشوق محل ما أقبِّل
الخلَّى القليـب نيرانـو ديمــة تبلبـِل
غزالاً بِرعى بين (كبد اللتيـم) و(أم ألبِل)

شكرا جدي اسماعيل علي كل هذا الجمال
واعتذر عن الغياااااااااااااااااااااااااااااب فلا يمنعنا من تناول فنجان قهوة الصباح علي بلاط معشوقتنا العريجا الا شياء كبير
هو شح الزمن والضغط في العمل ولانحسبه عزرا

غزالاً بِرعى بين (كبد اللتيـم) و(أم ألبِل)
كم انت جميلا ياذبيح

جايك يالغربه ام دروبا عتره
شايل معاي حبل الصبر والستره
اتحزم نويت عازم القيام من بكره
شن بتسوي هي يابلدي فوتك امره

mohammedmlik كتب:: شكرا جدي اسماعيل علي كل هذا الجمال
واعتذر عن الغياااااااااااااااااااااااااااااب فلا يمنعنا من تناول فنجان قهوة الصباح علي بلاط معشوقتنا العريجا الا شياء كبير
هو شح الزمن والضغط في العمل ولانحسبه عزرا

غزالاً بِرعى بين (كبد اللتيـم) و(أم ألبِل)
كم انت جميلا ياذبيح

جايك يالغربه ام دروبا عتره
شايل معاي حبل الصبر والستره
اتحزم نويت عازم القيام من بكره
شن بتسوي هي يابلدي فوتك امره

أهلاً يا باشمهندس محمد، بصراحة اتقريفنا لي ما تسطره من تعليقات جياد، ومرابيع نميم يقف حيالها الحاردلو محتار الدليل، خائر العزيمة ....

كبد اللتيم، وأم ألبل، وحريقة، وأب كرمت، وأبو هجيليج، والليدين، وأبو دهيسير... هي اللقدة المنتشرة حول العريجاء، وقد ابتلع الباجور كثيراً منها وبقي بعضها خارج الباجور، مثل كبد اللتيم وأم ألبل وأبو دهيسير وجزء من أب كرمت...

واللقد أو الأُقد (كما ينطقه جدك محمد ود نور الله، وهو النطق الصحيح) هو منخفض رحيب تتجمع فيه مياه الأمطار وتنبت فيه الشجيرات والحشائش والأعشاب)

أما السوادر (العوالي) فهي كثيرة مثل: بامبيدو، وأب راشد، و أب زليق، ومقعور، والشدير، والنويلة، والخيران....

وهاك دي نمة قديمة فوق الغربة نظمتها في أول سني غربتي في قطر:ــ

نحن الغربـة عشناها، وركبنـا هَجِينا
صايعيـن بالخليـج، مِنَّ البلد هَجّينـا
ما بْننسى الأصول إن جينا وإن ما جينا
يا حليل الولـوف، الفي العقاب راجينا

هاك دي واحدة جديدة لنج، وهي قصيدة رقيقة من روائع جدك الذبيح، وقد جارينا بها بيتي قيس لبنى: ـــ

فَلَوْ لمْ يَهِجْني الظاعِنونَ لَهاجَنـي *** حمائمُ وُرْقٌ في الدّيــارِ سُجوعُ
تَجاوَبْنَ فاستبكَيْنَ مَنْ كانَ ذا هَوىً *** نَوائـحُ ما تجْـرِي لَهُـنّ دُمُوعُ

وَكِت تومـاتِي قامَـنْ مِن مَهـاوِي رتوعِـن
سجَعْتَ مـع القَمـارِي الغَـرَّدَن في فروعِـن
نَوايْحـاً ضُمَّـة ما بِتْسيل وتجْـرِي دمُوعِـن
أريت نار الهَوى الفي ضلوعي تغَشَى ضلُوعِن

Ismail كتب:: [size=24]
هاك دي واحدة جديدة لنج، وهي قصيدة رقيقة من روائع جدك الذبيح، وقد جارينا بها بيتي قيس لبنى: ـــ

فَلَوْ لمْ يَهِجْني الظاعِنونَ لَهاجَنـي *** حمائمُ وُرْقٌ في الدّيــارِ سُجوعُ
تَجاوَبْنَ فاستبكَيْنَ مَنْ كانَ ذا هَوىً *** نَوائـحُ ما تجْـرِي لَهُـنّ دُمُوعُ

وَكِت تومـاتِي قامَـنْ مِن مَهـاوِي رتوعِـن
سجَعْتَ مـع القَمـارِي الغَـرَّدَن في فروعِـن
نَوايْحـاً ضُمَّـة ما بِتْسيل وتجْـرِي دمُوعِـن
أريت نار الهَوى الفي ضلوعي تغَشَى ضلُوعِن

تسلم ياجد حفظك الله ورعاك
كم نحنو محظوظون اننا عاصرنا عهدك يازبيح
وشهدنا سرب القوفي يمرح في الهامك الفسيح
ان وصفو قيس بمجنون ليلي فهل انت بالعريجا نصيح
شكرا علي كل جميلا ياجميل الكلم والقول الصريح

بعد توماتي الليله جن بي طوعن
اب نيف صرخ مستني تاني روجعن
ابقالك حلم واتموت كمد موجوعن
ماشبه اللقد ديل قلب المدينه رتوعن[/size]

من بلده بدر مسجد العريش واطلاله
ومقابر الصحابه الردو الحشود الضاله
والنار البتلسع من لفيف جباله
كما الشوق نضم كيفن نوصف الحاله

عدد المساهمات : 13 تاريخ التسجيل : 04/06/2008

نحن الغربـة عشناها، وركبنـا هَجِينا
صايعيـن بالخليـج، مِنَّ البلد هَجّينـا
ما بْننسى الأصول إن جينا وإن ما جينا
يا حليل الولـوف، الفي العقاب راجينا[/center][/font][/color][/size][/quote]

بعد غيبة طويلة . . ولظروف خاصة . . بنقول لي أخونا وحبيبنا . . الشاعر القح . . العملاق اسماعيل

نحن الغربة عشناها وطلعنا جبالا
حايمين بالحجاز جبنا السهول وتلالا
مهما تحلا جدة . . وتسحرك بجمالا
ما بتلهينا من كبد اللتيم . . بريالا

عدد المساهمات : 13 تاريخ التسجيل : 04/06/2008

كتب الاستاذ اسماعيل :
سنين في الغربة عايش وبالقيود متكبِّـل
أصارع في الحنين والشوق محل ما أقبِّل
الخلَّى القليـب نيرانـو ديمــة تبلبـِل
غزالاً بِرعى بين (كبد اللتيـم) و(أم ألبِل)
[/quote]

اخونا وحبيبنا اسماعيل . . هاك دي :
[سنين في الغربة عشت وبالبلود طشيت
شايل الشوق بحر . . لمن خلاص جنيت
الخلي القليب يهدا . . ويقـــــــول ياريت
لهيج الجــــانا يقدل . . شاقي آخر بيت[/[/color][/b][/size]

عدد المساهمات : 13 تاريخ التسجيل : 04/06/2008

كتب اسماعيل :
روعة يا حدباي، وأثبت للجميع إنك فعلاً شاعر مطبوع، وماك بتاع حلمنتيش وبس، وإنما قدحك واسع، وبحرك لا ساحل له، وبعد ده كراعك اتجرت وتاني ما فيك ليك طريقة فرفرة، يعني لازم تكمل المشوار للنهاية،، وهاك القنبلة الجديدة دي:ــ

تعول العينة فوق وادينا دودن وصبَّن
وعيش كبد اللتيـم قالولنا شرَّى ولبَّن
الخلاني أساهـر الليـل حزيـن ومغبـَّن
تقـيـرات المعـيـز المـن شـرابن غبَّـن
[/quote]

[color:cbba=blur=blu[b]e]]وانا بقول لي شاعرنا الضخم :

سحاب الخيرصان فوق سمانا اتحقّن
ونام فحل الشقر شبعان بدين وميقّن
السبب القبيل. . خلا دموعي يصبن
حجلو الكحكو . . ملا ساقو لامن زرقن[/size]

هلا وغلا.... وأهلاً بعودة الأخ حدباي، شاعر العريجاء الرائع، وأحد أبرز كوميدي سوداننا الحبيب....
استنار المربد بعودتك الميمونة، وصدحت شواديه بأجمل الترانيم والألحان...

وهاك دي نمة خاصة احتفاءً بعودتك الميمونة:ـــ

شرَّفـتَ الدِّيـار .... والله يا حَـدَبـاي
ياك دُخـري القبيلـة، وياك جُراب الرَّاي
برجوعـك سطَـع نجـم السَّعَـد ضوَّاي
وشُفنا القُمري غنَّى على الغُصون قوقاي

حليلك يا ود عبد الملك، وحليل أيامك... وينك ووين أراضيك ؟؟؟!!

صاحبك حدباي (the invisible man) شايفو أخد ليه متاوقة بي جاي، وختَّ ليهو مربوعة مربوعتين وقال يا فكيك!!

سمعنا قالوا اليومين ديل العريجاء مطرانة ونسيما عليل، والمطرة من شرقة الشمس لي غيبتا شغالة تنقط، وقالوا الجو مثالي للصيام، وناس الحلة عايشين أجمل أيامهم:ــ

عِريجْتَك قالوا ممطـورة..وسمَاها مغيِّم
الدَّهَرُوب كَجَـر... فوق النويلـة مخيِّم
قَدُر ما أشوف فِريعـاً، فوقو غنَّى حميِّم
ألقَى الدَّمْعَـة سالَـتْ، والفُـؤاد مِتَّيِّـم
*************************

بشوف شهر الصِّيام جاكم عديل بي وشُّو
وحَدَب الحِلَّة بات رويان... مخـدِّر قشو
خريفكم قالوا ما انقطعَتْ طَوارِف رَشُّـو
وصَقَط الليل بِهِبْ قبْل الجُّهـال اتعشُّـوا
*************************

سلام اهل المسادير والنمه
اهل السعايه المد البصر متلمه
الخلاني بعد طول السفرما انجمه
كل ما اتذكركم تزيد الحمه

ود عبد الملك كتب

طريت عريجتنا والعقاب وقفاية
وطريت الدبل والغرنوق والمشاية
وحى الوسط مرتع حنين وصبايا
ياودعنتر اخوى الغربة جد بكاية

والله ياود عبد الملك ابدعتة وزدة فى الابداع والروعة
وابيتك دى انا ماعندى باع ارد علية نخليها كدا لحدى
ما اجيك الخال اسماعيل ارد عليك

شكرا عنتر فاكهه المنتدي وملك الترحيبات

جدي اسماعيل الزبيح

انشاء الله عمره مبروكه ومقبوله

ذاد وجدنا لبريق اناملك وابداعك الذي فاق الجمال جمالا ومساديرك التي اعطت هذا المنتدي لونا زاهيا

وطعما عزبا ورائحتا تفوق المسك عطرنا مفخما

lol!

عوووووووووووووووووووووووووووووووووك

والله خرمنا عديل لمرابيعك

تكتب لينا حاجه ولا نحصل في قطر نسمعا كلها ونجي

يا اخوانا البوست دا نام كتير . وينك ياخال اسماعيل حليلك وحليل نماتك
وينك ياود عبدالملك الملك حليلك يايابا وحليل مرابيعك العجيبة
وينك ياخال حدباى حليلك يلخال وحليل جدعاتك
وينك يابدر البدر حليلك وحليل دخلاتك
يا خوانا صحو النوم . يا اخوانا بصراحة اشتقنا لى نمكم العجيب داك دحين عقبو

تيت تيت ... أنا جيت !!

شايف المدعو حدباي قامن ليهو رويشات وبقى يجادع بالنميم هناك في ملتقى الفيسبوك...

ومرات مرات بتلب بي جاي يلطش ليهو مربوعة مربوعتين ويمشي ينشرن هناك...

وهاكم دي واحدة جديدة لنج في الحنين إلى العريجاء، الوطن والأم الرؤوم، جادت بها القريحة في صبيحة هذا اليوم الأغر:ـــ

بريقاً رفَّ من جيهـة العريجـا ولالا
خلَّى الدمعـة تذرِف، و الفُراش ملالة
حليل شدَرات هوايرنا الوريفـة ظلالا
ونفوساً طيبـة ما بْتعرف تقولك لالا

ودي كمـان مربوعـة نميم جديـدة في الحنيـن إلى تلك الأوديـة الخصيبـة، والحقول الخضراء، والنفوس الرضية، والديار الحالمة... بأرض العريجاء الحبيبة:ــ

حليـل مُهْـر السّـبـاق العَبَّـدو جريجيـر
موالْفَ السَّرْحة في (أبْ كُرْمُت) وأبُو دهيسير
حليل وادينـا خَـرَّف وصَـبَّ مَطـرو غزير
حليـل الويكـة والويكاب ومـويـة الزِّيـر

عليك أمانة الله المدعو حدباي قطع الحومة تب، وبقى لا بيغشى المنتدى ولا بيظهر الفيسبوك...

حقيقة النسى قديمو تاه، والراجل ده اتعود على العريد وفككان البيرق...
وقول ليه هاك دي واحدة من النوع الجامد:

أهلي الجرتقوا التاريخ، وكانوا مفاخرو
هم سيفو السنين.. اللي الشدايد داخرو
أسياد بحر الكرم.. من أولو ولي آخرو
والمتختري دايمـاً بجدعولو مناخـرو

نقول يا أخوانا المدعو حدباي هيلاهوب وين أراضيه ووين الحي بيهو... الراجل ده دخل مرحلة البيات الشتوي المعتادة وللا شنو...

وهاكم القنبلة الجديدة دي:ـــــــــــ

الخـور إنمـلا... وبالحيل طمَـح تنِّيلو
والشـدر الكُبار طـاب للجماعـة مقيلو
حليل أهلي الحنان كل زول ضميرو دليلو
في لقا في محـل، بسخى وبجود بالهيلو

» مجادعات بين ابي عمر البشير وعمي اسماعيل البشير
» اعضاء المنتدى الكرام
» اسماعيل البشير والسوال الكبير
» منقول من مجلة الصحه القطريه بقلم اسماعيل البشير علي
» ودبادي يرثي اسماعيل حسن