مجادعه شعريه بين اسماعيل البشير وحدباى

هع الجنى ودعنتر مو جنى نصاح حرم نجرو اخضر ومجية جنس جية المربوع اجيبو كفتة كفتة

والله يا محمد نورالله ويا الخال اسماعيل من شكيركم لى شعرى دا اتنفش وشدوقى ديل كبرن

وعملته فيها شاعر تب مرات احس بى نفسى زى حوى النبى هههههههههههههه دل دل دل دل

والله المربوعه دى اتعبتنى جنس تعب يوم كامل أحرق فى روحى لامن جاء لكن جاء مجيه تاااااااااب

لكن يا الخال اسماعيل ياهندسة انت عدلتو وجيهتو جنس جية والله جبتو بالمقاس ظط قدرو بس قميص عامر بس

انت مهندس مرابيع يامهندسة يا خال يارايع والله ابدعته فى اخراج المربوع بشكل افضل وجميل لك التحية ياخال

والله خليت المربوع بتاعى دقر ياعين مربوع منمق ومجية لكن الشاعر ودعنتر دا صعب ومتكل بالشعب

النايمة على طرف الفريق دى يا الخال اسماعيل دى( حمارة عندها كدر يعنى عرجا بتنوم طوالى فى طرف

الخور تابعة لى ناس بله ود البشير ولمن كنا صغار كنا بنمشى نسرق بيها الفول والعنكوليب ( هههههههه

عندى نجرة جديدة لنج الان جارى التحميض

ترقبوا قريبا

قبل ود عنتر ما يرمي (نجرتو الجديدة) والتي لا تزال في طور التحميض والتنقيح، دحين هاكم الصاعقة المدوية دي:ـــ

من جيهــة البلد شفت البريـق يتبسَّـم
وسـال سيل المدامـــع والغميد اتقسَّـم
طريـت شـدر الهواير، والنسيم النسَّـم
وشاشـاي البهيـم الفوق خديدو موسَّم

نحن مانا واقفين كلو كلو ... دحين قولوا لي بدر ود الكدك انقرع، الجاموس أكل الزرع...

تعريجة: الله يجازي محنك يا ود عنتر.... أتاريها النايمة في طرف الهوير بالليل حمارة عرجاء هول ناس بلة ود البشير !!!!!

كع كرع ,,,,, ابشر بالخير يا الخال اسماعيل والله النصيحة نمك سمح جنس سماحة

نم مرتب ومنسق ومجية ,,, والله يا الخال اسماعيل انت موسوعة وبالجد مفروض

تكون زى ناس ود شورانى وابراهيم العبادى ,,حقيقة نمك فى غاية الروعه والابداع

تووووووووووووووووووووووووووووووووووش ودعنتر كبس اب دبس

هاكم دى تحمضت بعد التعب والعناء ,, اتاريهو النم دا متعب كدى

ارقد ياعيش

مالك ياعينى لجيتى وابيتى الغميد

ومالك ياقليبى رجفت ماكنت حديد

أه ياقلب بقيت ات للهموم دايما صديق

متين ارجع ليك ياعريج واضرع بالفريق

يا الخال اسماعيل دحين تم النمة دى والله جهجهتنى جنس جهجة واتعبتنى جنس تعب

وقددت عيونى ديل ,, وساهرت بى الليل ,, وحرنت تب ابت ماتنتم ,, ووقفت عكاز

ابت ماتتلوى, على الطلاق حاولت فيها يمن وشمال وقفت زى تقابة البخت

دحين يا الخال اسماعيل النمة دى فوق بنات العريجا جيه تأاااااااااااااااااااااااااب

وانت ما بتتوصى النبى عليك اكان ما جيهتها

مافيهن الحوامه و اللكلام بتشيل

عفة , وسماحة افوت القمر باليل

جية يا الخال اسماعيل

محمد عنتر كتب:: كع كرع ,,,,, ابشر بالخير يا الخال اسماعيل والله النصيحة نمك سمح جنس سماحة

نم مرتب ومنسق ومجية ,,, والله يا الخال اسماعيل انت موسوعة وبالجد مفروض

تكون زى ناس ود شورانى وابراهيم العبادى ,,حقيقة نمك فى غاية الروعه والابداع

تووووووووووووووووووووووووووووووووووش ودعنتر كبس اب دبس

هاكم دى تحمضت بعد التعب والعناء ,, اتاريهو النم دا متعب كدى

ارقد ياعيش

مالك ياعينى لجيتى وابيتى الغميد

ومالك ياقليبى رجفت ماكنت حديد

أه ياقلب بقيت ات للهموم دايما صديق

متين ارجع ليك ياعريج واضرع بالفريق

يا الخال اسماعيل دحين تم النمة دى والله جهجهتنى جنس جهجة واتعبتنى جنس تعب

وقددت عيونى ديل ,, وساهرت بى الليل ,, وحرنت تب ابت ماتنتم ,, ووقفت عكاز

ابت ماتتلوى, على الطلاق حاولت فيها يمن وشمال وقفت زى تقابة البخت

دحين يا الخال اسماعيل النمة دى فوق بنات العريجا جيه تأاااااااااااااااااااااااااب

وانت ما بتتوصى النبى عليك اكان ما جيهتها

مافيهن الحوامه و اللكلام بتشيل

عفة , وسماحة افوت القمر باليل

جية يا الخال اسماعيل

هذه محاولة متواضعة مني لإتمام مربوع النميم الذي بدأته يا ود عنتر وغلبك تكمله، وإن شاء الله تنال إعجابك !!!

ما فيهن الحوَّامة ولي الكلام بتشيل
عفة وسماحة تفوت القمر بالليل
قوام البان ودوف الخيل وجيد الريل
قدر ما أذكرن جدول عيوني يسيل

عدد المساهمات : 226 تاريخ التسجيل : 27/10/2010

ودعنتر تشكر على التواصل الشعرى الجميل وانت تحرك هذه الساحه عسى ولعل ان ياتى اليها

من شباب العريجاء من له باع فى الشعر

ابداعك جميل لك الشكر ابنا بارا بالعريجاء

من جية البلد شفت البريق يتبسم

وسال سيل المدامع والغميد اتقسم

طريت شدر الهوير والنسيم النسم

وشاشاى البهيم الفوق خديدو موسم

لله درك يا الخال اسماعيل والله لقد ابدعت فى هذا المربوع بالجد تحفة , واية من الجمال

فى التنسيق والترتيب والكلمات ,, قمة الابداع والروعة ,, لقد عجبنى هذا المربوع وحفظتة صم

وشأت الاقدار ان اذهب للمكتب الرئسى للشركة بتاعتنا لتوقيع بعض الاوراق ويوجد فى المكتب الرئسى

سودانى من اهلنا ناس الجزيرة ,, وعندما دخلت علية وسلمت قرأت علية هذا المربوع فتعجب وتبسم وقال

لى من وين جبت المربوع دا يا ود العريجاء قلت له من منتديات العريجا وحكيت له كل التفاصيل وطلبت منه

ان يتصفح المنتدى وبالفعل تصفح المنتدى وأعجب جدا بالمنتدى وأهل العريجا ,, وقال لى الان انا من اهل

العريجا وسوف اسجل فى المنتدى خلال هذا الاسبوع وهو معجب جدا بالمنتدى وبالمواضيع الموجودة فى المنتدى

وانا اقول له مرحب بيك خالد ابو عاقلة وخالد ابو عاقلة هو المشرف الادارى لشركة الامارات للكارتنج

وانشاء الله ترقبوا خالد ابو عاقلة ولدنا ود الجزيرة فى المنتدى خلال هذة الايام

هذه محاولة متواضعة مني لإتمام مربوع النميم الذي بدأته يا ود عنتر وغلبك تكمله، وإن شاء الله تنال إعجابك !!!

ما فيهن الحوَّامة ولي الكلام بتشيل
عفة وسماحة تفوت القمر بالليل
قوام البان ودوف الخيل وجيد الريل
قدر ما أذكرن جدول عيوني يسيل

حقيقة ياخال ابدعت والله المحاولة ما متواضعة دى محاولة قمة الروعة والابداع من شاعر عملاق الخال اسماعيل البشير والله لقد ابدعت فى اتمام هذا المربوع وانا انشاء الله سوف اسجل هذة المرابيع الجميلة

فى دفتر خاص لى وسوف افجر مفاجأة بهم قريبا انشاء الله بكل المرابيع

التى نظمت فى قريتى الحبيبة (العريجاء) العريجاء هى الام وهى الاب وهى الهواء الذى نستنشقهوا هى كل شئ فى حياتنا يارب اجعلنى ابن بارا للعريجاء كيف لا؟ وهى التى حبينى على ترابها ورضعنا من خيراتها

العريجاء العشق الابدى

ود النور كتب

ودعنتر تشكر على التواصل الشعرى الجميل وانت تحرك هذه الساحه عسى ولعل ان ياتى اليها

من شباب العريجاء من له باع فى الشعر

ابداعك جميل لك الشكر ابنا بارا بالعريجاء

تسلم يا ود النور يا واعى ودا من زوقك ونتمنى من جميع ابناء العريجا ءالمشاركة ,, والخال اسماعيل قاعد بجية ليكم نمكم

ونتمنى المشاركة من محمد حسن حدباى وبدر الدين على ولكل من له باع فى الشعر لكى نلهب حماس هذة المساحة الجميلة

مشكور يا ود عنتر على الحضور المتواصل، والاجتهادات الرائعة... وحقيقة إنت وود نور الله أحييتوا هذه الساحة الشعرية ونفختوا فيها الروح، بعد أن هرب من هرب، وعرد من عرد، وصهين من صهين، وتجرعنا كأس الخذلان منا كل من حدباي، وبدر الكدك، وخالد الجاك، وأحمر عين، وخلافهم من شعراء العريجاء !!!

هاكم دي واحدة جديدة، وقولوا لود الكدك انقرع، وارعى بي قيدك، وما يبقى شغلك مجرد تهديدات جوفاء فارغة المحتوى !!!

قدلـت بالفريـق شايلة المرايـة حلاتا
خاتـف لـونا بيـن المنقـة والشكلاتـة
الخلى قليبي يا الحبَّان جروحو تلاتة
بـريـبـاً رتــع قـدَّام فـريـق فـلاتــــــة

طبعاً المساحة دي أصبحت مهجورة تماماً بعد رحيل كل الشوادي عنها، بمن فيهم (المعرِّد الأكبر) و(المعرِّد الأصغر)... هذه على وزن (المرقِّش الأكبر) و(المرقِّش الأصغر) وهما شاعران جاهليان... أما (المعرِّد الأكبر) فهو حدباي، المستهدف الأصلي بالمجادعة، و(المعرِّد الأصغر) هو بدر الكدك، الذي هدَّد وتوعد، وأرغى وأزبد، وأبرق وأرعد، ولكن قد اتضح لنا أن سحابه كان جهاماً وبرقه خلباً، وسيفه من خشب !!!
ومن باب مواصلة ما بدأنا في هذه المساحة الشعرية نقول:

ما بتاعـة وشـاية، وللحديث نقالـة
ست حشمة وأدب، جدية ودقس أمقالا
درعـاة عُنَّز الريـل، الرقَش مُزقـالا
تسـرح بين مراتـع الحلة والرسقالة

هذه الأشعار لا يستطيع أن يجاريها أحد سوى شاعر العريجاء الكبير حوى النبي محمد صالح، وهو من أبناء فريق (قدام - جنوب) ونحن من فريق (قدام - شمال):ـــ

نحن أولاد فريق(قدام-شمال) والناصية
نحن ركوبنا جامحات الخيول، العاصية
بنخوض لُجَّـة العركة أم هوايلاً قاسية
ثابتين في المحاص متل الجبال الراسية

نحنا اولاد وسط فرسان قنيص وشوارد
من نظم القصيد مافينا زولا حارد
ان حر الدواس تلقانا( سيلا ) وارد
وان جيت زول صلح تلقانا (غدقا ) بارد

mohammedmlik كتب:: نحنا اولاد وسط فرسان قنيص وشوارد
من نظم القصيد مافينا زولا حارد
ان حر الدواس تلقانا( سيلا ) وارد
وان جيت زول صلح تلقانا (غدقا ) بارد

ما أورع هذا المربوع من النميم، من هذا الشبل المبدع، الذي أقال عثرة أولاد فريق وسط جميعاً، بمن فيهم المُعرِّدان، (المُعَرِّد الأكبر) و(المعرِّد الأصغر)، و(أحمر عين)، وخالد الجاك!!

حقيقـة أولاد وسط شرفتهم يا محمَّــد
حدباي فـزَّ، والدم في عروقـو مجمَّـد
وبدر الدين شرد، مرعوب، وجيهو مرمَّد
سهمنا أصابو ليك في عينو، لامن غمَّـد

ان رفضو الكتال سماعين ابوي خليهم
بي فت بيت شعر ماظننا بنرسيهم
خشو الداره ليه مدام كبيره عليهم
يافارس النميم لامتين نغتغت ليهم

سيبك منهم يا ود عبد الملك، وخلينا نتجادع نحن برانا لامن يغيبوا ويجونا راجعين على مهلتهن...

زمان الحكامة قالت:

الخوَّاف لبدوهو،
لامن تمشوا وتجوهو،
طمبرولو ورقصوهو
ولي بيت أمه وصلوهو

وهاك القنبلة العجيبة دي:ــــــــــــــــــــ

حليل شدر الهـوير... قالولنا نوَّر وخـدَّر
وساق الضل بعيد، والخور طمح واتحدَّر
حليـل القـام دغيش، سند التقـانت وبـدَّر
حليـل الديمــة طربـان، لا زِعِـل لا اتكدَّر

سلام اهل الكرت والصرار والكر
اسياد الكرم دوام ضراعكم اخدر
في عون الضعيف مافيكم البتجرجر
وفي ضرب القصيد مافيكم زولا اشتر

لا فض فوك يا ابن عبد الملك، وصح الله لسانك يا شاعر الحي الأوسط،،،

وهاك دي واحدة جديدة لنج:ـــ

ديار أم زين تهـب أنسامـا ليْ، وتطيـب
طريـت أيامـا، والثمــر المدلِّي رطيـب
طريت القمري يوم قام فوق غصونا خطيب
والنوَّار فقــع، طلق العطــر والطيـب

لله درك جدي اسماعيل فلك ابيات لايجاريها احد
فانك تمتلك ناصيه القوافي وتسمع صوت الحسن وتجيد فنون القول

النوار فقع عم الديار بصباحو
القمري اتبكم وراح جمال صداحو
والدرب انشحط حت الصخور انداحو
وكت السمحه جات فيها الملاين راحو

تأمل يابني فانك لن تسطيع مجاراه هولا العملاقه فيكفيني ان امتع ناظري بي كميه الابداع هذه ...........................................؛............................................................................,,,,,,,,,,,,,,,,,,,,,,,,,,,,,,,,,,,,,,,,,,وان اغذئي عقلي بهذه الدرر النفيسه والغاليه

هاكم دي واحدة جديدة لنج ....
عبارة عن عربون مودة لولدنا رامي، طيب الأسامي، الحاشاه ما حرامي، بحر الدميرة الطامي، ونهار التريا الحامي....

حليـل دار العريجـا وذكرياتنـا الماضيـة
حليل ناساً حنان خلقة ونفوسن راضية
حليل الما برا الهايفات وقـام في فاضية
ولـداً بقلب العـوق أب سـيـوفـاً ماضيـة

Admin عدد المساهمات : 302 تاريخ التسجيل : 30/12/2007

الليله الصباح بلد التمور ممطور
زكرني الفريق بين البريق والخور
الخلاني في البلد البعيد مهجور
رضوة جدية الريل الماتاوقت من سور

االجدعه دي اوردناها في بدايه هذه المساجلات ويبدو انها
اعجبت شاعرنا اسماعيل فقال امكن ملطوشه من منتدي
ونقول لي ابشر دي عريجاويه وللتاكيد بين البريق والخور
هذه هي المكان التي تقع بين منزل البريق وهو معتصم
والخور وهو الشارع الذي نسلكه في طريقنا للجزاره
وموقف بكاسي العزازي
رايكم شنو

الخلاني أقول إنها ملطوشة من النت إنها بدايتها بتتكلم عن بلد التمور، وبلد التمور ده أكيد ما العريجا ولكن إحدى قرى الشمالية حيث تنبت أشجار النخيل.... ولكن الآن صدقنا إنها حقتك لكن برضك يا أمير حاولت تجاري بيها مربوعتي البتقول:،،،،،

حدَب الحلـة خرَّف،وخـدَّر الباجـور
وفاحتْ ريحتو صندل وزعفران وبخور
الخلَّى الدمـوع من عيني جارية بحور
بُرّيبـاً رتَعْ بين (ود عدول) و(الخور)

mohammedmlik كتب:: لله درك جدي اسماعيل فلك ابيات لايجاريها احد
فانك تمتلك ناصيه القوافي وتسمع صوت الحسن وتجيد فنون القول

النوار فقــع عم الديار بصباحو
القمري اتبكم وراح جمال صداحو
والدرب انشحط حت الصخور انداحو
وكت السمحه جات فيها الملاين راحو

النوار فقــع، أسكرنا طيب أرياحو
واخضرَّ الشجـر زان البلد بسماحـو
أسراب القماري على الغصينات صاحوا
وانجلت الهمـوم، والسعْدِ طلَّ صباحو

والله الود ده لو كانت مرابيع النميم دي كلها نجر أخدر بتاعو وشعر ذاتي ما ملطوش من النت يعتبر من أميز شعراء هذا المربد، ويعتبر مشروع شاعر مصقع سيكون له أي شأن لا سيما وحوى النبي جدو لزم...

عدد المساهمات : 234 تاريخ التسجيل : 18/10/2010

يا جماعة والله انا جيت اجدع ليكم سلام وما رق
سلام عليكم ومشكورين علي المساهمات والمجادعات

عربونك وصل ياخال وكلماتك جميله ومحفزه وياريت لو لي في الجدعات كان رديت علي بس شعري المتواضع لايصلح الا للاطلاع فقط وجزيل شكري للخال ابو ممدوح والاخ البرنس وشكرا

ابداااااااااااااااااااااااااااااااااااااااااااااااااااااع يا مدير المنتدى أمير محمد حمد
بين البريق والخور دى هيجت فينا المشاعر وولعت فينا نار الشوق للاهل
وزكرتنا ضبحة اب جيب وخضرة احمد نعيم ونسيم الخور والقعدة تحت طل
حيطة ناس عطاء ومرق الغنم للسرحة ... وللحقيقة يا أمير هذا المكان
يمتاز بموقع جغرافى عجيب وحلقة وصل بين الكمبو والحلة وسوق مصغر
للقرية .ومنفس لسكان العريجا .........

متين ارجعلك

الشكر لكل المتداخلين فى البوست الرايع

ويلا يا اخونا سمعونا نمكم فوق أم القرى

ايام كنت اعيش بين ربوعها حر الفواد ولااعيش مقيدا ....ياسلاااااام ياعنتره كانت ايام جميله وعشقت فيك من الطبيعه ,,,,,,عائدون باذن ربي عايدون @وكل الشكر والتحيه للخال امير محمد حمد

هاكم دي واحدة طازة تتمركز حول فريق الفكي الزين وود العيكورة، حيث تنداح الأفراح وتميط الشموس عن وجهها الوشاح:ـــ

يا عريجـة الهنا البي كل خير مذكـورة
بالعـز والمحامــد والكـرم والكـورة
شموس فرَحك تجلَّتْ، وأشرقتْ في بكورا
في حوش الفكي، وحاج أحمد العيكـورة